កីឡា

កម្មវិធីប្រកួតកីឡា៨ប្រភេទសម្រាប់អាស៊ានប៉ារ៉ាហ្គេមថ្ងៃនេះ

បានផុស

២ years មុន

នៅ

ថ្ងៃព្រហស្បតិ៍ ៨ មិថុនា ២០២៣

ដោយ

បន្ទាប់ពីបើកដំណើរការប្រកួតជាផ្លូវការកាលពីថ្ងៃទី៣ ខែមិថុនា ឆ្នាំ២០២៣មក កីឡាអាស៊ានប៉ារ៉ាហ្គេមដែលកម្ពុជាធ្វើជាម្ចាស់ផ្ទះបានបញ្ចប់ការប្រកួតជាច្រើនប្រភេទកីឡាហើយ។ នៅថ្ងៃទី៨ ខែមិថុនានេះមានកីឡា៨ប្រភេទទៀតដែលបន្តការប្រកួត និងភាគច្រើនបញ្ចប់ថ្ងៃនេះតែម្តង ខណៈនៅសល់តែ១ប្រភេទកីឡាប៉ុណ្ណោះដែលនឹងបន្តការប្រកួតដល់ថ្ងៃទី៩ ខែមិថុនា ដែលជាថ្ងៃរៀបចំពិធីបិទជាផ្លូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមជាកម្មវិធីប្រកួតកីឡាសម្រាប់ថ្ងៃទី៨ ខែមិថុនានេះ
បាល់ទាត់ពិការភ្នែក

វគ្គដណ្តើមមេដាយសំរិទ្ធ ម៉ោង៤:៣០នាទីល្ងាច
វគ្គដណ្តើមមេដាយមាស ម៉ោង៦ល្ងាច នៅទីលានហុកគី ក្នុងពហុកីឡដ្ឋានជាតិមរតកតេជោ។

កីឡាប៊ូស្យា

វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រមាន មានច្រើនវិញ្ញាសា ចាប់ពីម៉ោង៩ព្រឹកទៅ នៅមជ្ឈមណ្ឌលជាតិហ្វឹកហ្វឺនកីឡា ក្នុងពហុកីឡដ្ឋានជាតិអូឡាំពិក។

កីឡាបាល់ទាត់ចលករខួរក្បាល (៧ម្ខាង)

វគ្គដណ្តើមមេដាយសំរិទ្ធ ម៉ោង៤រសៀល
វគ្គដណ្តើមមេដាយមាស ម៉ោង៦ល្ងាច នៅពហុកីឡដ្ឋានជាតិអូឡាំពិក។

កីឡាបាល់បោះពិការភ្នែក

វគ្គដណ្តើមមេដាយសំរិទ្ធ មានពីរវិញ្ញាសាគឺបុរស និងនារី
វគ្គដណ្តើមមេដាយមាស មានពីរវិញ្ញាសាបុរស និងនារី ប្រកួតនៅវិមានពហុកីឡដ្ឋានជាតិអូឡាំពិក ចាប់ពីម៉ោង១០ព្រឹកទៅ។

កីឡាវាយសី

វគ្គសន្សំពិន្ទុក្នុងពូល វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ មានច្រើនវិញ្ញាសា ប្រកួតនៅទីលានវាយសី ក្នុងពហុកីឡដ្ឋានជាតិមរតកតេជោ ចាប់ពីម៉ោង៨:៣០នាទីព្រឹក។

កីឡាហែលទឹក

កីឡាហែលទឹកមានច្រើនវិញ្ញាសា ប្រកួតនៅអាងហែលទឹកក្នុងពហុកីឡដ្ឋានជាតិមរតកតេជោ ចាប់ពីម៉ោង៩ព្រឹកទៅ។

កីឡាវាយកូនឃ្លីលើតុ

កីឡាវាយកូនឃ្លីលើតុមានច្រើនវិញ្ញាសាទាំងវគ្គសន្សំពិន្ទុ វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ចាប់ពីម៉ោង១០ព្រឹកទៅ នៅទីលានវាយសី ក្នុងពហុកីឡដ្ឋានជាតិមរតកតេជោ។

កីឡាបាល់ទះអង្គុយ

វគ្គដណ្តើមមេដាយសំរិទ្ធ៖ កម្ពុជា vs មីយ៉ាន់ម៉ា ម៉ោង៩ព្រឹក
វគ្គដណ្តើមមេដាយមាស៖ ថៃ vs ឥណ្ឌូណេស៊ី ម៉ោង១១ព្រឹក នៅសាលដំរី ក្នុងពហុកីឡដ្ឋានជាតិមរតកតេជោ។

គិតត្រឹមថ្ងៃទី៧ ខែមិថុនា ម្សិលមិញ មានកីឡា៦ប្រភេទត្រូវបានបញ្ចប់ការប្រកួត និងរកឃើញម្ចាស់មេដាយមាស ប្រាក់ និងសំរិទ្ធតាមវិញ្ញាសារៀងៗខ្លួន។ កីឡាដែលបញ្ចប់ការប្រកួតមានដូចជា កីឡាអត្តពលកម្ម អុក អេឡិចត្រូនិក យូដូ លើកទម្ងន់ និងកីឡាបាល់បោះរទេះ។

សម្រាប់ថ្ងៃទី៩ ខែមិថុនា ស្អែកនេះមានកីឡា១ប្រភេទប៉ុណ្ណោះគឺ វាយសី ដែលត្រូវប្រកួតវគ្គផ្តាច់ព្រ័ត្រមានចំនួន១០វិញ្ញាសាចាប់ពីម៉ោង៩ព្រឹករហូតដល់ម៉ោង១០ព្រឹក។ បន្ទាប់មកនៅពេលរសៀលនឹងរៀបចំពិធីបិទជាផ្លូវការតែម្តង៕

អត្ថបទ៖ វីរបុត្រ

Related Topics:អាស៊ានប៉ារ៉ាហ្គេម ២០២៣