កីឡា
ស្ត្រីពិការ ងួន រតនា តស៊ូពីបុគ្គលិកអនាម័យក្លាយជាម្ចាស់មេដាយអាស៊ានប៉ារ៉ាហ្គេម៥គ្រឿង
កីឡាការិនីអត្តពលកម្មពិការកម្ពុជា ងួន រតនា បានឆ្លងកាត់ខ្សែជីវិតដ៏កម្សត់ក្នុងនាមជាស្ត្រីពិការដៃទាំងពីរដើម្បីរកប្រាក់ចិញ្ចឹមជីវិត និងក្រុមគ្រួសាររហូតបានក្លាយជាកីឡាការិនីពិការដ៏ឆ្នើមម្នាក់សម្រាប់កម្ពុជា។
អ្នកស្រី ងួន រតនា មានអាយុ៤០ឆ្នាំកើតនៅស្រុកស្វាយទៀប ខេត្តស្វាយរៀង ជាកូនទី១១ ក្នុងចំណោមបងប្អូនបង្កើត១២នាក់។ នៅឆ្នាំ២០១១ អ្នកស្រីបានចាកចេញពីស្រុកកំណើតមករាជធានីភ្នំពេញដោយបានចាប់ផ្តើមធ្វើការជាបុគ្គលិកអនាម័យនៅអង្គការមួយ។
បន្ទាប់មកអ្នកស្រីបានចូលធ្វើការជាបុគ្គលិកអនាម័យនៅសាលារៀនឯកជនមួយក្នុងរាជធានីភ្នំពេញរហូតដល់ឆ្នាំ២០១២។ អ្នកស្រី ងួន រតនា បានប្រាប់សារព័ត៌មានកម្ពុជាថ្មីថា នៅពេលអ្នកស្រីកំពុងធ្វើការនៅសាលារៀនឯកជននោះ គេមានអនុគ្រោះច្រើនដល់អ្នកស្រី។ អ្នកស្រីមានពេលវេលាច្រើនសម្រាប់ការរត់ហាត់ប្រាណទាំងជិតៗសាលារៀន និងពេលខ្លះរត់រហូតដល់ពហុកីឡដ្ឋានជាតិអូឡាំពិក។
អ្នកស្រី ងួន រតនា បានរម្លឹកថា ពីដំបូង អ្នកស្រីបានរត់ហាត់ប្រាណទៅដល់ពហុកីឡដ្ឋានជាតិអូឡាំពិក និងបានជួបអត្តពលិកពិការជម្រើសជាតិ ហើយពួកគាត់ក៏ណែនាំឲ្យចូលរួមហ្វឹកហាត់ជាមួយក្រុមជម្រើសជាតិ។ ដោយមានការអធ្យាស្រ័យពីសាលារៀនឯកជននោះ អ្នកស្រីបានចេញទៅហ្វឹកហាត់កាន់តែច្រើន និងក្រោយមកបានជាប់ជម្រើសជាតិអត្តពលកម្មពិការនៅឆ្នាំ២០១៣។
អ្នកស្រីបានបន្តថា នៅឆ្នាំ២០១៧ អ្នកស្រីទទួលបានឱកាសចេញទៅប្រកួតអាស៊ានប៉ារ៉ាហ្គេម លើកដំបូងក្នុងឆ្នាំ២០១៧ នៅប្រទេសម៉ាឡេស៊ី ប៉ុន្តែក៏ជាពេលវេលាទុក្ខសោកបំផុតក្នុងជីវិត។
អ្នកស្រី ងួន រតនា បានរៀបរាប់ថា ៖«ឆ្នាំ២០១៧ ខ្ញុំត្រៀមចេញទៅប្រកួតអាស៊ានប៉ារ៉ាហ្គេម នៅប្រទេសម៉ាឡេស៊ី ពេលនោះនៅដើមខែ ម្តាយរបស់ខ្ញុំបានលាចាកលោក។ ខ្ញុំគ្មានអារម្មណ៍ក្នុងខ្លួនទេ តែខ្ញុំបានតាំងចិត្តថា ទោះបីជាខ្ញុំនៅទីនេះកើតទុក្ខ ក៏គ្មានអ្វីប្រែប្រួល ហើយនៅតែប៉ុណ្ណឹង។ ខ្ញុំក៏សុខចិត្តទៅប្រកួត ចាំមកវិញទើបគិតទៀត»។
ទោះបីជាយ៉ាងណា ការចូលរួមប្រកួតអាស៊ានប៉ារ៉ាហ្គេមលើកដំបូងរបស់អ្នកស្រីមិនទទួលបានលទ្ធផលល្អទេ ប៉ុន្តែក៏ជាផ្នែកមួយជួយជំរុញឲ្យអ្នកស្រីខិតខំប្រឹងប្រែងបន្ថែមទៀត។ អាស៊ានប៉ារ៉ាហ្គេមបន្ទាប់គឺនៅឆ្នាំ២០២០ជាឱកាសទី២ដែលអ្នកស្រីរំពឹងទទួលបានល្អ ប៉ុន្តែពេលនោះព្រឹត្តិការណ៍ត្រូវបានលុបចោលដោយសារវិបត្តិកូវីដ-១៩។
ដល់អាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូណេស៊ី ទើបអ្នកស្រី ងួន រតនា ទទួលបានឱកាសចូលរួមប្រកួតជាលើកទី២ និងទទួលបានលទ្ធផលគួរជាទីគាប់ចិត្ត។ អ្នកស្រីបានឈ្នះមេដាយមាស១គ្រឿងសម្រាប់វិញ្ញាសារត់ចម្ងាយ១៥០០ម៉ែត្រ និងប្រាក់១គ្រឿងសម្រាប់វិញ្ញាសារត់ចម្ងាយ៤០០ម៉ែត្រ។
ពេលនោះជាវេលារីករាយបំផុតសម្រាប់អ្នកស្រី ងួត រតនា ប៉ុន្តែរាល់ពេលសប្បាយរីករាយ ក៏តែងតែស្រក់ទឹកភ្នែកផងដែរ។ កីឡាការិនីមកពីខេត្តស្វាយរៀងបានរៀបរាប់ថា ៖«ពេលទទួលបានមេដាយ ខ្ញុំរំភើបណាស់។ និយាយមិនចេញទេ អរពេក ធ្លាប់លំបាកយូរហើយ។ ដល់ពេលបានជោគជ័យអរណាស់ តែពេលសប្បាយរីករាយម្តងៗ ខ្ញុំតែងតែស្រក់ទឹកភ្នែក ព្រោះនឹកដល់ពុកម៉ែដែលបានឃ្លាតឆ្ងាយគ្មានថ្ងៃវិលវិញ។ ពួកគាត់មិនបានឃើញជីវិតល្អប្រសើររបស់ខ្ញុំទេ។ ពេលខ្ញុំបានមេដាយភ្លាម ខ្ញុំនឹកគិតដល់ម៉ែឪរបស់ខ្ញុំមុនគេ»។
រឹតតែគួរឲ្យកោតសរសើរថែមទៀតនោះ នៅពេលកម្ពុជាធ្វើម្ចាស់ផ្ទះរៀបចំការប្រកួតអាស៊ានប៉ារ៉ាហ្គេម លើកទី១២ ឆ្នាំ២០២៣ អ្នកស្រី ងួន រតនា បានប្រកួត៣វិញ្ញាសា និងទទួលបានមេដាយទាំង៣វិញ្ញាសា។ វិញ្ញាសាទី១គឺរត់ចម្ងាយ១៥០០ម៉ែត្រ អ្នកស្រីទទួលបានមេដាយមាស វិញ្ញាសាទី២រត់ចម្ងាយ៨០០ម៉ែត្រទទួលបានមេដាយប្រាក់ និងវិញ្ញាសាទី៣រត់ចម្ងាយ៤០០ម៉ែត្រទទួលបានមេដាយប្រាក់ទៀត។
អ្នកស្រី ងួន រតនា បានប្រាប់«កម្ពុជាថ្មី»ថា ដោយសារអាយុកាន់តែច្រើន កម្លាំងកាន់តែចុះខ្សោយ ការហ្វឹកហាត់ ឬរត់ខ្លាំងម្តងៗធ្វើឲ្យញ័រដើមទ្រូង និងចង់ឈប់ពីអាជីពរត់ប្រណាំងដែរ តែដោយសារមិនទាន់មានក្មេងជំនាន់ក្រោយមានសមត្ថភាពគ្រប់គ្រាន់ទើបធ្វើឲ្យអ្នកស្រីបន្តអាជីពរត់ប្រណាំងទៀត។
«ពេលខ្ញុំរត់ហាត់ខ្លាំងម្តងៗ ហត់ណាស់ ពេលខ្លះញ័រដើមទ្រូង ក៏មានអារម្មណ៍ចង់ឈប់ តែពេលឈប់សម្រាកបាត់ហត់ក៏ចង់បន្តអាជីពវិញ។ ពេលណាខ្ញុំនៅតែអាចរត់បាន ខ្ញុំនៅតែបន្តប្រកួតដើម្បីជាតិ»។ អ្នកស្រី រតនា បានបញ្ជាក់។
រហូតដល់ពេលនេះ អ្នកស្រី ងួន រតនា អាយុ៤០ឆ្នាំទទួលបានមេដាយ៥គ្រឿងគឺមាស២គ្រឿង និងប្រាក់៣គ្រឿងពីការប្រកួតអាស៊ានប៉ារ៉ាហ្គេម៕
អត្ថបទ៖ វីរបុត្រ
អាជ្ញាធរសង្កាត់ចោមចៅទី១ ស្ថាបនាផ្លូវបេតុងមួយខ្សែប្រវែង១០០០ម៉ែត្រ
អ៊ុយក្រែន ព្រមទទួលយកបទឈប់បាញ់រយៈពេល៣០ថ្ងៃ ជាមួយរុស្ស៊ី
ប្រជាជនកោះGreenland រៀបចំបោះឆ្នោត ក្រោមការតាមដានរបស់ពិភពលោក
Duterte ត្រូវរាយការណ៍ថា បានចាប់បញ្ជូនទៅតុលាការឡាអេ ខណៈប្រជាជនក្នុងប្រទេសផ្តើមតវ៉ាទ្រង់ទ្រាយធំ
រដ្ឋមន្ត្រីការបរទេសអ៊ុយក្រែននិងអាមេរិកកំពុងចរចានិងអះអាងថា មានការរីកចម្រើនទៅមុខ
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
មន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ
អតីតប្រធានាធិបតីហ្វីលីពីន លោក Duterte ត្រូវបានចាប់ខ្លួន ពីបទឧក្រិដ្ឋកម្មប្រឆាំងមនុស្សជាតិ
រដ្ឋមន្ត្រីបរិស្ថានខកចិត្ត ព្រោះចាប់បានរោងចក្របង្ហូរទឹកកខ្វក់ចូលស្ទឹង តែមន្ត្រីធ្វើការយឺតរហូតខូចការណ៍ធំ
-
សន្តិសុខសង្គម៤ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានអន្ដរជាតិ៦ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៧ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៦ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ព័ត៌មានអន្ដរជាតិ២៤ ម៉ោង agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម៥ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ១៨ ម៉ោង agoអ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
-
ព័ត៌មានអន្ដរជាតិ១៦ ម៉ោង agoមន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ