កីឡា

ត្រឹមវ័យ២៣ឆ្នាំ Julian Alvarez បានឈ្នះពានរង្វាន់សំខាន់១២គ្រឿង

បានផុស

២ years មុន

នៅ

ថ្ងៃចន្ទ ១២ មិថុនា ២០២៣

ដោយ

កីឡាករ Alvarez ខ្សែប្រយុទ្ធក្លិប Manchester City សញ្ជាតិអាហ្សង់ទីនបានឈ្នះពានរង្វាន់សំខាន់ដល់ទៅ១២គ្រឿងត្រឹមវ័យ២៣ឆ្នាំប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករកើតឆ្នាំ២០០០០ Julian Alvarez ជាសមាជិកម្នាក់ដែលបានជួយឲ្យក្រុមបាល់ទាត់ជម្រើសជាតិអាហ្សង់ទីនបានឈ្នះជើងឯកពិភពលោក ឆ្នាំ២០២២ នៅប្រទេសកាតា។ ជាមួយគ្នានេះ រូបគេជាសមាជិកសំខាន់ម្នាក់ដែលជួយឲ្យអាហ្សង់ទីនបានឈ្នះជើងឯក Copa America និងជើងឯក Finalissima។

ក្រៅពីពានរង្វាន់សំខាន់៣ជាមួយក្រុមជម្រើសជាតិ កីឡាករ Alvarez ក៏បានជួយឲ្យក្លិបមេឃខៀវ Manchester City បានឈ្នះពានរង្វាន់ជាច្រើនក្នុងនោះពានធំបំផុតប្រចាំទ្វីបអឺរ៉ុប UEFA Champion league, លីគកំពូលអង់គ្លេស Premier league និង FA Cup។

ពេលរូបគេស្ថិតនៅក្លិប River Plate ក៏បានឈ្នះពានរង្វាន់ជាច្រើនមានដូចជាជើងឯកលីគកំពូលអាហ្សង់ទីន Argentina Primera ពានរង្វាន់ Copa Libertadores, Copa Argentina, Supercopa Argentina, Trofeo de Campeones និងពានរង្វាន់ Recopa Sudamericana។

ក្លិបមេឃខៀវ Manchester City ចំណាយត្រឹម១៥លានផោនប៉ុណ្ណោះក្នុងការចុះហត្ថលេខានាំយកខ្សែប្រយុទ្ធសញ្ជាតិអាហ្សង់ទីនរូបនេះមកកាន់កីឡដ្ឋាន Edtihad។ កូនស្សិសរបស់លោក Pep រូបនេះក៏ជាចំណែកមួយក្នុងការជួយឲ្យក្រុម Man City ឈ្នះពានរង្វាន់៣ក្នុង១រដូវកាល។ កីឡាករ Alvarez បង្ហាញខ្លួនឲ្យក្រុម Man City បាន ៣១ ប្រកួតដោយស៊ុតបញ្ចូលទីបាន៩គ្រាប់៕

អត្ថបទ៖ ផា រតនា

Related Topics:កីឡាបាល់ទាត់អន្តរជាតិ