កីឡា
អ្នកគាំទ្រជាង៣ម៉ឺននាក់នឹងមើលផ្ទាល់កម្ពុជាប៉ះបង់ក្លាដែសថ្ងៃទី១៥មិថុនានេះ
អ្នកគាំទ្រប្រមាណជាង៣ម៉ឺននាក់នឹងចូលទស្សនាផ្ទាល់សម្រាប់ការប្រកួតមិត្តភាពអន្តរជាតិរវាងម្ចាស់ផ្ទះកម្ពុជា និងបង់ក្លាដែស នាយប់ថ្ងៃព្រហស្បតិ៍ ទី១៥ ខែមិថុនា នេះនៅពហុកីឡដ្ឋានជាតិអូឡាំពិក។
អ្នកគាំទ្របានស្ងាត់ស្ងត់ខ្លាំងពីការប្រកួតបាល់ទាត់ទាំងក្រុមបាល់ទាត់ជម្រើសជាតិកម្ពុជា និងលីគបាល់ទាត់កម្ពុជាកាលពីឆ្នាំ២០២២។ ការប្រកួតពានរង្វាន់ AFF U22 Championship ខែកុម្ភៈ ឆ្នាំ២០២២ នៅពហុកីឡដ្ឋានជាតិមរតកតេជោ មានអ្នកគាំទ្រច្រើនគួរសមសម្រាប់រាល់ការប្រកួតរបស់ U22 កម្ពុជាជាមួយព្រុយណេ ហ្វីលីពីន និងទីម័រខាងកើត មានអ្នកទស្សនាផ្ទាល់មិនលើស២,៥ម៉ឺននាក់ទេ។
បន្ទាប់មក ការប្រកួតមិត្តភាពអន្តរជាតិរវាង ម្ចាស់ផ្ទះកម្ពុជា និងបង់ក្លាដែស កាលពីថ្ងៃទី២២ ខែវិច្ឆិកា ឆ្នាំ២០២២ មានអ្នកគាំទ្រផ្ទាល់តែ១១៩៩៣នាក់ប៉ុណ្ណោះ។
រឹតតែខ្សត់អ្នកគាំទ្រទៀតនោះគឺពេល ការប្រកួតជើងឯក AFF Championship ដែលកម្ពុជាធ្វើម្ចាស់ផ្ទះ២ប្រកួតនៅពហុកីឡដ្ឋានជាតិមរតកតេជោ។ កម្ពុជាបានប្រកួតឈ្នះហ្វីលីពីន ៣-២ នៅថ្ងៃទី២០ ខែធ្នូ ឆ្នាំ២០២២ មានអ្នកគាំទ្រចូលទស្សនាផ្ទាល់តែ៤៨៦០នាក់ និងការប្រកួតដែលកម្ពុជាបានឈ្នះព្រុយណេ ៥-១ មានអ្នកគាំទ្រតែ៦១៦៩នាក់ប៉ុណ្ណោះ។
ការថយចុះអ្នកគាំទ្រកាលពីឆ្នាំ២០២២ បន្ទាប់ពីស្ងប់ស្ងាត់វិបត្តិកូវីដ-១៩បានជះឥទ្ធិពលអាក្រក់ដល់វិស័យបាល់ទាត់កម្ពុជា ជាពិសេសក្លិបបាល់ទាត់មួយចំនួនដែលពឹងផ្អែកលើចំណូលលក់សំបុត្រ។
ទើបតែព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ កាលពីខែឧសភា អ្នកគាំទ្រភ្លូកទឹកដីបាននាំគ្នាទៅរកសំបុត្រចូលទស្សនា ប៉ុន្តែចំនួនមានកំណត់ទាំងសំបុត្រ និងកៅអីអង្គុយ អ្នកគាំទ្រចូលទស្សនាផ្ទាល់រាល់ការប្រកួតរបស់កម្ពុជាប្រមាណ៣ម៉ឺនាក់។ ទោះបីជាយ៉ាងណា ការប្រកួតស៊ីហ្គេមជាការផ្តល់សំបុត្រដោយឥតគិតថ្លៃ ដូច្នេះអាចជាកត្តាមួយធ្វើឲ្យអ្នកគាំទ្រចង់ចូលទស្សនា ស្របពេលស៊ីហ្គេមធ្វើលើកដំបូងនៅកម្ពុជា។
ប៉ុន្តែនៅពេលដាក់លក់សំបុត្រចូលទស្សនាការប្រកួតមិត្តភាពអន្តរជាតិរវាងកម្ពុជា និងបង់ក្លាដែស នាថ្ងៃទី១៥ ខែមិថុនាខាងមុខនេះ សំបុត្រដាក់ត្រឹមតែជាង២ថ្ងៃប៉ុណ្ណោះត្រូវបានលក់អស់ បើទោះបីជាសំបុត្រតំបន់ A តម្លៃ៣ម៉ឺនរៀល និងតំបន់ B តម្លៃ១,៥ម៉ឺនរៀល។
តាមចំនួនកៅជ័រនៅពហុកីឡដ្ឋានជាតិអូឡាំពិកប្រមាណ៣ម៉ឺន ដូច្នេះសហព័ន្ធបាល់ទាត់កម្ពុជាបានលក់សំបុត្រប្រមាណ៣ម៉ឺនសន្លឹកដែរ។ ប្រសិនបើសំបុត្រអាចមានដល់៤ឬ៥ម៉ឺនសន្លឹក អាចនឹងមានអ្នកគាំទ្រចូលទស្សនាផ្ទាល់ដល់ទៅ៤ឬ៥ម៉ឺននាក់ ហើយនឹងក្លាយជាទិដ្ឋភាពអ្នកគាំទ្រដ៏ច្រើនកុះករដូចទៅនឹងចន្លោះឆ្នាំ២០១៥-១៦ ដែលធ្លាប់មានអ្នកទស្សនាផ្ទាល់ចន្លោះ៤ទៅ៦ម៉ឺននាក់។
សូមបញ្ជាក់ថា ការប្រកួតមិត្តភាពអន្តរជាតិរវាងកម្ពុជា និង បង់ក្លាដែស វេលាម៉ោង៧យប់ ថ្ងៃទី១៥ ខែមិថុនា ឆ្នាំ២០២៣ នៅពហុកីឡដ្ឋានជាតិអូឡាំពិក៕
អត្ថបទ៖ វីរបុត្រ
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ