កីឡា

លោក Pep ទទួលបានជោគជ័យបំផុតក្នុងនាមជាគ្រូបង្វឹក

បានផុស

២ years មុន

នៅ

ថ្ងៃពុធ ១៤ មិថុនា ២០២៣

ដោយ

លោក Pep Guardiola គ្រូបង្វឹកក្លិប Manchester City បច្ចុប្បន្នទទួលបានជោគជ័យខ្លាំងបំផុតក្នុងអាជីពជាគ្រូវ័យ៥២ឆ្នាំដែលបានដឹកនាំក្លិបធំនៅ៣ប្រទេសផ្សេងគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមពាក់កណ្តាលឆ្នាំ២០២៣ លោក Pep បានចំណាយពេលអស់១៦ឆ្នាំក្នុងនាមជាគ្រូបង្វឹក។ ចាប់ផ្ដើមដំបូងនៅឆ្នាំ ២០០៧ លោកដឹកនាំត្រឹមក្រុម Barcelona B បន្ទាប់មកឆ្នាំ២០០៨ លោកទទួលបានការទុកចិត្តឲ្យដឹកនាំក្លិប Barcelona ឈុតធំ។

រឿងដែលធ្វើឲ្យពិភពលោកភ្ញាក់ផ្អើលគឺលោកបានបង្កើតទម្រង់លេងមួយប៉ះមានឈ្មោះថា Tiki-Taka ធ្វើឲ្យក្លិបអ្នកមានបុណ្យ FC Barcelona ជោគជ័យយ៉ាងខ្លាំង។ សម្រាប់សមិទ្ធផលដែលលោកសម្រេចបានជាមួយ Barcelona ក្នុងរយៈពេល៤ឆ្នាំគឺឈ្នះពានរង្វាន់ UEFA Champion league ២លើក UEFA Super Cup ២លើក FIFA Club World Cup ២លើក La Liga ៣លើក Copa de Rey ២លើក និង Supercopa de Espana ៣លើក។

នៅឆ្នាំ ២០១៣ លោកបានទៅដឹកនាំក្លិប Bayern Munich ដែលជួយឲ្យឈ្នះជើកឯក Bundesliga ៣លើក German Cup ២លើក UEFA Supercup ១លើក និង FIFA Club World Cup ១លើក។

នៅឆ្នាំ ២០១៦ លោកបានទៅប្រឡូកក្នុងលីគកំពូលអង់គ្លេសដោយបានដឹកនាំក្លិបមេឃខៀវ Manchester City។ គិតត្រឹមរដូវកាល២០២២-២៣ លោកទទួលបានជោគជ័យបំផុតជាមួយសមិទ្ធផលធំៗជាច្រើនរួមមានពានរង្វាន់ UEFA Champion league ១លើក Premier League ៥លើក FA Cup ២លើក Community Shield ២លើក និង League Cup ៤លើក៕