កីឡា

កីឡាករ៥រូបមានតម្លៃពលកម្មខ្ពស់ជាងគេនៅលីគអារ៉ាប៊ីសាអូឌីត

បានផុស

១ year មុន

នៅ

ថ្ងៃពុធ ២១ មិថុនា ២០២៣

ដោយ

លីគអាជីពរបស់ប្រទេសអារ៉ាប៊ីសាអូឌីត Saudi Professional League កំពុងទទួលបានការចាប់អារម្មណ៍យ៉ាងខ្លាំងពីអ្នកនិយមតាមដានបាល់ទាត់ទូទាំងពិភពលោក បន្ទាប់ពីតារាបាល់ទាត់ឆ្នើមៗមួយចំនួនបានផ្លាស់ទៅទីនោះមួយរយៈពេលចុងក្រោយ។

លីគ Saudi Professional League ត្រូវបានបង្កើតឡើងក្នុងឆ្នាំ ១៩៧៦ ដែលបច្ចុប្បន្នមានក្លិប១៦កំពុងប្រកួតប្រជែង និងជាលីគមួយមានធនធានហិរញ្ញវត្ថុខ្ពស់ក្នុងការចំណាយដើម្បីពង្រឹកក្លិប។ ដូច្នេះវាបានក្លាយជាកន្លែងសំបូរកីឡាករឆ្នើមៗមកពីប្រទេសផ្សេងៗទៅប្រកបអាជីព និងទទួលបានតម្លៃពលកម្មខ្ពស់។

ថ្ងៃនេះ សូមបង្ហាញកីឡាករបាល់ទាត់ឆ្នើម៥រូបដែលទទួលបានតម្លៃពលកម្មលើទីលានខ្ពស់ជាងគេបំផុតនៅលីគអារ៉ាប៊ីសាអូឌីត។

១. ខ្សែប្រយុទ្ធ Cristiano Ronaldo

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែប្រយុទ្ធ Al-Nassr រូបនេះទទួលបានបា្រក់ចំណូល ៣,៦លានផោនក្នុងមួយសប្តាហ៍។ ជាមធ្យម Ronaldo អាចរកប្រាក់ចំណូលបានប្រមាណ ១៧៣ លានផោនក្នុងមួយឆ្នាំ។ ប្រាក់ចំណូលទាំងអស់នេះ រូបគេទទួលបានប្រមាណ៦២លានផោនពីកម្លាំងពលកម្មលើទីលាន និង១១១លានផោនពីកិច្ចព្រមព្រៀងពាណិជ្ជកម្ម និងសិទ្ធិរូបភាព។ នេះបើយោងតាម CBS Sports។

២. ខ្សែប្រយុទ្ធ Karim Benzema

ខ្សែប្រយុទ្ធសញ្ជាតិបារាំងរូបនេះរកបា្រក់ចំណូលបាន៣,៥៨លានផោនក្នុងមួយសប្តាហ៍នៅក្លិប Al-Ittihad។ អតីតតារាឆ្នើមរបស់ក្លិប Real Madrid រូបនេះជាមធ្យមអាចរកប្រាក់ចំណូលបានប្រមាណ ១៧២ លានផោនក្នុងមួយឆ្នាំ។

៣. ខ្សែបម្រើ Ever Banega

ខ្សែបម្រើការពារជើងចាស់រូបនេះបានជួយ Sevilla លើកពាន Europa League ក្នុងឆ្នាំ ២០២០ មុនពេលផ្ទេរមកក្លិប Al-Shabab របស់លីគអារ៉ាប៊ីសាអូឌីត។ កីឡាករសញ្ជាតិអាហ្សង់ទីន រូបនេះរកបាន ១៧៦,០០០ ផោនក្នុងមួយសប្តាហ៍ និងជាកីឡាករមានតម្លៃខ្លួនខ្ពស់បំផុតនៅក្លិប Al-Shabab FC ។ ជាមធ្យមរូបគេអាចរកប្រាក់ចំណូលបានប្រមាណជាង ៩,១លានផោនក្នុងមួយឆ្នាំ។

៤. ខ្សែបម្រើប្រយុទ្ធ Matheus Peraira

កីឡាករប្រេស៊ីលរូបនេះបានធ្វើឱ្យមហាជនភ្ញាក់ផ្អើលនៅពេលបានសម្រេចចិត្តបោះបង់ក្លិបអង់គ្លេស West Brom ហើយផ្ទេរទៅកាន់ក្លិប Al-Hilal។ Peraira អារ៉ាប៊ីសាអូឌីតដោយរកបាន ១០៧,០០០ ផោនក្នុងមួយសប្តាហ៍។ ជាមធ្យម Matheus អាចរកប្រាក់ចំណូលបានប្រមាណជាង ៥,៥លានផោនក្នុងមួយឆ្នាំ។

៥. ខ្សែបម្រើប្រយុទ្ធ Anderson Talisca

ខ្សែប្រយុទ្ធសញ្ជាតិប្រេស៊ីលរូបនេះ បានផ្ទេរមកក្លិប Al-Nassr កាលពីឆ្នាំ ២០១១ ដោយរហូតដល់ពេលនេះបង្ហាញខ្លួនបាន ៥១ ប្រកួត ស៊ុតបញ្ចូលទីបាន ៤០ គ្រាប់។ Talisca ទទួលបានបាន ១០០,០០០ ផោនក្នុងមួយសប្តាហ៍។ ជាមធ្យម រូបគេអាចរកប្រាក់ចំណូលបានប្រមាណជាង ៥,១លានផោនក្នុងមួយឆ្នាំ៕

ប្រែសម្រួល៖ ផា រតនា