កីឡា

ម្ចាស់ខ្សែក្រវាត់ WBC ធ្លាប់ស្មើ អេអាំម៉ារីនភូថង Nabil ប៉ះ Superlek យប់នេះ

បានផុស

២ years មុន

នៅ

ថ្ងៃសុក្រ ២៣ មិថុនា ២០២៣

ដោយ

ម្ចាស់ខ្សែក្រវាត់មួយថៃពិភពលោក WBC កីឡាករអាល់ហ្សេរី-ថៃ Nabil Anane ជួបជើងខ្លាំងម្ចាស់ខ្សែក្រវាត់ឃីកបុកស៊ីងពិភពលោក Superlek Kiatmoo9 ក្នុងកម្មវិធី ONE Lumpinee 22 វេលាម៉ោង៧:៣០នាទីយប់ ថ្ងៃសុក្រ ទី២៣ ខែមិថុនា នេះនៅទីក្រុងបាំងកក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករវ័យក្មេងអាយុ១៩ឆ្នាំ Nabil Anane បានសាងកេរ្តិ៍ឈ្មោះយ៉ាងលឿនក្នុងអាជីពប្រដាល់របស់ខ្លួន បន្ទាប់ពីប្រកួតឈ្នះកីឡាករថៃល្បីៗជាច្រើនដូចជា Chorfah Tor Sangtiennoi, Thongnoi Lukbanyai, និង Samingdet Nor Anuwatgym ជាដើម។ រូបគេធ្លាប់ស្មើពិន្ទុកីឡាករកម្ពុជា អេ អាំម៉ារីនភូថង កាលពីខែវិច្ឆិកា ឆ្នាំ២០២២ ដែលពេលនោះត្រូវបានកីឡាករកម្ពុជាវាយឲ្យអាជ្ញាកណ្តាលរាប់៨ម្តង។

កីឡាករសញ្ជាតិអាល់ហ្សេរីកើត និងធំដឹងក្តៅនៅប្រទេសថៃ Nobil មានកម្ពស់១.៨៨ម៉ែត្រ ធ្លាប់ប្រកួតឈ្នះ៣៣ដង ចាញ់៤ និងស្មើ១។ រូបគេនឹងប្រើអំណោយផលខាងកម្ពស់ដើម្បីដាក់សម្ពាធលើ Superlek ដែលមានកម្ពស់១.៧១ម៉ែត្រ។ រូបគេធ្លាប់ឈ្នះខ្សែក្រវាត់មួយថៃ WBC ពីរដង។

Superlek បានក្លាយជាម្ចាស់ខ្សែក្រវាត់ឃីកបុកស៊ីងពិភពលោក ONE flyweight បន្ទាប់ពីប្រកួតឈ្នះកីឡាករអេស្ប៉ាញ Daniel Puertas Gallardo សម្រាប់ខ្សែក្រវាត់ពិភពលោកទំនេរ។ រូបគេធ្លាប់ប្រកួតក្នុងស្ថាប័ន ONE ១០ដងក្នុងនោះការប្រកួតលើកទី១បានឈ្នះពិន្ទុកីឡាករកម្ពុជា ឡៅ ចិត្រា។

ការជួបគ្នារវាង Nobil និង Superlek មិនមែនជាការប្រកួតដណ្តើមខ្សែក្រវាត់ឡើយ ប៉ុន្តែលក្ខណៈមិត្តភាពដ៏ពិសេសមួយ សម្រាប់ជើងខ្លាំងទាំងពីរ។ នេះក៏ជាលើកដំបូងដែលកីឡាករអាល់ហ្សេរី-ថៃទទួលបានឱកាសប្រកួតនៅសង្វៀន ONE៕

អត្ថបទ៖ វីរបុត្រ

Related Topics:កីឡាប្រដាល់