កីឡា

ផល សោភ័ណ្ឌ ទទួចឲ្យដាក់ខ្សែក្រវាត់របស់ខ្លួនដល់កីឡាករដទៃដណ្តើម

បានផុស

២ years មុន

នៅ

ថ្ងៃព្រហស្បតិ៍ ២៩ មិថុនា ២០២៣

ដោយ

អ្នកលេងកែងពិឃាត ផល សោភ័ណ្ឌ ដែលជាម្ចាស់ខ្សែក្រវាត់ ៥ ស្ថាប័នផ្សេងគ្នា បានសំណូមពរឲ្យម្ចាស់ឧបត្ថម្ភនៃខ្សែក្រវាត់ទាំងនោះរៀបចំឲ្យកីឡាករដទៃប្រកួតដណ្តើមពីរូបគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សិស្សរបស់ក្លិបតាឡីដំរីមានរិទ្ធិបាននិយាយថា រូបគេមិនចង់ទុកចោលខ្សែក្រវាត់ដោយឥតន័យរហូតច្រេះចាប់នោះទេ បន្ទាប់ពីបានឈ្នះនីមួយៗពោលគឺគ្មានតម្លៃអ្វីសោះការទុកចោលបែបនេះ។

កីឡាករបន្តថា សម្រាប់ការរៀបចំឲ្យការដណ្តើមខ្សែក្រវាត់មានប្រយោជន៍ច្រើនមានដូចជា សាមីខ្លួនកីឡាករជាម្ចាស់ខ្សែក្រវាត់ខិតខំហ្វឹកហាត់បន្ថែមទៀត។ កីឡាករណាមានសមត្ថភាពគឺអាចយកខ្សែក្រវាត់ទៅគ្រប់គ្រងបាន ហើយធ្វើឲ្យកីឡាករអាចទទួលបានចំណូល និងមានកេរ្តិ៍ឈ្មោះល្បីកាន់តែខ្លាំង។

ផល សោភ័ណ្ធ បាននិយាយថា ៖«បើសិនជាឈ្នះខ្សែក្រវាត់ហើយគ្មានការប្រកួតការពារខ្សែក្រវាត់ទេ នោះខ្សែក្រវាត់ដែលឈ្នះគ្មានតម្លៃ។ បើមានការដាក់ឲ្យប្រកួតដណ្តើមខ្សែក្រវាត់វិញ នោះកីឡាករនឹងខំហ្វឹកហាត់ដើម្បីការពារ ហើយខ្សែក្រវាត់ក៏មិនត្រូវបានទុកចោល»។

«បើសិនយើងមានខ្សែក្រវាត់ យើងមិនអាចយកខ្សែក្រវាត់ដេកអោបបានទេ។ បើយើងយកខ្សែក្រវាត់មកដេកអោប ស្មើនឹងយើងខ្លាចគេ។ បើគេមានសមត្ថភាពដណ្ដើមខ្សែក្រវាត់យើងបានឲ្យគេយកទៅ តែបើយើងមានសម្ថតភាព យើងនៅតែការពារខ្សែក្រវាត់យើងបានដដែល»។

ពិតណាស់ សព្វថ្ងៃនេះ បន្ទាប់ពីកីឡាករបានឈ្នះខ្សែក្រវាត់ ពួកគេហាក់គ្មានភារកិច្ចអ្វីក្នុងការការពារខ្សែក្រវាត់បន្តទៀត ឬទទួលបានប្រាក់ឧបត្ថម្ភប្រចាំខែពីម្ចាស់ឧបត្ថម្ភឡើយ។ កាលពីប្រហែល១០ឆ្នាំមុនធ្លាប់មានកម្មវិធីខ្សែក្រវាត់ខ្លះផ្តល់ប្រាក់ឧបត្ថម្ភប្រចាំខែអាចចាប់ពី៣ខែដល់១ឆ្នាំ ហើយរៀបចំឲ្យមានការប្រកួតដណ្តើមជាបន្តបន្ទាប់ទៀតផង។