កីឡា
លោក ឃីម បូរី សម្លឹងឃើញក្រុម៤ជាគូប្រជែងខ្លាំងក្នុងលីគរដូវកាលថ្មី
លោក ឃីម បូរី សម្លឹងឃើញក្រុមធំ៤ដែលជាគូប្រជែងដ៏លំបាកបំផុតសម្រាប់ជម្រើសជើងឯក ខេមបូឌានព្រីមៀរលីគរដូវកាលថ្មី២០២៣-២៤ ដែលនឹងចាប់បើកនាថ្ងៃទី៥ ខែសីហា ឆ្នាំ២០២៣។
ក្នុងពិធីចាប់ឆ្នោត និងណែនាំពីគោលការណ៍ប្រកួតសម្រាប់រដូវកាលថ្មី លោក ឃីម បូរី គ្រូបង្គោលរបស់ណាហ្គាវើលដ៍បានឲ្យដឹងថា លោកសប្បាយចិត្តដែលខេមបូឌានព្រីមៀរលីគរដូវកាលថ្មីកើនឡើងដល់១០ក្រុម។ សមាជិកថ្មីគឺ ព្រៃវែង និង អាយអេសអាយ ដង្កោសែនជ័យ ជាក្រុមដែលរៀបចំបានល្អមុនពេលចូលរួមប្រកួតក្នុងលីគលើកដំបូង ស្របទៅនឹងលីគក្នុងតំបន់ ក៏ដូចជានៅអឺរ៉ុប។ ជាពិសេសពេលវេលាចាប់ផ្តើមនៅពាក់កណ្តាលឆ្នាំ និងត្រូវបញ្ចប់រហូតដល់ពាក់កណ្តាលឆ្នាំថ្មី។ ចំណុចនេះធ្វើឲ្យក្លិបនីមួយៗមានពេលវេលាគ្រប់គ្រាន់សម្រាប់ការផ្លាស់ប្តូរកីឡាករ។
![](https://www.kampucheathmey.com/wp-content/uploads/2023/06/cambodian-league-2023-24-1024x683.jpg)
អតីតកីឡាករណាហ្គាវើលដ៍រូបនេះបានឲ្យដឹងថា ចំពោះការរៀបចំក្រុមគឺត្រៀមបានរួចរាល់ហើយទាំងកីឡាករក្នុងស្រុក និងកីឡាករបរទេស។
រដូវកាលថ្មីនេះ គណៈកម្មការរៀបចំការប្រកួតបានកំណត់ឲ្យមានកូតាកីឡាករក្នុងតំបន់អាស៊ានម្នាក់ក្នុងចំណោមកីឡាករបរទេស ដូច្នេះការប្រែប្រែថ្មីមួយទៀតសម្រាប់លីគកំពូលកម្ពុជា។ ពាក់ព័ន្ធនឹងករណីនេះ លោក ឃីម បូរី បានបន្ថែមថា ពាក់ព័ន្ធនឹងកូតាកីឡាករអាស៊ានគឺជាការប្រកួតប្រជែងលីគនៅក្នុងតំបន់ ប៉ុន្តែក៏អាចប៉ះពាល់ដល់កីឡាករក្នុងស្រុកដែរ ពីព្រោះត្រូវកាត់បន្ថយកីឡាករខ្មែរម្នាក់នៅលើទីលាន។
លោក ឃីម បូរី សម្លឹងឃើញក្រុមខ្លាំងចំនួន៤ដែលជាគូប្រជែងខ្លាំងក្នុងការដណ្តើមជើងឯក ប៉ុន្តែក៏មិនអាចមើលស្រាលក្រុមផ្សេងៗទៀតដែរ ពីព្រោះក្រុមនីមួយៗសុទ្ធតែត្រៀមខ្លួន និងរៀបចំក្រុមបានល្អដូចគ្នា។
![](https://www.kampucheathmey.com/wp-content/uploads/2023/06/khim-borey1-683x1024.jpg)
«ចំពោះក្រុមខ្ញុំគិតថា នៅដដែលគឺភ្នំពេញក្រោន ស្វាយរៀង វិសាខា បឹងកេត ដែលជាក្រុមមានការប្រកួតប្រជែងខ្លាំងមែនទែនសម្រាប់យើង។ តែយើងក៏មិនអាចមើលស្រាលក្រុមផ្សេងៗបានដែរដូចជា គិរីវង់សុខសែនជ័យ អង្គរថាយហ្គឺរជាដើម សូម្បីតែក្រុមទើបឡើងមកលីគថ្មីក៏រៀបចំបានល្អ»។ លោក ឃីម បូរី បានបញ្ជាក់។
ខេមបូឌានព្រីមៀរលីគរដូវកាល២០២៣-២៤ នឹងចាប់ផ្តើមនៅថ្ងៃសៅរ៍ ទី៥ ខែសីហា ដែលមានក្លិបចំនួន១០គឺ ម្ចាស់ការពារជើងឯកឆ្នាំចាស់ ភ្នំពេញក្រោន ព្រះខ័នរាជស្វាយរៀង វិសាខា ណាហ្គាវើលដ៍ បឹងកេត ក្រសួងការពារជាតិ អង្គរថាយហ្គឺរ គិរីវង់សុខសែនជ័យ និងសមាជិកថ្មី អាយអេសអាយ ដង្កោសែនជ័យ និង ព្រៃវែងអេហ្វស៊ី។
![](https://www.kampucheathmey.com/wp-content/uploads/2023/06/Cambodian-Premire-League-kpt-sport-news-2023-24-2-1024x683.jpg)
សម្រាប់ទី១
កម្មវិធីប្រកួតថ្ងៃទី៥ ខែសីហា ឆ្នាំ២០២៣
- វិសាខា vs គិរីវង់សុខសែនជ័យ
- ព្រៃវែង vs ណាហ្គាវើលដ៍
កម្មវិធីប្រកួតថ្ងៃទី៦ ខែសីហា ឆ្នាំ២០២៣
- ក្រសួងការពារជាតិ vs ព្រះខ័នរាជស្វាយរៀង
- ភ្នំពេញក្រោន vs បឹងកេត
- អាយអេសអាយ ដង្កោសែនជ័យ vs អង្គរថាយហ្គឺរ
អត្ថបទ៖ វីរបុត្រ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២០ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក