កីឡា
រឿងអាចកាន់តែអាក្រក់ពេលលោក Somyot លាឈប់ពីប្រធានសមាគមបាល់ទាត់ថៃ
ករណីលោក Somyot Poompunmuang បានលាឈប់ពីតំណែងប្រធានក្រុមប្រឹក្សាប្រតិបត្តិនៃសមាគមកីឡាបាល់ទាត់ថៃ (FAT) កាលពីថ្ងៃសៅរ៍កន្លងទៅអាចកាន់តែអាក្រក់រហូតដល់ក្រុមប្រឹក្សាភិបាលសមាគមបាល់ទាត់ថៃបានស្នើឱ្យលោក Somyot បោះបង់ចោលការលាលែងពីតំណែង ដើម្បី “ជៀសវាងការដាក់ទណ្ឌកម្មណាមួយដោយសហព័ន្ធកីឡាបាល់ទាត់ពិភពលោក (FIFA)។
លោក Somyot ប្រធានកិច្ចប្រជុំនៅទីស្នាក់ការកណ្តាល FAT បានប្រកាសលាលែងពីតំណែងកាលពីថ្ងៃសៅរ៍ ជុំវិញការប្រកួតកីឡាស៊ីហ្គេម ឆ្នាំ២០២៣ ដែលក្រុម U22 របស់ប្រទេសនេះចាញ់ឥណ្ឌូណេស៊ី ៥-២ នៅវគ្គផ្តាច់ព្រ័ត្រ ដែលពេលនោះបណ្តាលឲ្យកើតមានជម្លោះ និងប៉ះទង្គិចគ្នារវាងប្រទេសទាំងពីរ។
កាលពីថ្ងៃសុក្រ ប្រធានកីឡាអូឡាំពិកថៃ លោកឧត្តមសេនីយ៍ Prawit Wongsuwon បាននិយាយថា Somyot គួរតែទទួលខុសត្រូវចំពោះបរាជ័យរបស់ក្រុម U22 ក្នុងការប្រកួតវគ្គផ្តាច់ព្រ័ត្រដែលមិនបានឈ្នះមេដាយមាស និងបណ្តាលឲ្យមានជម្លោះ។
លោក Somyot បាននិយាយកាលពីថ្ងៃសៅរ៍ថា លោកឧបនាយករដ្ឋមន្ត្រីថៃ Prawit បានបញ្ជាឱ្យលោកឈប់ពីតួនាទីជាប្រធាន និងបន្ថែមថា លោកនឹងជូនដំណឹងដល់សហព័ន្ធកីឡាបាល់ទាត់អាស៊ាន (AFF) សហព័ន្ធបាល់ទាត់អាស៊ី (AFC) និងស្ថាប័នគ្រប់គ្រងអន្តរជាតិ FIFA។
ទោះបីជាយ៉ាងណា ការលាលែងពីតំណែងរបស់លោកមិនទាន់ត្រូវបានទទួលយកដោយអាជ្ញាធរកីឡាថៃ លោកបណ្ឌិត Gongsak Yodmanee នៅឡើយទេ។
មុនពេលកិច្ចប្រជុំកាលពីថ្ងៃច័ន្ទ លោក Somyot បាននិយាយទៅកាន់លោក Prawit ថា៖ «ខ្ញុំគោរពលោក Prawit ។ លោកឧត្តមសេនីយ Prawit គួរតែនិយាយជាមួយខ្ញុំ ជាជាងការស្តីបន្ទោសខ្ញុំនៅក្នុងកិច្ចប្រជុំ។សមាជិក FIFA ដែលខ្ញុំបាននិយាយជាមួយរហូតមកដល់ពេលនេះ សុទ្ធតែនិយាយថា នេះគឺជាការជ្រៀតជ្រែក»។
ប្រការនេះមានន័យថា ការបញ្ជាឲ្យ លោក Somyot លាឈប់ និងទទួលខុសត្រូវពីលោកឧបនាយករដ្ឋមន្ត្រីថៃ Prawit គឺជាបញ្ហាជ្រៀតជ្រែកពីថ្នាក់ដឹកនាំនយោបាយជាន់ខ្ពស់ ដូច្នេះអាចជាបញ្ហាធ្វើឲ្យ FIFA ពិចារណាលើរឿង។
លោក Amnuay Nimmano សមាជិកជាន់ខ្ពស់នៃក្រុមប្រឹក្សាប្រតិបត្តិ FAT បាននិយាយកាលពីថ្ងៃច័ន្ទថា ៖«យើងបានស្នើសុំជាឯកច្ឆន្ទ ឧត្តមសេនីយ៍ Somyot កុំឱ្យលាលែងពីតំណែង ពីព្រោះវាអាចធ្វើឲ្យប្រទេសនេះត្រូវបានហាមឃាត់ ហើយយើងអាចបាត់បង់សិទ្ធិធ្វើជាម្ចាស់ផ្ទះនៃកិច្ចប្រជុំសមាជរបស់ FIFA នៅឆ្នាំក្រោយ»៕
ប្រែសម្រួល៖ មន្នីរ័ត្ន
ប្រភព៖ bangkongpost.com
-
ព័ត៌មានអន្ដរជាតិ១ សប្តាហ៍ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៥ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៦ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៦ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៧ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ១ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៤ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ៦ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង