កីឡា

តើក្លិបប្រដាល់ស្តង់ដាអន្តរជាតិ«គុនខ្មែរជើងឯកពិភពលោក»មានអ្វីខ្លះ?

បានផុស

២ years មុន

នៅ

ថ្ងៃពុធ ៥ កក្កដា ២០២៣

ដោយ

ក្លិបប្រដាល់គុនខ្មែរជើងឯកពិភពលោក (Kun Khmer World Champion) របស់ឧកញ៉ា ស្រី ចាន់ថន កំពុងត្រូវបានកសាងរួចរាល់ប្រមាណ៨០% និងគ្រោងបញ្ចប់នាពេលដ៏ខ្លីខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបប្រដាល់មួយនេះនឹងក្លាយជាមជ្ឈមណ្ឌលបណ្តុះបណ្តាលកីឡាប្រដាល់គុនខ្មែរដ៏ធំ និងកម្រិតស្តង់ដាជាងក្លិបផ្សេងៗនៅក្នុងប្រទេសកម្ពុជា ដោយសារមានកន្លែងជាច្រើនសម្រាប់ការអភិវឌ្ឍប្រដាល់គុនខ្មែរឲ្យរីកចម្រើនទាំងក្នុង និងក្រៅប្រទេស។

តាមការលើកឡើងរបស់ឧកញ៉ា ស្រី ចាន់ថន សាលាក្បាច់គុននេះមានកន្លែងហ្វឹកហាត់ដែលបំពាក់ដោយសម្ភារទំនើបៗ និងគ្រប់គ្រាន់ដែលកសាងបានប្រមាណ៧០%។ ជាមួយគ្នានេះក៏មានកន្លែងស្នាក់នៅសម្រាប់កីឡាករ កីឡាការិនីមានចំនួន១៥បន្ទប់ត្រូវបានកសាងរួចរាល់។ ក្រៅពីកន្លែងស្នាក់នៅ ក៏មានអាហារដ្ឋាន និងបន្ទប់ទឹកដែលត្រូវបានកសាងរួចរាល់។ ទីកន្លែងភេសជ្ជៈ និងកាហ្វេ ព្រមទាំងហាងលក់សម្លៀកបំពាក់កីឡាត្រូវបានកសាងបានប្រមាណ៨០%។

បន្ថែមលើទីកន្លែងសំខាន់ៗខាងលើ ក៏មានសួនច្បារ និងចំណតយានយន្តដែលធ្វើឲ្យក្លិបប្រដាល់គុនខ្មែរជើងឯកពិភពលោកកាន់តែមានសភាពស្រស់ស្អាតដែលនេះស្របតាមបែបផែនទេសចរណ៍កីឡាក្នុងការទាក់ទាញជនបរទេសឲ្យចូលមកប្រទេសកម្ពុជា និងហ្វឹកហាត់ប្រដាល់គុនខ្មែរ។

សព្វថ្ងៃនេះ ឧកញ៉ា ស្រី ចាន់ថន ក៏កំពុងស្វះស្វែងរកគ្រូបង្វឹក កីឡាករ កីឡាការិនី និងដៃគូនានាទាំងក្នុង ក្រៅប្រទេសដើម្បីរៀបចំក្លិបឲ្យកាន់តែរឹងមាំសម្រាប់រៀបចំព្រឹត្តិការណ៍ប្រកួតអន្តរជាតិ ព្រមទាំងបញ្ជូនអត្តពលិកគុនខ្មែរទៅប្រកួតនៅក្រៅប្រទេស៕