កីឡា

ភ្នំពេញក្រោនប្រកួតជាមួយ Suphanburi ល្ងាចនេះនៅប្រទេសថៃ

បានផុស

២ years មុន

នៅ

ថ្ងៃពុធ ៥ កក្កដា ២០២៣

ដោយ

ក្លិបបាល់ទាត់ភ្នំពេញក្រាននឹងប្រកួតមិត្តភាពកម្តៅសាច់ដុំជាមួយក្រុមលីគលំដាប់ទី២របស់ប្រទេសថៃគឺក្លិប Suphanburi FC វេលាម៉ោង៥ល្ងាច ថ្ងៃពុធ ទី៥ ខែកក្ដដា ឆ្នាំ២០២៣ បន្ទាប់ពីប្រកួតមិត្តភាពអន្តរជាតិនៅប្រទេសឥណ្ឌូណេស៊ីកាលពីប៉ុន្មានថ្ងៃមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបភ្នំពេញក្រានដែល ដឹកនាំដោយលោក Oleg Starynskyi ជាម្ចាស់ជើងឯកពានរង្វាន់ខេមបូឌានព្រីមៀរលីគពីររដូវកាលជាប់គ្នា។ បច្ចុប្បន្ននេះ ភ្នំពេញក្រោនកំពុងស្ថិតនៅក្នុងទម្រងល្អ និងគុណភាពខ្ពស់។

ចំណែកក្លិប Suphanburi FC ដែលដឹកនាំដោយលោកគ្រូបង្វឹក Sataporn Wajakkum ត្រូវបានបង្កើតឡើងរយៈពេល២៦ឆ្នាំ។ កាលពីរដូវកាលមុនពួកគេបញ្ចប់នៅចំណាត់ថ្នាក់ទី៦នៃលីគទី២របស់ប្រទេសថៃ។ ក្លិបដែលមានមូលដ្ឋានគ្រិះនៅខេត្ត សូផាន់បុរី មួយនេះក៏ធ្លាប់បានឡើងលេងលីគកំពូលរបស់ប្រទេសថៃដែរកាលពីឆ្នាំ ២០០៥ ។

ជុំវិញការប្រកួតមិត្តភាពកម្ដៅសាច់ដុំមុនបើករដូវកាលថ្មីមានផលវិជ្ជមានច្រើនសម្រាប់កីឡាករនិងក្លិបទាំងមូល។ នេះជាឱកាសសម្រាប់គ្រូបង្វឹកដែលស្វែងរកចំណុចខ្វះខាតរបស់ក្រុមបន្ថែម។

ទោះបីជា Suphanburi FC ជាក្លិបនៅលីគលំដាប់ទី២ របស់ថៃ ប៉ុន្តែក៏ជាក្លិបមួយដែលមានសមត្ថភាពគ្រប់គ្រាន់ក្នុងការប្រកួតជាមួយក្លិបភ្នំពេញក្រាន និងជាជំនួបមួយដែលអ្នកគាំទ្របាល់ទាត់ទន្ទឹងរង់ចាំដែរ៕

អត្ថបទ៖ ផា រតនា