កីឡា

អត្តពលិករុស្ស៊ី និង បេឡារុស ត្រូវបាន OCA ត្រួសត្រាយផ្លូវឲ្យចូលរួមប្រកួតកីឡាអាស៊ី Asian Games

បានផុស

២ years មុន

នៅ

ថ្ងៃចន្ទ ១០ កក្កដា ២០២៣

ដោយ

អត្តពលិករហូតដល់ ៥០០ នាក់ មកពីប្រទេសរុស្ស៊ី និងបេឡារុស នឹងត្រូវបានអនុញ្ញាតឲ្យចូលរួមប្រកួតក្នុងព្រឹត្តិការណ៍កីឡាអាស៊ី (Asian Games Hangzhou 2022) ដែលរៀបចំឆ្នាំនេះ នៅទីក្រុង Hangzhou ប្រទេសចិន ដើម្បីជួយឲ្យពួកគេអាចប្រកួតជម្រុះបានសម្រាប់កីឡាអូឡាំពិក ឆ្នាំក្រោយនាទីក្រុងប៉ារីស ប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាវាក៏អាស្រ័យលើស្ថាប័នគ្រប់គ្រង នៃកីឡាចំនួន ៣១ ប្រភេទកីឡា រៀងៗខ្លួន សម្រាប់ព្រឹត្តិការណ៍អូឡាំពិក ទីក្រុងប៉ារីស ឆ្នាំ ២០២៤ ដើម្បីសម្រេចថា តើពួកគេអនុញ្ញាតឲ្យអត្តពលិកមកពីប្រទេសរុស្ស៊ី និងបេឡារុស ចូលរួមក្នុងព្រឹត្តិការណ៍នេះដែរឬទេ បន្ទាប់ពីការបោះឆ្នោតនៅក្នុងមហាសន្និបាតក្រុមប្រឹក្សាអូឡាំពិកអាស៊ី (OCA) នាទីក្រុងបាងកក។

ចំពោះអត្តពលិករុស្ស៊ី និងបេឡារុស នឹងមិនមានសិទ្ធិទទួលបានមេដាយទេ ក្នុងការប្រកួតព្រឹត្តិការណ៍កីឡាដែលនឹងប្រព្រឹត្តទៅនៅចន្លោះថ្ងៃទី ២៣ ខែកញ្ញា ដល់ថ្ងៃទី ៨ ខែតុលា ក្រោមទង់ជាតិអព្យាក្រឹត និងគ្មាននិមិត្តសញ្ញាជាតិត្រូវបានអនុញ្ញាត។

ការរំពឹងទុករបស់អត្តពលិករុស្ស៊ី និងបេឡារុស ចូលរួមប្រកួតក្នុងព្រឹត្តិការណ៍កីឡាអាស៊ី (Asian Games) ដែលធ្វើឡើងនៅឆ្នាំនេះ បន្ទាប់ពីត្រូវបានពន្យារពេលកាលពីឆ្នាំមុន ដោយសារជំងឺរាតត្បាត COVID-19។

អត្តពលិកមកពីប្រទេសរុស្ស៊ី និងបេឡារុស ត្រូវបានហាមឃាត់ពីការប្រកួតនៅក្របខណ្ឌអន្តរជាតិ ចាប់តាំងពីខែមីនា ឆ្នាំ ២០២២ បន្ទាប់ពីការលុកលុយរបស់ទីក្រុងម៉ូស្គូ មកលើប្រទេសអ៊ុយក្រែន។

កាលពីខែមីនា វេទិកាអត្តពលិក OCA បានគាំទ្រផែនការអនុញ្ញាតឲ្យអត្តពលិករុស្ស៊ី និងបេឡារុស ចូលរួមប្រកួតប្រជែង ប៉ុន្តែទាមទារ”យុត្តិធម៌” សម្រាប់អត្តពលិកអាស៊ីនៅក្នុង“ការជម្រុះណាមួយ”។

ប្រធានស្ដីទីរបស់ក្រុមប្រឹក្សាកីឡាអូឡាំពិកអាស៊ី (OCA) លោក Randhir Singh ក៏ធ្លាប់បានសន្យាថា “ពួកគេ នឹងមិនជ្រៀតជ្រែកក្នុងប្រព័ន្ធមេដាយរបស់យើង ឬ កូតាវគ្គជម្រុះអាស៊ី សម្រាប់កីឡាអូឡាំពិកឡើយ”។ រហូតមកដល់ពេលនេះ OCA មិនបានផ្ដល់ព័ត៌មានលម្អិតផ្សេងទៀតទេ៕

ប្រែសម្រួល ៖ មន្នីរ័ត្ន

ប្រភព ៖ insidethegames.biz