កីឡា
លោក Saito៖ “យុវជនកម្ពុជា គួរជ្រើសយកការទស្សនាបាល់ទាត់ ជាផ្នែកមួយនៃការកម្សាន្ត”
ក្នុងពិធីចាប់ឆ្នោតកាលពីថ្ងៃទី៣០ ខែមិថុនា ឆ្នាំ២០២៣ លោក Satoshi Saito នាយកប្រតិបត្តិក្រុមហ៊ុនខេមបូឌានព្រីមៀរលីគ (CPL) បាននិយាយថា៖ «ខ្ញុំចង់ស្នើសុំឲ្យប្រជាជនកម្ពុជា ជាពិសេសយុវវ័យ អាចសាកល្បងផ្លាស់ប្ដូរអារម្មណ៍ពីការមើលកុន ឬញ៉ាំកាហ្វេ ដោយចំណាយខ្ទង់ ៥ដុល្លារ អង្គុយមើលបាលទាត់១ប្រកួតរយៈពេលជិត ២ម៉ោង នៅកីឡដ្ឋានផ្ទាល់ ដើម្បីទទួលបានបទពិសោធថ្មី»។
សម្រាប់ខេមបូឌានព្រីមៀរលីគរដូវកាលថ្មី មានកំណែទម្រង់ជាច្រើន តែរឿងមួយដែលគួរឲ្យចាប់អារម្មណ៍ គឺការបំពាក់ភ្លើងបំភ្លឺពេលយប់នៅកីឡដ្ឋាន សម្រាប់ក្លិបទាំង១០ ដែលចូលរួមរដូវកាលថ្មី។ សម្រាប់ការប្រកួតអាចធ្វើឡើងនៅពេលយប់ ត្រជាក់ស្រួល អំណោយផលដល់កីឡាករដែលលេងនៅលើទីលានមិនសូវឆាប់ហត់ និងអ្នកគាំទ្រងាយស្រួលក្នុងការទស្សនាផ្ទាល់។
លោក Satoshi Saito បញ្ជាក់ថា សម្រាប់កំណែទម្រង់សម្រាប់រដូវកាលថ្មីនេះ ពិតជាផ្ដល់នូវផលវិជ្ជមានជាច្រើនដល់លីគបាល់ទាត់កម្ពុជា។ សង្ឃឹមថាបងប្អូនដែលជាអ្នកគាំទ្រលីគបាល់ទាត់កម្ពុជា បន្ត និងជំរុញការគាំទ្រតែកាន់តែខ្លាំងថែមទៀត។ បើលីគបាល់ទាត់កម្ពុជារីកចម្រើន វាក៏ជាកម្លាំងចលករមួយដែលជួយឲ្យក្រុមជម្រើសជាតិកម្ពុជា រីកចម្រើនដែរ។ លីគកំពូលបាល់ទាត់ខេមបូឌានព្រីមៀរលីគ រដូវកាល ២០២៣-២៤ នឹងចាប់ផ្តើមនៅថ្ងៃ សៅរ៍ ទី ៥ ខែសីហា ឆ្នាំ ២០២៣ ខាងមុខនេះ ដោយមានក្លិបចំនួន១០ ចូលរួមប្រកួតប្រជែង៕
អត្ថបទ៖ ផា រតនា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៧ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ