កីឡា

ក្តៅៗ Thiago ប្រកាសចាកចេញពីក្លិប KKIF របស់ឧកញ៉ា ស្រី ចាន់ថន

បានផុស

២ years មុន

នៅ

ថ្ងៃពុធ ២៦ កក្កដា ២០២៣

ដោយ

កីឡាករប្រដាល់ប្រេស៊ីលសញ្ជាតិខ្មែរ សែន ឬទ្ធីគុណ (Thiago Teixeira) នៅមុននេះបន្តិចបានប្រកាសចាកចេញពីក្លិបគុនខ្មែរអន្តរជាតិ (KKIF) ដែលត្រូវបានគេដឹងជាក្លិបបង្កើតឡើងដោយឧកញ៉ា ស្រី ចាន់ថន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Thiago បានរៀបរាប់ថា តាមពិតទៅរូបគេបានចាកចេញពីក្លិប KKIF រយៈពេលជាងមួយខែកន្លងទៅហើយ ប៉ុន្តែមិនបានប្រកាសឲ្យមហាជនដឹង។ ការចាកចេញនេះត្រូវបានរូបគេបញ្ជាក់ពីការស្វែងរកឱកាស និងប្រកួតប្រជែងថ្មី។

«បច្ចុប្បន្ននេះ ខ្ញុំបើកចំហក្នុងការចាប់ដៃគូថ្មី ហើយខ្ញុំកំពុងមានឆន្ទៈឆ្ពោះទៅរកគម្រោងថ្មីៗ និងផ្ទាល់ខ្លួនដែលខ្ញុំអាចសហការជាមួយបាន។ សូមឲ្យក្បាច់គុនរបស់យើងរីកចម្រើន»។ កីឡាករខ្មែរ-ប្រេស៊ីលបានបញ្ជាក់។

កាលពីខែមេសាកន្លងទៅនេះ Thiago ទទួលបានសញ្ជាតិខ្មែរ បន្ទាប់ពីរូបគេបានលះបង់ប្រដាល់មួយថៃ មកចាប់ជំនាញគុនខ្មែរ និងបានធ្វើឲ្យប្រជាជនថៃខឹងសម្បារយ៉ាងខ្លាំង។ ជាពិសេសបានធ្វើឲ្យពិភពលោកស្គាល់ប្រដាល់គុនខ្មែរកាន់តែច្រើនតាមរយៈការទៅប្រកួតនៅប្រទេសបារាំងទទួលបានខ្សែក្រវាត់មួយថៃពិភពលោក ប៉ុន្តែប៉ុន្មានថ្ងៃក្រោយមកស្ថាប័នគ្រប់គ្រងប្រដាល់ថៃបានដកហូតខ្សែក្រវាត់ពីរូបគេវិញ។ ក្រៅពីទទួលបានសញ្ជាតិខ្មែរ រូបគេទទួលបានការឧបត្ថម្ភជាប្រាក់២ម៉ឺនដុល្លារពីសម្តេចតេជោ ហ៊ុន សែន និងសប្បុរសមួយចំនួនទៀត៕

អត្ថបទ៖ វីរបុត្រ