កីឡា

ក្រុមវាយកូនបាល់កម្ពុជាកំពុងប្រកួតជាមួយហ៊្សក់ដានីជើងឯក Davis Cup ប្រចាំតំបន់អាស៊ី

បានផុស

២ years មុន

នៅ

ថ្ងៃពុធ ២៦ កក្កដា ២០២៣

ដោយ

ក្រុមកីឡាវាយកូនបាល់ជម្រើសជាតិកម្ពុជាកំពុងប្រកួតក្នុងពានរង្វាន់កម្រិតពិភពលោក Davis Cup កម្រិតទី៣ ប្រចាំតំបន់ Asia/Oceania នៅប្រទេសស្រីលង្កា ចាប់ពីថ្ងៃទី២៦ ដល់ទី៣០ ខែកក្កដា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចាប់ឆ្នោតក្រុម កម្ពុជា ស្ថិតនៅពូល 𝗕 ជាមួយ ហ៊្សកដានី ម៉ាឡេស៊ី និងអូសេអានី។ សម្រាប់កីឡាករកម្ពុជាមាន៤រូបគឺ ឡុង សំនៀង, ឃ្លាំង ពន្លក, ឡេង សារិនរាជ និងកីឡាករ ទេព ទីម៉ូធី។ ក្រោយចប់ការប្រកួតវគ្គសន្សំពិន្ទុក្នុងពូល ក្រុមលេខ១ និងលេខ២នៃពូលនីមួយៗត្រូវឡើងវគ្គខ្វែងជាមួយពូល A ដើម្បីរកក្រុមជយលាភីឡើងទៅតំបន់ II។

សម្រាប់ការប្រកួតបើកឆាកនារសៀលថ្ងៃទី២៦ ខែកក្កដានេះ ក្រុមជម្រើសជាតិកម្ពុជាប្រកួតជាមួយក្រុមខ្លាំង ហ៊្សកដានី ក្នុងវគ្គសន្សំពិន្ទុក្នុងពូល។

កាលពីឆ្នាំមុន (២០២២) កម្ពុជា បានប្រកួតឈ្នះ សិង្ហបុរី ២-១ នៅក្នុងកម្រិត៤ ដើម្បីបានឡើងមកកម្រិត៣នេះ ដូច្នេះនេះជាលើកទី៦ ដែលកម្ពុជា បានលេងនៅក្នុង 𝗗𝗮𝘃𝗶𝘀 𝗖𝘂𝗽 កម្រិត៣ ខណៈ ៥លើកកន្លងមកនៅឆ្នាំ២០១២, ២០១៣, ២០១៤, ២០១៥ និង២០១៦។

𝗗𝗮𝘃𝗶𝘀 𝗖𝘂𝗽 ជាព្រឹត្តិការណ៍ប្រកួតវាយកូនបាល់កម្រិតពិភពលោកដែលធ្វើឡើងតាមកម្រិត និងតំបន់ដែលមាន ៤កម្រិត និងគ្រប់គ្រងដោយសហព័ន្ធកីឡាវាយកូនបាល់អន្តរជាតិ (𝗜𝗧𝗙) ហើយប្រកួតប្រជែងជារៀងរាល់ឆ្នាំរវាងក្រុមមកពីជាង ១៤០ប្រទេស៕

ទស្សនាលទ្ធផលបច្ចុប្បន្នភាព សូមចុចលើ Davis Cup 2023