កីឡា

តារាល្បី៤រូបនឹងសម្តែងក្នុងជំនួបភ្នំពេញក្រោនប៉ះវិសាខាដណ្តើមពានស៊ុបភើខាប់

បានផុស

២ years មុន

នៅ

ថ្ងៃសុក្រ ២៨ កក្កដា ២០២៣

ដោយ

ការប្រកួតដណ្តើមពានរង្វាន់ខេមបូឌានស៊ុបភើខាប់ រវាងក្រុមជើងឯកខេមបូឌានព្រីមៀរលីគ ភ្នំពេញក្រោន និង វិសាខា ម្ចាស់ជើងឯកពានរង្វាន់សម្តេចតេជោ ហ៊ុន សែន វេលាម៉ោង៦ល្ងាច ថ្ងៃអាទិត្យ ទី៣០ ខែកក្ដដា ឆ្នាំ២០២៣ នៅពហុកីឡដ្ឋានជាតិអូឡាំពិកនឹងមានការចូលរួមសម្តែងពីតារាល្បីៗ៤រូប។

ការប្រកួតក្នុងពានរង្វាន់ខេមបូឌានស៊ុបភើខាប់រដូវកាលទី២នេះ នឹងកាន់តែរំភើបរីករាយមួយកម្រិតថែមទៀត ដោយសារមានការចូលរួមសម្តែងពីតារាចម្រៀង៣រូបគឺលោក លោក ពូ ឃាំង ដែលជាតារាចម្រៀងរ៉េបជើងចាស់ប្រចាំប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ តារាចម្រៀងវ័យក្មេងដែលមានទាំងសមត្ថភាព និងរូបសម្ភស្សស្រស់សោភា កញ្ញា រ៉ាប៊ី និងបុរសសង្ហា ណាន វីសារ ព្រមទាំងមានតារាបាល់ទាត់រូបសង្ហា Nick Taylor របស់ក្លិបព្រះខ័នរាជស្វាយរៀងចូលរួមសម្តែងផងដែរ។

នៅក្នុងកម្មវិធីប្រកួតបាល់ទាត់ដ៏អស្ចារ្យនេះ អ្នកគាំទ្រៗក៏អាចមកលេងស្តង់នៅក្នុងពហុកីឡដ្ឋានជាតិអូឡាំពិកដើម្បីលេងហ្គេមសប្បាយៗយករង្វាន់វត្ថុអនុស្សាវរីយជាច្រើន។

ចំពោះសំបុត្រចូលរួមទស្សនាការប្រកួតត្រូវបានដាក់លក់ជាផ្លូវការហើយ នៅទីតាំងបង្ហាញពានផ្ទាល់ (Eden Garden) ថ្ងៃទី២៧ និងថ្ងៃទី២៨ ខែកក្កដា ឆ្នាំ២០២៣ និងថ្ងៃទី ២៩ និងថ្ងៃទី៣០ មានការដាក់លក់ផ្ទាល់នៅ ពហុកីឡដ្ឋានជាតិ អូឡាំពិក ចាប់ពីម៉ោង ១០នាទីព្រឹក។

កាលពីល្ងាចថ្ងៃទី២៧ ខែក៏កក្កដា សំបុត្រមានការបញ្ចុះតម្លៃពិសេស

ប្រភេទ ១ = ៣០ ០០០ រៀល
ប្រភេទ ២ = ១០ ០០០ រៀល (បញ្ចុះតម្លៃ ៥0%)
ប្រភេទ ៣ = ៦ ០០០ រៀល (បញ្ចុះតម្លៃ ៥0%)
*ប្រភេទ ប្រភេទ ៣ = បង្ហាញអត្តសញ្ញាណប័ណ្ណសិស្ស = ៤ ០០០ រៀល (កាតសិស្ស ១ អាចទិញសំបុត្របាន១)

សម្រាប់បងប្អូនដែលគាំទ្រវិស័យបាល់ទាត់និងបងប្អូនដែលគាំទ្រវិស័យសិល្បៈអាចទៅរកទិញសំបុត្រចូលរួមការប្រកួតដើម្បីលើកស្ទួយវិស័យបាល់ក្នុងប្រទេសកម្ពុជា៕

អត្ថបទ៖ ផា រតនា

Related Topics:កីឡាបាល់ទាត់