កីឡា
អ្នកគាំទ្រចង់ឃើញកូនប្រុសតារាសម្តែងក្បាច់គុនហូលីវូដជាប់U23កម្ពុជា
ស្របពេលសហព័ន្ធកីឡាបាល់ទាត់កម្ពុជាកំពុងជ្រើសរើសកីឡាករបាល់ទាត់អាយុក្រោម២៣ឆ្នាំ (U23) ដើម្បីចូលរួមប្រកួតជើងឯកយុវជនអាស៊ាន AFF U23 Championship ឆ្នាំ២២០២៣ នៅប្រទេសថៃ អ្នកគាំទ្រមួយចំនួនចង់ឃើញសហព័ន្ធធ្វើការជ្រើសរើសឲ្យថ្មី និងក្រៅស្រុកឲ្យបានច្រើន ជាពិសេសយុវជន Loic Chan។
![](https://www.kampucheathmey.com/wp-content/uploads/2023/08/LOIC-CHAN-PLAYERS-1024x552.jpg)
យុវជន Loic Chan ដែលបច្ចុប្បន្នអាយុ១៨ឆ្នាំជាកូនប្រុសរបស់លោក Maurice Chan ដែលជាជនជាតិខ្មែរ-បារាំងជាតារាសម្តែងក្បាច់គុនមានទេពកោសល្យបាល់ទាត់ និងលេងបាល់ទាត់តាំងពីតូច។ រូបគេធ្លាប់ជាយុវជនរបស់ក្លិប Balmas SC នៅជិតទីក្រុង Toulouse ភាគខាងត្បូងប្រទេសបារាំង។
លោក Maurice Chan ធ្លាប់បានបង្ហាញពីបំណងប្រាថ្នាឲ្យកូនប្រុសរបស់ខ្លួនបានលេងឲ្យក្រុមបាល់ទាត់ជម្រើសជាតិកម្ពុជាផង។
កាលពីឆ្នាំ២០២១ យុវជន Loic Chan ត្រូវបានភ្នាក់ងារដោះដូរកីឡាករកាន់អាជ្ញាបណ្ណរបស់ FIFA នៅប្រទេសអេស្បាញបានចាប់អារម្មណ៍លើរូបគេដើម្បីសិក្សាពីលទ្ធភាពក្នុងការផ្ទេរគេទៅលេងឲ្យក្លិប RCD Mallorca នៅក្របខណ្ឌ La Liga របស់អេស្បាញ។ ចាប់ពីពេលនោះមិនទាន់ដឹងច្បាស់ដំណឹងពីរូបគេជាក់លាក់ឡើយ ខណៈលោក Maurice Chan ជាឪពុកក៏មិនអាចទាក់ទងដើម្បីបញ្ជាក់បានដែរ។
![](https://www.kampucheathmey.com/wp-content/uploads/2023/08/LUIO-CHAN-AND-FATHER.jpg)
ទោះបីជាយ៉ាងណា អ្នកគាំទ្រនៅតែចង់ឲ្យសហព័ន្ធកីឡាបាល់ទាត់កម្ពុជាកោះហៅយុវជន Loic Chan ដើម្បីចូលរួមជាមួយក្រុមជម្រើសជាតិកម្ពុជាអាយុក្រោម២៣ឆ្នាំ។ ក្រុមគ្រូបង្វឹកសហព័ន្ធកីឡាបាល់ទាត់កម្ពុជាកំពុងជួបការលំបាកក្នុងការជ្រើសរើស U23 កម្ពុជាដោយសារ ចុងសប្តាហ៍នេះក្លិបបាល់ទាត់កម្ពុជានីមួយៗកំពុងត្រៀមខ្លួនដើម្បីប្រកួតខេមបូឌានព្រីមៀរលីគរដូវកាលថ្មី ស្របពេលសហព័ន្ធត្រូវជ្រើសរើសក្រុមជម្រើសជាតិ។
លោក Félix Dalmás គ្រូបង្វឹកជម្រើសជាតិកម្ពុជាបាននិយាយថា កាលបរិច្ឆេទនៃការប្រកួតមិនល្អទេ ដោយសារក្លិបត្រូវប្រកួតលីគកំពូលកម្ពុជា ដូច្នេះលោកយល់ពីក្លិបដែលត្រូវការកីឡាករដើម្បីជួយក្រុម ប៉ុន្តែលោកក៏ចង់បានក្រុម U23 កម្ពុជាដ៏ល្អមួយដែលធ្វើឲ្យបានលទ្ធផលលើឆាកអន្តរជាតិ។
តាមរយៈវីដេអូនៃការជ្រើសរើសដែលសហព័ន្ធកីឡាបាល់ទាត់កម្ពុជាចេញនៅព្រឹកថ្ងៃទី២ ខែសីហានេះឃើញថា មានកីឡាករល្អៗជាច្រើនមកពីក្លិបផ្សេងៗគ្នាចូលរួមធ្វើតេស្ត។
ការប្រកួតជើងឯកយុវជនអាស៊ាន AFF U23 Championship នឹងចាប់ផ្តើមពីថ្ងៃទី១៧ ដល់ទី២៦ ខែសីហា ឆ្នាំ២០២៣ នៅប្រទេសថៃ។ ក្រុម U23 កម្ពុជា ស្ថិតនៅពូល A ដែលមានម្ចាស់ផ្ទះថៃ មីយ៉ាន់ម៉ា និងព្រុយណេ ខណៈពូលB មានឥណ្ឌូណេស៊ី ម៉ាឡេស៊ី និងទីម័រខាងកើត ហើយពូល C មានវៀតណាម ហ្វីលីពីន និងឡាវ។
ចំណែកពូល ខេមបូឌានព្រីមៀរលីគ រដូវកាល២០២៣-២៤ នឹងចាប់ផ្តើមនៅថ្ងៃសៅរ៍ ទី៥ ខែសីហា ឆ្នាំ២០២៣៕
![](https://www.kampucheathmey.com/wp-content/uploads/2023/08/LOIC-CHAN.jpg)
អត្ថបទ៖ វីរបុត្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ