អត្តពលិកហែលទឹកកម្ពុជាឈ្នះ​មេដាយ​១៦គឿងពីកីឡានគរបាលពិភពលោក

ក្នុងព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោក លើកទី២០ នៅប្រទេសកាណាដា អត្តពិលហែលទឹកកម្ពុជារបស់ក្រសួងមហាផ្ទៃ ដណ្ដើមមេដាយសរុប​១៦គ្រឿង ក្នុងនោះមាស៦គ្រឿង ប្រាក់៦គឿង និង សំរិទ្ធ៣គ្រឿង។

ការប្រកួតកីឡានគរបាល និងកងពន្លត់អគ្គិភ័យពិភពលោកត្រូវបានប្រារព្ធឡើងជារៀងរាល់ឆ្នាំ ហើយជាការប្រកួតបែបអូឡាំពិក ដែលមានអត្តពលិកជាង ៨,៥០០ នាក់តំណាងឱ្យការអនុវត្តច្បាប់ អ្នកពន្លត់អគ្គីភ័យ និងនគរបាលមកពីជាង ៥០ ប្រទេសជុំវិញពិភពលោក។ អត្តពលិកទាំងនេះប្រកួតប្រជែងក្នុងកីឡា​ជាង ៦០ប្រភេទ។

ក្រុមប្រឹក្សាកីឡាក្រសួងមហាផ្ទៃ បានបញ្ជូន កីឡាករ ២រូប កីឡាការិនី ១រូប និងគ្រូបង្វឹក​ ១រូប នៃប្រភេទកីឡាហែលទឹក ឱ្យទៅចូលរួមក្នុងកីឡានគរបាល និងកងពន្លត់អគ្គិភ័យពិភពលោក លើកទី ២០។

ជាលទ្ធផល កីឡា​ហែល​ទឹក​កម្ពុជា​ទទួល​បាន​មេដាយដូច​ខាង​ក្រោម៖

• កីឡាការិនី សុខ វល័ក្ខ ដណ្តើមបានមេដាយមាស ៤គ្រឿង និងមេដាយប្រាក់ ១គ្រឿង។
• កីឡាករ ហែម ប៉ុច ដណ្តើមបានមេដាយមាស ២គ្រឿង និងមេដាយប្រាក់ ៣គ្រឿង។
• កីឡាករ លឹម កែវឧត្តម ដណ្តើមបានមេដាយប្រាក់ ២គ្រឿង និងមេដាយសំរិទ្ធ ៣គ្រឿង។

អត្ថបទ៖ ផា រតនា