កីឡា

សប្តាហ៍ទី១ ស្ថិតិ៦រឿងក្នុងលីគកំពូលកម្ពុជារដូវកាលថ្មី

បានផុស

២ years មុន

នៅ

ថ្ងៃចន្ទ ៧ សីហា ២០២៣

ដោយ

ការប្រកួតសប្តាហ៍បើកឆាកខេមបូឌាព្រីមៀរលីគរដូវកាល២០២៣-២៤ ពិតជាគួរឲ្យចាប់អារម្មណ៍ខ្លាំងមែនទែន ដោយក្រុមនីមួយៗពិតជាធ្វើបានល្អ និងមិនងាយធ្វើឲ្យដៃគូម្ខាងរកគ្រាប់បាល់បានស្រួលៗនោះទេ។

សម្រាប់ការប្រកួតទាំង៥គូមានរឿងរ៉ាវគួរឲ្យចាប់អារម្មណ៍មួយចំនួនដែលជាស្ថិតិក្នុងសប្តាហ៍ទី១។

គ្រាប់បាល់

គ្រាប់បាល់បានកើតមានឡើង១៧គ្រាប់សម្រាប់សប្តាហ៍ទី១នេះ។ គ្រាប់បាល់ទាំងនោះមានដូចជា ក្រសួងការពារជាតិ ០-២ ព្រះខ័នរាជស្វាយរៀង, ភ្នំពេញក្រោន ២-១ បឹងកេត, អាយអេសអាយ ដង្កោសែនជ័ន ១-០ អង្គរថាយហ្គឺរ, វិសាខា ២-០ គិរីវង់សុខសែនជ័យ និងខេត្តព្រៃវែង ៤-៥ ណាហ្គាវើលដ៍ដែលបានក្លាយជាការប្រកួតមានគ្រាប់បាល់កើតឡើងច្រើនជាងគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាប់បាល់លឿនជាងគេ

ខ្សែប្រយុទ្ធរបស់ណាហ្គាវើលដ៍ Cristian បានក្លាយជាកីឡាកររកបានគ្រាប់បាល់លឿនជាងគេ និងជាគ្រាប់បាល់បើកឆាកក្នុងសប្តាហ៍ទី១ បន្ទាប់ពីស៊ុតចូលក្រុមខេត្តព្រៃវែង នៅនាទីទី៥។

ហែតទ្រីក

ខ្សែប្រយុទ្ធសញ្ជាតិប្រេស៊ីល Marques Marcio របស់ណាហ្គាវើលដ៍បានក្លាយជាកីឡាករទី១ដែលបានរកគ្រាប់ហែកទ្រីក (៣គ្រាប់) មុនគេ និងរកបាននៅក្នុងសប្តាហ៍ទី១នៅពេលរូបគេស៊ុតចូលក្រុមខេត្តព្រៃវែង នៅនាទីទី៦ ១៩ និង២៩។

កាតលឿង

ការប្រកួតទាំង៥គូត្រូវបានអាជ្ញាកណ្តាលចាយកាតលឿងពិន័យលើកីឡាចំនួន១៨សន្លឹក ក្នុងនោះជំនួប ព្រៃវែង និង ណាហ្គាវើលដ៍ ២សន្លឹក, វិសាខា និង គិរីវង់សុខសែនជ័យ ៣សន្លឹក, អាយអេសអាយ ដង្កោសែនជ័យ និង អង្គរថាយហ្គឺរ ៥សន្លឹក, ភ្នំពេញក្រោន និងបឹងកេត ៦សន្លឹក ហើយក្រសួងការពារជាតិ និង ព្រះខ័នរាជស្វាយរៀង ២សន្លឹក។

កាតក្រហម

ខ្សែការពារ ឆេង ម៉េង របស់វិសាខា បានក្លាយជាកីឡាករទី១ទទួលបានកាតក្រហមបណ្តេញពីទីលាន បន្ទាប់ពីទទួលបានកាតលឿងពីរនៅនាទី២៦ និង៤៩ ក្នុងជំនួបវិសាខាជាមួយគិរីវង់សុខសែនជ័យ។

ចំនួនអ្នកទស្សនា

សប្តាហ៍ទី១ មានអ្នកគាំទ្រចូលទស្សនាផ្ទាល់សរុប ១០ ៦១២នាក់មានដូចជា ការប្រកួតរវាងក្រសួងការពារជាតិ និង ព្រះខ័នរាជស្វាយរៀងមាន ៩៣១នាក់, ខេត្តព្រៃវែង និងណាហ្គាវើលដ៍មាន១០២៦នាក់, អាយអេសអាយ ដង្កោសែនជ័យ និងអង្គរថាយហ្គឺរមាន១៦២៤នាក់, វិសាខា និង គិរីវង់សុខសែនជ័យមាន១៩៥៣នាក់ ហើយភ្នំពេញក្រោនជាមួយបឹងកេតមាន៥០៧៨នាក់ ដែលបានក្លាយជាការប្រកួតមានអ្នកទស្សនាច្រើនជាងគេបំផុត៕