កីឡា

ជើងឯកទម្ងន់ធ្ងន់ Joshua ៖«ពិភពប្រដាល់សកលពិតជាជាប់ពាក់ព័ន្ធសារធាតុហាមឃាត់»

បានផុស

១ year មុន

នៅ

ថ្ងៃព្រហស្បតិ៍ ១០ សីហា ២០២៣

ដោយ

កីឡាករ Anthony Joshua ជើងឯកពិភពលោកទម្ងន់ធ្ងន់បានយល់ឃើញពីកីឡាករប្រដាល់សកលច្រើនមានពាក់ព័ន្ធនឹងសារធាតុហាមឃាត់ បន្ទាប់ពីរូបគេត្រូវបានដាក់ឲ្យប្រកួតជំនួសកីឡាករ Dillian Whyte ដែលត្រូវបានធ្វើតេស្តរកឃើញសារធាតុហាមឃាត់ និងត្រូវបានដកចេញពីការប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលអ្នកសារព័ត៌មានចោទសួរថាតើកីឡាប្រដាល់មានបញ្ហាជាមួយសារធាតុហាមឃាត់ទេ? Joshua បានឆ្លើយថា៖«ខ្ញុំមិនដឹងថា តើពួកគេនឹងដោះស្រាយបញ្ហានេះយ៉ាងណាទេ ប៉ុន្តែច្បាស់ណាស់ថា បញ្ហានេះកើតមានពិតបា្រកដមែន»។

នេះជាលើកទី៣ក្នុងរយៈពេល១២ខែ ក្នុងពិភពប្រដាល់សកលពិភពលោកដែលកំពុងប្រឈមមុខធ្ងន់ធ្ងរពាក់ព័ន្ធនឹងសារធាតុហាមឃាត់។ កាលពីខែតុលាឆ្នាំ២០២២ ការប្រកួតរវាងកីឡាករ Conor Benn ជាមួយកីឡាករ Chris Eubank Jr ត្រូវបានលុបចោលវិញ បន្ទាប់ពីកីឡាករ Conor Benn បានបរាជ័យក្នុងការធ្វើតេស្តរកសារធាតុហាមឃាត់ដល់ទៅ២លើក។ នៅពេលនោះ Conor Benn បានបដិសេធ ហើយកីឡាករ Dillian Whyte ក៏បានបដិសេធដែរ។

កីឡាករ Amir Khan បានជាប់បំរាមរយៈពេល២ឆ្នាំ បន្ទាប់ពីធ្វើតេស្តរកឃើញសារធាតុហាមឃាត់ ក្រោយពីការប្រកួតជាមួយកីឡាករ Kell Brook នៅក្នុងខែកុម្ភៈ ឆ្នាំ២០២២។

ករណីនេះមិនត្រូវបានតុលាការឯករាជ្យបើកសវនាការទេរហូតដល់ខែមករា ឆ្នាំ២០២៣។

ដោយឡែកកីឡាករ Anthony Joshua ដែលជំនួសកីឡាករ Dillian Whyte នឹងប្រកួតជាមួយកីឡាករ Robert Helenius នៅសង្វៀនO2 ក្នុងទីក្រុងឡុងដ៍ នៅថ្ងៃសៅរ៍ ទី១២ ខែសីហានេះ។ កីឡាករ Anthony Joshua បានបន្ថែមថា៖«ខ្ញុំមិនភ្ញាក់ផ្អើលនឹងរឿងអាស្រូវសារធាតុហាមឃាត់ក្នុងកីឡាប្រដាល់នោះទេ តែអ្វីដែលធ្វើឲ្យខ្ញុំឆ្ងល់ថា តើស្ថានភាពនេះកើតឡើងយូរប៉ុណ្ណាហើយ»៕

ប្រែសម្រួល៖ ផា រតនា
ប្រភព៖ BCC

Related Topics:កីឡាប្រដាល់សកល