កីឡា
មុនប៉ះគ្នាថ្ងៃព្រហស្បតិ៍នេះ U23 កម្ពុជាធ្លាប់ឈ្នះព្រុយណេ៦-០ពានAFF U-23
ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ (U23) បើកឆាកប៉ះជម្រើសជាតិព្រុយណេ ក្នុងពានរង្វាន់យុវជនអាស៊ានអាយុក្រោម២៣ឆ្នាំ AFF U-23 Championship នៅថ្ងៃព្រហស្បតិ៍ ទី១៧ ខែសីហា ឆ្នាំ២០២៣ នៅប្រទេសថៃ។
ក្រុម U23 កម្ពុជា ស្ថិតនៅពូល A ជាមួយក្រុមខ្លាំង ថៃ មីយ៉ាន់ម៉ា និងព្រុយណេ។ សម្រាប់ការប្រកួតបើកឆាក ក្រុមយុវជនកម្ពុជាប៉ះព្រុយណេដែលរំពឹងទទួលបានលទ្ធផលល្អសម្រាប់ជំនួបបើកឆាកដ៏សំខាន់នេះ។
![](https://www.kampucheathmey.com/wp-content/uploads/2023/08/U22-Cambodia-4-0-Timor-Leste-Sea-Games-KPT.jpg8_-1024x683.jpg)
និយាយត្រឹមក្នុងពានរង្វាន់ AFF U-23 Championship ដែលបានរៀបចំឡើងបាន៣លើកមកហើយគិតចាប់តាំងពីឆ្នាំ២០០៥មក កម្ពុជា និងព្រុយណេធ្លាប់ជួបគ្នាតែម្តងប៉ុណ្ណោះ។ ជួបគ្នាលើកដំបូងនោះគឺនៅថ្ងៃ១៤ ខែកុម្ភៈ ឆ្នាំ២០២២ នៅពហុកីឡដ្ឋានជាតិមរតកតេជោ ក្នុងប្រទេសកម្ពុជា ហើយក៏ជាលើកដំបូងដែលព្រុយណេចូលរួមប្រកួតពានរង្វាន់មួយនេះ។
កាលណោះ ក្រុមម្ចាស់ផ្ទះកម្ពុជាធ្វើបានល្អមែនទែនដោយបានយកឈ្នះលើព្រុយណេក្នុងលទ្ធផល ៦-០។ គ្រាប់បាល់របស់កម្ពុជារកបានដោយកីឡាករ៦រូបផ្សេងៗគ្នាកឺ សៀង ចន្ធា នៅ នាទី១៨, គ្រាប់ទី២ ស៊ុតបញ្ចូលទីពីចម្ងាយនៅនាទី ២០ ដោយខ្សែប្រយុទ្ធ ញាណ សុស៊ីដាន,គ្រាប់ទី៣ ស៊ុតដោយកីឡាករ សាទី នៅនាទី២៣, គ្រាប់ទី៤ ស៊ុតដោយខ្សែការពារ តាំង ប៊ុនឆៃ នៅនាទី៧២, គ្រាប់ទី៥ ស៊ុតដោយខ្សែការពារ ស រតនា នៅនាទី៨៦ និងគ្រាប់ទី៦ ស៊ុតដោយខ្សែប្រយុទ្ធ ណារ៉ុង កក្ដដា នៅនាទី៨៩។
ក្នុងចំណោម កីឡាករដែលរកបានគ្រាប់បាល់ទាំង៦រូបខាងលើនេះគឺ៣នាក់បានជាប់ក្នុងបញ្ជី២៣នាក់ចុងក្រោយដែលត្រូវទៅប្រកួតនៅប្រទេសថៃលើកនេះមានដូចជា សា ទី, តាំង ប៊ុនឆៃ និង ស រតនា។
![](https://www.kampucheathmey.com/wp-content/uploads/2023/08/Cambodia-vs-Brunie-Action-10-1024x683.jpg)
ចាប់តាំងពីចូលរួមប្រកួតពានរង្វាន់ AFF U-23 នៅខែកុម្ភៈ ឆ្នាំ២០២២នោះមក ព្រុយណេមិនបានបញ្ជូនក្រុមរបស់ខ្លួនចូលរួមប្រកួតក្នុងព្រឹត្តិការណ៍កីឡាស៊ីហ្គេម ២លើកចុងក្រោយគឺស៊ីហ្គេម ឆ្នាំ២០២២ នៅប្រទេសវៀតណាម និងស៊ីហ្គេម ឆ្នាំ២០២៣ នៅប្រទេសកម្ពុជា។ ដូច្នេះពិបាកវាយតម្លៃលើសមត្ថភាព និងបច្ចេកទេសរបស់ក្រុម U23 ព្រុយណេ។
ក្រុមកម្ពុជាប្រកួតជាមួយព្រុយណេវេលាម៉ោង៤រសៀល ខណៈ ក្រុមម្ចាស់ផ្ទះថៃប្រកួតជាមួយមីយ៉ាន់ម៉ា វេលាម៉ោង៨យប់។
ដោយឡែក ពូល B មានឥណ្ឌូណេស៊ី ម៉ាឡេស៊ី និងទីម័រខាងកើត ខណៈពូល C មានវៀតណាម ហ្វីលីពីន និងឡាវ ដែលចាប់ប្រកួតនៅថ្ងៃទី១៨ ខែសីហា ឆ្នាំ២០២៣៕
អត្ថបទ៖ ផា រតនា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២០ ម៉ោង ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ៧ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៧ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច១ សប្តាហ៍ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
សុខភាព២ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ២ ថ្ងៃ ago
លោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»
-
ព័ត៌មានជាតិ២ ថ្ងៃ ago
ខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា