កីឡា
ប៉ះគ្នាថ្ងៃស្អែក គ្រូ Young Elephants គិតថា ភ្នំពេញក្រោនមានសម្ពាធជាង
លោក Satyasagara គ្រូបង្គោលក្លិបបាល់ទាត់ Young Elephants បានយល់ឃើញម្ចាស់ផ្ទះភ្នំពេញក្រោនមានសម្ពាធច្រើនជាងក្រុមរបស់លោកនៅពេលជួបគ្នាវគ្គជម្រុះ AFC Cup 2023 វេលាម៉ោង៦ល្ងាច ថ្ងៃទី១៦ ខែសីហា ឆ្នាំ២០២៣ នៅកីឡដ្ឋាន RSN រាជធានីភ្នំពេញ។
ការយល់ឃើញពីសម្ពាធរបស់ភ្នំពេញក្រោនគឺដោយសារក្លិបខ្លាំងរបស់កម្ពុជាមមាញឹកខ្លាំងក្នុងការប្រកួតពានរង្វាន់នៅក្នុងប្រទេស។ ក្នុងសន្និសីទសារព័ត៌មាននៅព្រឹកថ្ងៃទី១៥ ខែសីហា លោក Satyasagara គ្រូបង្គោលក្លិប Young Elephants និយាយាថា៖«ភ្នំពេញហាក់មានសម្ពាធក្នុងការប្រកួតថ្ងៃស្អែកនេះ ដោយសារលីគកម្ពុជាទើបតែចាប់ហើយពួកគេមានការងារច្រើនដែលត្រូវធ្វើ និងគ្មានពេលសម្រាកគ្រប់គ្រាន់។ ផ្ទុយទៅវិញ ក្រុម Young Elephants របស់ខ្ញុំហាក់មិនសូវមានសម្ពាធទេ ពីព្រោះលីគកំពូលឡាវបានសម្រាកជាង១ខែហើយ ប៉ុន្តែយើងនៅតែបន្តហ្វឹកហាត់ និងមានការប្រកួតផ្សេងៗជាហូរហែ»។
ទោះបីជាយ៉ាងណា គ្រូសញ្ជាតិសិង្ហបុរីក៏មើលឃើញពីចំណុចវិជ្ជមានផងដែរនៅពេលក្រុមរបស់កម្ពុជាមួយនេះជាប់រវល់ខ្លាំង។ លោកគិតថា ការប្រកួតញឹកញាប់របស់ភ្នំពេញក្រោនក៏ជាផ្នែកមួយធ្វើឲ្យក្រុមមានការត្រៀមខ្លួនបានល្អដែរ។
សម្រាប់ការប្រកួតចុងក្រោយរបស់ក្លិប Young Elephants គឺបានយកឈ្នះក្លិប Master 7 ដោយលទ្ធផល ១-០ កាលពីថ្ងៃទី២ ខែកក្ដដា ឆ្នាំ ២០២៣។ ក្រោយមក ក្រុមនេះបានសម្រាកអស់រយៈពេលជាង១ខែមកហើយ ដោយសារលីគបាល់ទាត់កំពូលឡាវមិនទាន់ចាប់ផ្តើមរហូតកាលថ្មី។
ក្លិបទាំង២ធ្លាប់បានជួបគ្នាម្តងគត់ គឺភ្នំពេញក្រោនបានយកឈ្នះ Young Elephants ដោយលទ្ធផល ៤-២ នៅវគ្គសំន្សំពិន្ទុក្នុងពូលក្នុងពានរង្វាន់ AFC CUP ឆ្នាំ ២០២២។
រហូតមកដល់ពេលនេះ Young Elephants មានការផ្លាស់ប្តូរសមាជិកច្រើន ក្នុងនោះមានកីឡាករបរទេសតែ២នាក់ប៉ុណ្ណោះ ខណៈសមាជិកសំខាន់ជាប្រធានក្រុមសញ្ជាតិឡាវ Bounphachan Bounkong បានផ្លាស់មកក្លិបព្រះខ័នរាជស្វាយរៀងថែមទៀត។
បែបនេះក្តី ទម្រង់លេងរបស់ក្លិបជើងឯកលីគឡាវមួយនេះនៅតែល្អ ដោយការប្រកួត១៤លើកចុងក្រោយតាំងពីថ្ងៃទី១៨ ខែកុម្ភៈ ឆ្នាំ២០២៣ មិនធ្លាប់ស្គាល់បរាជ័យឡើយ។
ដោយឡែក ម្ចាស់ផ្ទះភ្នំពេញក្រោនទើបតែឈ្នះជើងឯកខេមបូឌានលីគខាប់ និងខេមបូឌានស៊ុបភើខាប់ ឆ្នាំ២០២៣ និង២ប្រកួតក្នុងលីគកំពូលកម្ពុជារដូវកាលថ្មី២០២៣-២៤ ឈ្នះ១ និងចាញ់១៕
អត្ថបទ៖ ផា រតនា
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?