កីឡា

Thiago ថា ព្រំ សំណាង មិនក្លាយជាស្តេចប្រដាល់គុនខ្មែរទេ បើមិនឆ្លងកាត់គាត់ ទោះឈ្នះ Leduc

បានផុស

១ year មុន

នៅ

ថ្ងៃអង្គារ ១៥ សីហា ២០២៣

ដោយ

កីឡាករប្រដាល់ប្រេស៊ីលសញ្ជាតិខ្មែរ Thiago Teixeira បានសរសេរថា កីឡាករ ព្រំ សំណាង នឹងមិនអាចក្លាយជាស្តេចប្រដាល់គុនខ្មែរបានទេ ទោះជាឈ្នះកីឡាករប្រដាល់មីយ៉ាន់ម៉ា Dave Leduc ក៏ដោយ ប្រសិនបើមិនទាន់ឆ្លងកាត់រូបគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Thiago បានសរសេរឆ្លើយតបទៅនឹងផេកមួយដែលបានសរសេរថា ព្រំ សំណាង នឹងក្លាយជាស្តេចប្រដាល់គុនខ្មែរ ប្រសិនបើឈ្នះកីឡាករប្រដាល់មីយ៉ាន់ម៉ាដោយបាន Dave Leduc ថា ៖«ខ្ញុំជឿជាក់ គាត់ (Leduc) នឹងមិនឈ្នះ ព្រំ សំណាងទេ ហើយប្រសិនបើគាត់ (សំណាង) ឈ្នះ Leduc ក៏គាត់មិនអាចក្លាយជាស្តេចប្រដាល់គុនខ្មែរបានដែរ ប្រសិនបើមិនទាន់ឆ្លងកាត់ខ្ញុំ»។

តាមការគ្រោងទុក ព្រំ សំណាង នឹងប្រកួតជាមួយកីឡាករមីយ៉ាន់ម៉ា Dave Leduc នៅខែតុលាខាងមុខនេះក្រោមច្បាប់គុនខ្មែរ។ ការប្រកួតនេះនឹងក្លាយជាការប្រកួតចុងក្រោយរបស់កីឡាករមីយ៉ាន់ម៉ាមុនពេលចូលនិវត្តន៍។ ចំណែក អ្នកលេងគុនខ្មែរ ព្រំ សំណាង ប្រមាណ៣០ប្រកួតចុងក្រោយមិនដែលចាញ់សោះ៕

អត្ថបទ៖ វីរបុត្រ