កីឡា
គ្រូក្រុមជើងឯកលីគឡាវនៅតែមានមោទនភាព ទោះចាញ់ភ្នំពេញក្រោនយប់មិញ
លោក Satyasagara គ្រូបង្គោលក្លិប Young Elephants នៅតែរីករាយ និងមានមោទនភាពចំពោះកូនក្រុមរបស់លោក បើទោះបីជាបរាជ័យក្រោមថ្វីជើងម្ចាស់ផ្ទះភ្នំពេញក្រោនដោយលទ្ធផល ៣-០ វគ្គជម្រុះបឋម ក្នុងពានលំដាប់ទី២របស់អាស៊ី AFC Cup ឆ្នាំ២០២៣ ក្រោមស្ថានភាពទីលានមិនសូវល្អប្រសើរ។
តំណាងរៀបចំការប្រកួតរបស់សហព័ន្ធកីឡាបាល់ទាត់ទ្វីបអាស៊ី (AFC) លោក SI THU WIN សញ្ជាតិ មីយ៉ាន់ម៉ា បានសម្រេចពន្យារពេល៣០នាទីដើម្បីឲ្យស្ថានភាពទឹកដក់លើទីលានឲ្យស្រក និងល្អប្រសើរងាយស្រួលធ្វើការប្រកួត។
ទោះបីជាការប្រកួតត្រូវបានពន្យារពេលរយៈពេល៣០នាទី ក៏ស្ថានភាពទឹកនៅតែស្រកមិនទាន់ពេលវេលា និងបានធ្វើឲ្យមានការលំបាកដល់ក្រុមទាំងពីរក្នុងការបញ្ជូនបាល់រាប។
លោក Satyasagara បាននិយាយថា៖«ក្រុមរបស់ខ្ញុំគឺលេងជាមួយក្រុមខ្លាំង ដែលមានកីឡាករបរទេសល្អៗ ប៉ុន្តែខ្ញុំក៏មានមោទនភាពចំពោះកូនក្រុមដែលធ្វើបានល្អក្នុងវគ្គទី១ ដោយមិនធ្វើឲ្យរបូតគ្រាប់បាល់»។
លោកបានបន្ថែមថា ដោយសារភ្លៀងធ្លាក់ខ្លាំង ទឹកដក់នៅលើទីលានច្រើន។ ទោះបីពន្យារពេល៣០នាទី ក៏ទឹកនៅតែបន្តមាន ដូច្នេះធ្វើឲ្យកីឡាករក្រុមទាំងពីរជួបការលំបាកខ្លាំង។
ចំណែក លោក Oleg Starynskyi គ្រូបង្គោលភ្នំពេញក្រោន និយាយថា៖«ខ្ញុំសូមអរគុណដល់អ្នកតំណាងរៀបចំការប្រកួត AFC និងក្រុមការងារពាក់ព័ន្ធ ដែលបានសម្រេចពន្យារពេល៣០នាទី។ ការពន្យារនេះមិនមែនធ្វើឡើង ដើម្បីតែទូរទស្សន៍ ឬអ្នកឧបត្តម្ភផ្សេងៗទេ ប៉ុន្តែគឺធ្វើឡើងដើម្បីឲ្យការប្រកួតនៅលើទីលានមានភាពល្អប្រសើរ។ គោលបំណងគឺធ្វើឲ្យអ្នកគាំទ្រមានភាពរីករាយក្នុងការទស្សនា»។
ការប្រកួតបានចាប់ផ្តើមវេលាម៉ោង៦:៣០នាទីល្ងាច ហើយភ្នំពេញក្រោនទទួលបានជ័យជម្នះដោយលទ្ធផល ៣-០។ គ្រាប់បាល់ ៣គ្រាប់របស់ ភ្នំពេញក្រោន រកបានដោយកីឡាករ Shintaro Shimizu នៅនាទី ៥៨ តាមរយៈទាត់ពិន័យ១១ម៉ែត្រ។ គ្រាប់ទី២ រកបានដោយកីឡាករ Yudai Ogawa នៅនាទី ៧៨ ពីការស៊ុតហ្រ្វីឃីត និងគ្រាប់ទី៣ រកបានដោយកីឡាករ Andrés Nieto ពីការវាយបកបាល់ដាច់មាត់នៅនាទី ៩០+៣។
បន្ទាប់ពីឆ្លងផុតវគ្គជម្រុះបឋម ភ្នំពេញក្រោន មានភារកិច្ចធ្ងន់បន្តទៀតដោយត្រូវប្រកួតជាមួយក្រុមខ្លាំង Tampines Rovers FC របស់សិង្ហបុរីក្នុងវគ្គខ្វែង Play-off នៅថ្ងៃទី២៣ ខែសីហា ដើម្បីរកក្រុមឡើងទៅវគ្គចែកពូលក្នុងពានរង្វាន់ AFC Cup ២០២៣នេះ៕
អត្ថបទ៖ ផា រតនា
អង្គរសង្ក្រាន្តឆ្នាំនេះ នឹងរៀបចំទ្រង់ទ្រាយធំជាងឆ្នាំមុនៗ ដើម្បីទាក់ទាញទេសចរជាតិ-អន្តរជាតិ
សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក
កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់
ឃាត់ជនបរទេស២៥៨នាក់នៅខេត្តមណ្ឌលគិរី ពាក់ព័ន្ធទីតាំងអនឡាញខុសច្បាប់
ព្រឹត្តិការណ៍អង្គរសង្ក្រាន្ត ឆ្នាំនេះ នឹងរៀបចំឡើងវិញក្រោមប្រធានបទ«ញញឹមសាទរសង្ក្រាន្តឆ្នាំថ្មី»
កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់
កម្ពុជាអាចមានភ្លៀងធ្លាក់គ្របដណ្តប់លើផ្ទៃដី១០-២០% រយៈពេល៣ថ្ងៃ
កម្លាំងវិស្វកម្ម កំពុងពន្លឿនការស្ថាបនាផ្លូវក្រវាត់ព្រំដែនក្នុងភូមិសាស្រ្តស្រុកអណ្តូងមាស
សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក
ព្រះវិហារថ្មី និងសមិទ្ធផលនានា ក្នុងវត្តសុវណ្ណគិរីកេសរធ្លក ខេត្តសៀមរាប ត្រូវបានសម្ពោធដាក់ឱ្យប្រើប្រាស់ជាផ្លូវការ
-
សន្តិសុខសង្គម៦ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៦ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៦ ថ្ងៃ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង