កីឡា
គ្រូព្រះខ័នរាជស្វាយរៀងសរសើរណាហ្គាវើលដ៍ចំណុចនេះ មុនប៉ះគ្នាថ្ងៃអាទិត្យ
ក្លិបបាល់ទាត់ព្រះខ័នរាជស្វាយរៀងនឹងបើកទ្វារកីឡដ្ឋានខេត្តស្វាយរៀងទទួលក្រុមណាហ្គាវើលដ៍ វេលាម៉ោង៦ល្ងាច ថ្ងៃអាទិត្យ ទី២០ ខែសីហា ក្នុងសប្តាហ៍ទី៣នៃខេមបូឌានព្រីមៀរលីគ រដូវកាល២០២៣-២៣។
ឆ្លងកាត់២ប្រកួតក្នុងការប្រកួតខេមបូឌានព្រីមៀរលីគ ព្រះខ័នរាជស្វាយរៀងទទួលបានជ័យជម្នះទាំងពីរលើកគឺឈ្នះក្រសួងការពារជាតិដោយលទ្ធផល ០-២ នៅក្រៅដីសម្រាប់សប្តាហ៍ទី១ និងឈ្នះភ្នំពេញក្រោន ដោយលទ្ធផល ២-១ នៅផ្ទះរបស់ខ្លួនក្នុងសប្តាហ៍ទី២។
![](https://www.kampucheathmey.com/wp-content/uploads/2023/08/Army-0-2-Preah-Khan-Svay-Rieng-Cambodian-League-5.08.2023-kpt-news-12-2-1024x683.jpg)
ចំពោះណាហ្គាវើលដ៍ ទទួលបានជ័យជម្នះនៅសប្តាហ៍ទី១ និងចាញ់សប្តាហ៍ទី២ ក្នុងនោះបានឈ្នះដោយលទ្ធផល ៤-៥ លើម្ចាស់ផ្ទះខេត្តព្រៃវែង ប៉ុន្តែចាញ់ក្នុងផ្ទះរបស់ខ្លួនដោយលទ្ធផល ១-៤ ក្រោមថ្វីជើងរបស់ក្រុមភ្ញៀវវិសាខា។ ២ប្រកួតដំបូង ណាហ្គាវើលដ៍របូតគ្រាប់៨គ្រាប់។
សម្រាប់ជំនួបថ្ងៃអាទិត្យនេះគឺជាការប្រកួតក្នុងដីលើកទី២របស់ព្រះខ័នរាជស្វាយរៀង និងជាការប្រកួតក្រៅដីលើកទី២របស់ណាហ្គាវើលដ៍។ ជុំវិញការប្រកួតលោក Pep Muñoz គ្រូបង្វឹកព្រះខ័នរាជស្វាយរៀងបាននិយាយថា ក្រុមរបស់លោកបានត្រៀមខ្លួនពោរពេញដោយទំនុកចិត្តសម្រាប់ការជួបណាហ្គាវើលដ៍ដែលជាក្រុមលេងទម្រង់ការពារ និងវាយបកដ៏គ្រោះថ្នាក់។
![](https://www.kampucheathmey.com/wp-content/uploads/2023/08/KHIM-BOREY-1-1024x683.jpg)
លោកបានប្រាប់សារព័ត៌មាន«កម្ពុជាថ្មី»ថា ៖«យើងបានត្រៀមខ្លួនសម្រាប់ការប្រកួតជាមួយណាហ្គាវើលដ៍ ប្រកបដោយទំនុកចិត្តពីជ័យជម្នះដែលយើងទទួលបាន២លើកកន្លងមក។ យើងខ្ញុំពិតជាដឹងពីភាពខ្លាំងរបស់ណាហ្គាវើលដ៍»។
«គ្មានអ្វីត្រូវលាក់បាំងទេ! ណាហ្គាវើលដ៍ជាក្រុមត្រៀមខ្លួនបានយ៉ាងល្អ ជាក្រុមមានការប្រកួតប្រជែងខ្ពស់ ជាពិសេសកីឡាករល្អៗដែលពូកែលេងទម្រង់វាយបក។ យុទ្ធសាស្ត្រទាំងនេះជាអ្វីដែលណាហ្គាវើលដ៍តែងតែទទួលបានលទ្ធផលល្អ»។ លោក Pep បានលើកឡើង។
លោកបានបន្ថែមថា ៖«យើងត្រូវតែលេងឲ្យបានល្អនៅថ្ងៃអាទិត្យនេះដើម្បីទទួលបានជ័យជម្នះសម្រាប់ការប្រកួតនេះ»។
ជួបគ្នា១៣លើកគិតចាប់តាំងពីឆ្នាំ២០១៧មក ព្រះខ័នរាជស្វាយរៀងឈ្នះ៧លើក ណាហ្គាវើលដ៍ឈ្នះ៣លើក និងស្មើ៣ លើក៕
![](https://www.kampucheathmey.com/wp-content/uploads/2023/08/Army-0-2-Preah-Khan-Svay-Rieng-Cambodian-League-5.08.2023-kpt-news-1-2-1024x683.jpg)
![](https://www.kampucheathmey.com/wp-content/uploads/2023/08/NAGAWORLD-1-1024x683.jpg)
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ