កីឡា

ព្រះខ័នរាជស្វាយរៀងឈ្នះណាហ្គាវើលដ៍យ៉ាងតឹងតែង១-០

បានផុស

២ years មុន

នៅ

ថ្ងៃអាទិត្យ ២០ សីហា ២០២៣

ដោយ

ក្រុមបាល់ទាត់ព្រះខ័នរាជស្វាយរៀងរកបាន៣ពិន្ទុបន្ថែមទៀតក្នុងសប្តាហ៍ទី៣ នៃជម្រើសជើងឯក ខេមបូឌានព្រីមៀរលីគ រដូវកាល២០២៣-២៤ បន្ទាប់ពីយកឈ្នះក្រុមណាហ្គាវើលដ៍ដោយលទ្ធផល ១-០ ក្នុងផ្ទះរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតពិតជាស្វិតស្វាញខ្លាំងណាស់ដោយក្រុមម្ចាស់ផ្ទះបានដាក់សម្ពាធខ្លាំង ខណៈក្រុមភ្ញៀវការពារបានយ៉ាងរឹងមាំ។ ការប្រកួតនៅវគ្គទី១បានសម្រុកគ្នាទៅវិញទៅមក ប៉ុន្តែគ្មានគ្រាប់បាល់កើតឡើងទេ បើទោះបីជាមានឱកាសស៊ុត និងតែតជាច្រើនលើកក៏ដោយ។

នៅវគ្គទី២ ព្រះខ័នរាជស្វាយរៀងនៅតែបន្តវវាយសម្រុកយ៉ាងខ្លាំង ជាពិសេសចាប់ពីពាក់កណ្តាលវគ្គទី២ឡើងទៅ ដោយសារ ណាហ្គាវើលដ៍មានកំផែងការពាររឹងមាំណាស់។ ទាល់តែលោកគ្រូ Pep ដូរចូលកីឡាករ សួន សុវណ្ណ និងកីឡាករលេខ១៧ Bounphachan Bounkong ទើបគ្រាប់បាល់កើតមានសម្រាប់ម្ចាស់ផ្ទះ។

ខ្សែបម្រើចូលថ្មី សួន សុវណ្ណ បានលើកបាល់ពីចំណុចកណ្តាលចូលទៅតំបន់គ្រោះថ្នាក់ ហើយខ្សែប្រយុទ្ធ Marcus Haber តែតផុតដៃអ្នកចាំទី ស៊ូ យ៉ាទី ចូលទីបានសម្រេចដើម្បីនាំមុខ ១-០ នៅនាទី៨៣ដែលលទ្ធផលនេះរក្សារហូតទទួលបានជ័យជម្នះនៅចំពោះមុខអ្នកគាំទ្រផ្ទាល់ប្រមាណ ៣៤៩០នាក់។

នេះជាជ័យជម្នះ៣សប្តាហ៍ជាប់គ្នាសម្រាប់ព្រះខ័នរាជស្វាយរៀង បន្ទាប់ពីសប្តាហ៍ទី១ឈ្នះក្រសួងការពារជាតិ 0-២ និងសប្តាហ៍ទី២ឈ្នះ ភ្នំពេញក្រោន ២-១។ Marcus Haber ជាអ្នករកបានគ្រាប់បាល់ទាំងអស់ឲ្យព្រះខ័នរាជស្វាយរៀងក្នុងជ័យជម្នះទាំង៣លើកនេះ។

នៅថ្ងៃជាមួយគ្នានេះ បឹងកេត ចែកគ្នាជាមួយ ម្ចាស់ផ្ទះព្រៃវែង ១ពិន្ទុម្នាក់ បន្ទាប់ពីស្មើគ្នា ១-១៕

អត្ថបទ៖ វីរបុត្រ