កីឡា
អៀម រតនា ធ្លាប់បរាជ័យធ្វើតេស្តនៅសូលទីឡូអង្គរ តែមិនបោះបង់ក្តីស្រមៃ
កីឡាករ អៀម រតនា ត្រូវបានអ្នកគាំទ្រចាប់អារម្មណ៍ខ្លាំងក្នុងការបង្ហាញខ្លួនឲ្យក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំកំពុងប្រកួតក្នុងពានរង្វាន់ AFF U23 Championship ឆ្នាំ២០២៣ នៅប្រទេសថៃ។
ស្ថិតក្នុងវ័យ២០ឆ្នាំ រតនា ទើបតែត្រូវបានកោះហៅចូលក្រុម U23 ជាលើកដំបូង ប៉ុន្តែរូបគេបង្ហាញខ្លួនក្នុងជម្រើស១១នាក់ដំបូងនៅពេលក្រុមយុវជនកម្ពុជាបានឈ្នះព្រុយណេ ដោយលទ្ធផល ៥-០ កាលពីថ្ងៃទី១៧ ខែសីហា និងត្រូវបានដូរចូលក្នុងវគ្គទី២នៅពេលកម្ពុជាស្មើ១-១ជាមួយមីយ៉ាន់ម៉ាកាលពីថ្ងៃទី១៩ ខែសីហានៃពានរង្វាន់ AFF U23 Championship។
អ្នកគាំទ្របាល់ទាត់កម្ពុជាមួយចំនួនប្រហែលជាចង់ដឹងថាតើ យុវជនរូបនេះមានប្រភពយ៉ាងណា? លេងក្នុងតំណែងខ្សែបម្រើការពារ អៀម រតនា បានផ្តើមលេងបាល់ពីដំបូងនៅសាលាបឋមសិក្សា និងអនុវិទ្យាល័យ។ បន្ទាប់មក រូបគេបានទៅធ្វើតេស្តនៅក្លិប សូលទីឡូអង្គរ ប៉ុន្តែបានបរាជ័យ។
អៀម រតនា បានប្រាប់«កម្ពុជាថ្មី»ថា ៖«ពីដំបូងឡើយ ខ្ញុំមិនដែលគិតថា ខ្ញុំនឹងក្លាយជាកីឡាករអាជីពទេ។ ខ្ញុំគ្រាន់តែលេងបាល់តាមសាលាជាមួយមិត្តភក្តិធម្មតាប៉ុណ្ណោះ។ ឆ្នាំ២០១៩ ខ្ញុំបានទៅធ្វើតេស្តនៅសូលទីឡូអង្គរ តែខ្ញុំអត់ជាប់ទេ តែគ្រូសូលទីឡូអង្គរ ក៏បានឲ្យខ្ញុំចូលរួមហ្វឹកហាត់ជាមួយក្រុមដែរ ព្រោះគាត់ចាប់អារម្មណ៏លើសមត្ថភាពរបស់ខ្ញុំ។ លុះហាត់បានជាងកន្លះឆ្នាំ ទើបសូលទីឡូអង្គរ បានសម្រេចយកខ្ញុំមែនទែនដោយចុះកុងត្រឹមត្រូវ»។
ឆ្នាំ២០២៣ កីឡាករ អៀម រតនា បានផ្លាស់ទៅក្លិប អាយអេសអាយ ដង្គោសែនជ័យ ក្រោយ សូលទីឡូអង្គរ ត្រូវបានរំសាយចោលដោយសារវិបត្តិហិរញ្ញវត្ថុ។ រូបគេក៏បានបង្ហាញខ្លួនឲ្យអាយអេសអាយ ដង្កោសែនជ័យទាំងការប្រកួតមិត្តភាព និងប្រកួតពានរង្វាន់ត្រៀមបើករដូវកាលថ្មីកាលពីដើមឆ្នាំ២០២៣។
នៅពេលសហព័ន្ធកីឡាបាល់ទាត់កម្ពុជាបានប្រកាសជ្រើសរើសក្រុមកីឡាករអាយុក្រោម២៣ឆ្នាំត្រៀមទៅប្រកួត AFF U23 Championship នៅប្រទេសថៃ រូបគេត្រូវបានក្រុមការងារអាយអេសអាយ ដង្កោសែនជ័យបានបញ្ជូនឈ្មោះឲ្យចូលរួមធ្វើតេស្ត ហើយទីបំផុត លោក Félix Dalmás គ្រូបង្វឹកក្រុមជម្រើសជាតិកម្ពុជាបានជ្រើសរើសយករូបគេក្នុងចំណោមកីឡាករ២៣នាក់ចុងក្រោយ។
អៀម រតនា បានប្រាប់ថា ៖«ខ្ញុំមានអារម្មណ៍រំភើបណាស់ នៅពេលបានជាប់ឈ្នោះក្នុងបញ្ជីកីឡាករជម្រើសជាតិកម្ពុជាអាយុក្រោម២៣ឆ្នាំ។ នេះជាលើកដំបូងរបស់ខ្ញុំដែលបានជាប់ឈ្មោះក្នុងឈុតU23។ ខ្ញុំនឹងខំប្រឹងពង្រឹងសមត្ថភាពបន្ថែមទៀតដើម្បីឲ្យរីកចម្រើន និងអាចមានឱកាសជាប់ក្នុងឈុតធំទៀត»៕
អត្ថបទ៖ ផា រតនា
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ផ្លូវហ្សាលឌឺហ្គោល (ផ្លូវ២១៧) នឹងត្រូវរៀបចំសណ្តាប់ធ្នាប់ រួមជាមួយផ្លាស់ប្តូរការ៉ូឡាថ្មី ដើម្បីយកធ្វើជាផ្លូវគំរូ
លោកជំទាវ ហ៊ុន ម៉ាណា ប្រគល់អគារទីចាត់ការ អគារបណ្ណាល័យ បន្ទប់ទឹក និងផ្ដល់អាហារ១ពេលដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
ករណីមានវិវាទជាមួយ ប.ស.ស.មិនអាចដោះស្រាយបាន ពលរដ្ឋអាចដាក់ពាក្យប្តឹងទៅកាន់និយ័តករសន្តិសុខសង្គម
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់