កីឡា

Gary Neville ថា ថ្នាក់ដឹកនាំ Man Utd អសមត្ថភាពលើករណីកីឡាករ Greenwood

បានផុស

១ year មុន

នៅ

ថ្ងៃអង្គារ ២២ សីហា ២០២៣

ដោយ

លោក Gary Neville អតីតខ្សែការពាររបស់ក្លិបបិសាចក្រហម Manchester United បានរិះគន់ការបកស្រាយរបស់ក្លិប Manchester United ជុំវិញករណីកីឡាករ Mason Greenwood គឺពិតជាអន់ និងជាថ្នាក់ដឹកនាំអសមត្ថភាព។

ខ្សែប្រយុទ្ធវ័យ២១ឆ្នាំ កីឡាករ Greenwood នឹងចាកចេញពីក្លិបតាមកិច្ចព្រមព្រៀង បន្ទាប់ពីការស៊ើបអង្កេតផ្ទៃក្នុងរយៈពេល៦ខែ។ វាបានកើតឡើង បន្ទាប់ពីមានការចោទប្រកាន់លើកីឡាករលើករណីប៉ុនប៉ងរំលោភកាលពីខែកុម្ភៈ។ ក្រោយពីមានករណីនេះកើតឡើងវាច្បាស់ណាស់ចាប់ពីថ្ងៃដំបូងគឺ Mason Greenwood នឹងមិនលេងឱ្យ Manchester United ម្តងទៀតទេ។ បើតាមសម្ដីរបស់អតីតខ្សែការពារ Neville។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Greenwood ត្រូវបានចាប់ខ្លួនក្នុងខែមករា ឆ្នាំ២០២២ បន្ទាប់ពីរង់ការចោទប្រកាន់លើករណីប៉ុនប៉ងរំលោភ។ ក្នុងសេចក្តីថ្លែងការណ៍មួយ Greenwood បានទទួលស្គាល់ថា ខ្លួនមានកំហុសមែន ប៉ុន្តែរូបគេបញ្ជាក់ថា៖«ខ្ញុំមិនបានធ្វើអ្វីដូចដែលគេបានចោទប្រកាន់ខ្ញុំទេ»។

ក្លិប Manchester United បានចេញសេចក្តីថ្លែងការណ៍ថា ៖«ផ្អែកលើភស្តុតាងដែលមាន យើងបានសន្និដ្ឋានថា ភស្តុតាងត្រូវបានបង្ហោះតាមអ៉ីនធឺណិតមិនផ្តល់រូបភាពពេញលេញទេ ហើយបានបញ្ជាក់ថា Mason Greenwood មិនបានប្រព្រឹត្តបទល្មើសដូចការចោទប្រកាន់ពីដំបូងឡើយ»។

ការប្រកាសលទ្ធផលនៃការស៊ើបអង្កេតត្រូវបានរំពឹងទុកមុនពេលការប្រកួតបើកឆាកក្នុងក្របខណ្ឌ Premier League របស់ក្លិប Manchester United ទល់នឹង Wolves នៅថ្ងៃទី១៤ ខែសីហា ប៉ុន្តែត្រូវបានពន្យារពេលវិញ ដោយមានការជជែកវែកញែកយ៉ាងខ្លាំងអំពីសក្តានុពលរបស់ Greenwood ក្នុងការវិលមកកាន់ទឹកដី Old Trafford។

Manchester United បាននិយាយថា ពួកគេចង់ពិគ្រោះជាមួយក្រុមបាល់ទាត់នារីរបស់ខ្លួន និងកីឡាការិនីរបស់ខ្លួនដែលបានជាប់ឈ្មោះក្នុងក្រុមជម្រើសជាតិអង់គ្លេសក្នុងការប្រកួត World Cup នារីនៅប្រទេសអូស្ត្រាលី មុនពេលប្រកាសការសម្រេចចិត្តអំពីអនាគតរបស់ Greenwood។ អ្នកគាំទ្រនារីបានប្រឆាំងនឹងការត្រលប់មកវិញរបស់ Greenwood ដោយបានដាក់ចេញនូវញត្តិដ៏វែងមួយដោយលើកឡើងថា ប្រសិនបើការវិលត្រឡប់របស់កីឡាករ Greenwood កើតមានមែននោះគឺជាការបង្ហាញពីការមិនឲ្យតម្លៃស្ត្រី។

ដោយសារដំណោះស្រាយរបស់ក្លិប Manchester United លើករណីរបស់កីឡាករ Greenwood ហាក់មិនច្បាស់លាស់ និងគ្មានចំណាត់ការណាមួយពិតប្រាកដ ទើបធ្វើឲ្យអតីតខ្សែការពារក្លិប Manchester United កីឡាករ Gary Neville បានរិះគន់ធ្ងន់ៗចំពោះថ្នាក់ដឹកនាំក្លិបដែលអសមត្ថភាពក្នុងការដោះស្រាយលើករណីមួយនេះ៕

ប្រែសម្រួល៖ ផា រតនា
ប្រភព៖ BBC

Related Topics:កីឡាបាល់ទាត់អន្តរជាតិ