កីឡា
ដំណឹងរីករាយ ប៉ឺត សង្ឃឹម ជិតវិលមកកាន់សង្វៀនវិញហើយ
ម្ចាស់មេដាយមាសស៊ីហ្គេម២សម័យកាល ប៉ឺត សង្ឃឹម បានប្រាប់ពីពេលវេលាដែលអាចវិលត្រឡប់មកកាន់សង្វៀនវិញ បន្ទាប់ពីសម្រាកព្យាបាលរបួសសរសៃជង្គង់អស់រយៈពេលជាង៣ខែ។
ប៉ឺត សង្ឃឹម បានរងរបួសសរសៃជង្គង់តាំងពីការប្រកួតផ្សេងៗមុនកីឡាស៊ីហ្គេម ប៉ុន្តែអាការកាន់តែធ្ងន់នៅពេលប្រកួតកីឡាឃីកបុកស៊ីងក្នុងកីឡាស៊ីហ្គេម ដោយសារត្រូវប្រកួតច្រើនលើកក្នុងរយៈពេលមួយដ៏ខ្លី។ បន្ទាប់ពីចប់កីឡាស៊ីហ្គេម រូបគេពិនិត្យឃើញមានបញ្ហាដាច់សរសៃជង្គង់ដែលត្រូវការពារព្យាបាលរយៈពេលយូរ។
ប៉ឺត សង្ឃឹម បានប្រាប់«កម្ពុជាថ្មី»ថា ៖«របួសសរសៃជង្គង់ ឥឡូវនេះធូរច្រើនស្ទើរ៨០ទៅ៩០%ហើយ។ គ្រាន់តែនៅស្រៀវអីតិចតូច ប៉ុន្តែលែងឈឺចាប់។ ខ្ញុំបានចាប់ផ្តើមហ្វឹកហាត់ឡើងវិញគឺអត់បញ្ហាអ្វីទេ។ ខ្ញុំអាចទាត់បាវសាក់ ទាត់ស៊ីបធម្មតាវិញពេញទំហឹង ប៉ុន្តែគ្រាន់តែមុនហាត់គឺត្រូវកម្តៅសាច់ដុំឲ្យសរសៃដើរស្រួល ឡើងក្តៅទើបអាចហាត់បានពេញលេញ»។
នៅពេលកើតមានរបួសធ្ងន់ធ្ងរពីដំបូងបានធ្វើឲ្យ ប៉ឺត សង្ឃឹម បានរងសម្ពាធផ្លូវចិត្ត និងបាក់ទឹកចិត្តខ្លះដែរដោយសារបារម្ភបាត់បង់អាជីពដែលកំពុងទទួលបានជោគជ័យទាំងជាតិ និងផ្ទាល់ខ្លួន។ «ពេលមានរបួស ពីដំបូងធ្វើឲ្យមានសម្ពាធដែរ ពីព្រោះរបួសចំសរសៃសំខាន់ ខ្លាចធ្វើឲ្យបាត់បង់អាជីព។ ពេលខ្លះធ្វើឲ្យខ្ញុំបាក់ទឹកចិត្តដែរ តែពេលបានជួបគ្រូពេទ្យ និងធ្វើតាមការណែនាំរបស់គ្រូពេទ្យធ្វើឲ្យធូរស្រាលពីមួយថ្ងៃទៅមួយថ្ងៃ។ ខ្ញុំក៏ចាប់ផ្តើមសប្បាយចិត្តឡើងវិញ»។
ប៉ឺត សង្ឃឹម បានប្រាប់ពីមូលហេតុដែលការព្យាបាលមិនត្រូវការវះកាត់ថា ពីដំបូង គ្រូពេទ្យមិនទាន់តម្រូវឲ្យវះកាត់ទេគឺសាកល្បងព្យាបាលបែបលំហាត់ប្រាណសាច់ដុំជាមុន។ ប្រសិនទទួលបានផលល្អគឺមិនចាំបាច់វះកាត់ ប៉ុន្តែប្រសិនរយៈពេលពីរបីខែមិនមានផលល្អទើបអាចឈានដល់វគ្គវះកាត់។
«ពេលធ្វើលំហាត់សាច់ដុំមួយរយៈពេល សាច់ដុំអត់ស្វិត សាច់ដុំនៅដំណើរការ។ អីចឹងព្យាបាលតាមលំហាត់ប្រាណសាច់ដុំពីមួយថ្ងៃទៅមួយថ្ងៃ កាន់តែល្អប្រសើរ ហើយបាត់ឈឺ»។ ប៉ឺត សង្ឃឹម បានបញ្ជាក់។
កីឡាករល្អក្បាច់រូបនេះបាននិយាយថា ក្នុងរយៈពេលសម្រាកព្យាបាលប៉ុន្មានខែកន្លងទៅ រូបគេពិតជាចង់ឡើងប្រកួតខ្លាំង ពីព្រោះក្នុងនាមជាកីឡាករគឺតែងតែចង់ប្រកួត។ ជាពិសេសអ្វីដែលខ្លួនបានប្រឹងប្រែង និងលទ្ធផលទទួលបានរហូតដល់ពេលនេះគឺអាចចាត់ទុកជោគជ័យកម្រិតធំ ដូច្នេះមិនចង់ឲ្យបាត់បង់ទេ។ ម្យ៉ាងវិញទៀត ការប្រកួតទទួលបានតម្លៃខ្លួនខ្ពស់ ស្របពេលខ្លួនកំពុងល្អ ទីផ្សារប្រកួតកំពុងត្រូវប៉ាន់។
ប៉ឺត សង្ឃឹម បានប្រាប់ថា ៖«ក្នុងរយៈពេលដ៏ខ្លីខាងមុខ ខ្ញុំនឹងត្រឡប់ទៅកាន់សង្វៀនវិញ ពីព្រោះឥឡូវនេះ ខ្ញុំចាប់ផ្តើមហ្វឹកហាត់ប្រហែលជាពីរសប្តាហ៍ហើយ។ ការចាប់ផ្តើមហ្វឹកហាត់វិញ ពីដំបូងអន់ស៊ុហ្វដែរ តែពេលហាត់បន្តិចៗម្តង ខ្ញុំគិតថា មិនយូរទេ ខ្ញុំនឹងទទួលការប្រកួតវិញ។ ប្រហែលជាអាចចុងខែកញ្ញា ឬដើមខែតុលា»។
ម្ចាស់មេដាយមាសស៊ីហ្គេម២សម័យកាលរូបនេះបានបញ្ជាក់ថា ដោយសារសម្រាករយៈពេលជាង៣ខែ ដូច្នេះត្រូវការពេលវេលាខ្ទង់មួយខែ ឬយ៉ាងយូរពីរខែទៀតដើម្បីហ្វឹកហាត់ឲ្យកម្លាំងស៊ុហ្វពេញលេញ និងកាយសម្បទាមាំមួនដូចដើម។
កីឡាករគុនខ្មែរ ប៉ឺត សង្ឃឹម មិនទាន់ស្គាល់ពាក្យបរាជ័យឡើងក្នុងការឡើងសង្វៀនប្រហែលជាពីរឆ្នាំចុងក្រោយនេះ និងអាចចាត់ទុកជាកីឡាករទទួលបានជោគជ័យបំផុត។ រូបគេបានឈ្នះមេដាយមាសស៊ីហ្គេម២រដូវកាលជាប់គ្នាគឺឆ្នាំ២០២១ និងឆ្នាំ២០២៣ ព្រមទាំងបានឈ្នះខ្សែក្រវាត់គុនខ្មែរ IPCC Kun Khmer៕
អត្ថបទ៖ វីរបុត្រ
ក្រសួងការងារ ដំណើរការ App ២ ផ្តោតលើកម្មវិធីបណ្តុះបណ្តាលបច្ចេកទេស និងវិជ្ជាជីវៈ ដល់គ្រួសារក្រីក្រ
តារាចម្រៀង ស៊ិន សុភ័ក្រ្ត ស្ងាត់ៗបង្ហាញមុខនារីដ៏ស្រស់ស្អាតម្នាក់ ថែមទាំងអះអាងថាជាគូដណ្តឹង
ផ្លូវក្រាលកៅស៊ូមួយខ្សែប្រវែងជាង ៥ គីឡូម៉ែត្រ នៅស្រុកបាធាយ ត្រៀមសម្ពោធដាក់ឲ្យប្រើប្រាស់នៅខែមីនានេះ
តបតាមការសួររក! សេន រ៉ានុត និពន្ធនិងច្រៀងបទ «លោកពុក» ផ្ញើជូនសម្តេចតេជោ
យោធាមីយ៉ាន់ម៉ា បន្តដាក់ប្រទេសក្នុងគ្រាអាសន្នរយៈពេលប្រាំមួយខែទៀត
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
ឆេះហាងកាហ្វេ ១ កន្លែង ដែលម្ចាស់បិទទ្វារចោលប្រមាណ ៣ ឆ្នាំ ដោយមិនដឹងមូលហេតុ
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ១ សប្តាហ៍ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៩ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ២២ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»