កីឡា

ក្រុមបាល់ទះជប៉ុន និង អ៊ីរ៉ង់ ឡើងវគ្គពាក់កណ្តាលផ្តាច់ព្រ័ត្រមុនគេជើងឯកអាស៊ី

បានផុស

១ year មុន

នៅ

ថ្ងៃព្រហស្បតិ៍ ២៤ សីហា ២០២៣

ដោយ

ក្រុមបាល់ទះជម្រើសជាតិជប៉ុន និងម្ចាស់ផ្ទះអ៉ីរ៉ង់ បានឡើងទៅដល់វគ្គពាក់កណ្តាលផ្តាច់ព្រ័ត្រមុនគេក្នុងការប្រកួតបាល់ទះជើងឯកអាស៊ី ឆ្នាំ២០២៣ បន្ទាប់ពីគ្មានដៃគូប្រកួតនៅវគ្គ៨ក្រុមចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតបាល់ទះជើងឯកអាស៊ី ឆ្នាំ២០២៣មានក្រុមដែលជាប់វគ្គជម្រុះចំនួន២១ ប៉ុន្តែនៅសល់តែ១៧ក្រុមប៉ុណ្ណោះបានចូលរួមប្រកួត ពីព្រោះ អូស្ត្រាលី អារ៉ាប៊ីសាអ៊ូឌីត ស្រីលង្កា និងម៉ុងហ្គោលី បានដកខ្លួន។

ការបែងចែកពូលខ្លះមាន៣ក្រុម ហើយពូលខ្លះមាន២ក្រុមប៉ុណ្ណោះ ខណៈការប្រកួតសន្សំពិន្ទុក្នុងពូលទាំង៦ត្រូវជ្រើសរើសយកក្រុមលេខ១ និងលេខ២ឡើងវគ្គបន្ត។ ការជ្រើសរើសយកក្រុមលេខ១ និងលេខ២ ពីពូលទាំង៦ ដូច្នេះមាន១២ឡើងវគ្គបន្តដើម្បីប្រកួតឡើងទៅកាន់វគ្គ៨ក្រុមចុងក្រោយ។

បែបនេះហើយបានជាក្រុមម្ចាស់ផ្ទះ អ៉ីរ៉ង់ និង ជប៉ុន បានឡើងទៅកាន់វគ្គពាក់កណ្តាលផ្តាច់ព្រ័ត្រមុនគេដោយសារមិនចាំបាច់ឆ្លងកាត់ការប្រកួតវគ្គ៨ក្រុមចុងក្រោយ បន្ទាប់ពីអ៉ីរ៉ង់ឈ្នះប៉ាគីស្ថាន ៣-០ ហើយជប៉ុនឈ្នះបារ៉ែន ៣-០ នៅវគ្គ១២ក្រុមចុងក្រោយ។

ថៃ ចាញ់ កាតារ ៣-០ នៅវគ្គ១២ក្រុមចុងក្រោយ ខណៈចិនបានឈ្នះឥណ្ឌាទាំងលំបាក ៣-២ នៅវគ្គ១២ក្រុមចុងក្រោយដែរ។ ដោយឡែក កូរ៉េខាងត្បូងក៏បានឡើងវគ្គ៨ក្រុមចុងក្រោយដែរ ក្រោយឈ្នះម្ចាស់មេដាយមាសស៊ីហ្គេម ឥណ្ឌូណេស៊ី យ៉ាងតឹងតែង ៣-២។

ការប្រកួតវគ្គ៨ក្រុមចុងក្រោយ ថ្ងៃទី២៤ ខែសីហានេះ

ចិន vs កូរ៉េខាងត្បូង សម្រាប់ក្រុមឈ្នះ បន្តទៅជួប អ៉ីរ៉ុង វគ្គពាក់កណ្តាលផ្តាច់ព្រ័ត្រ
ឆាយនីសតៃប៊ិ vs កាតារ សម្រាប់ក្រុមឈ្នះ បន្តទៅជួប ជប៉ុន វគ្គពាក់កណ្តាលផ្តាច់ព្រ័ត្រ