កីឡា

ម្ចាស់ជើងឯកឆ្នាំចាស់ អ៊ីរ៉ង់ ប៉ះ ស្តេចបាល់ទះអាស៊ីជប៉ុន វគ្គផ្តាច់ព្រ័ត្រជើងឯកបាល់ទះអាស៊ី

បានផុស

២ years មុន

នៅ

ថ្ងៃសៅរ៍ ២៦ សីហា ២០២៣

ដោយ

ទីបំផុត ម្ចាស់ការពារតំណែងជើងឯកឆ្នាំចាស់ អ៉ីរ៉ង់ ត្រូវប៉ះអធិរាជបាល់ទះប្រចាំតំបន់អាស៊ីគឺ ជប៉ុន នៅវគ្គផ្តាច់ព្រ័ត្រក្នុងការប្រកួតបាល់ទះជើងឯកអាស៊ី លើកទី២២ ឆ្នាំ២០២៣ បន្ទាប់ពីទទួលបានជ័យជម្នះរៀងៗខ្លួននៅវគ្គពាក់កណ្តាលផ្តាច់ព្រ័ត្រកាលពីល្ងាចមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអធិរាជបាល់ទះប្រចាំតំបន់អាស៊ី ជប៉ុន ត្រូវបានក្រុមបាល់ទះកាតារបើកការនាំមុខសិតទី១ដោយពិន្ទុ ២២-២៥ ប៉ុន្តែជប៉ុនបានវាយបក៣សិតវិញ (២៥-១៨, ២៥-១៥ និង ២៨-២៦)ដើម្បីទទួលបានជ័យជម្នះដោយលទ្ធផល ៣-១ ដើម្បីឡើងទៅកាន់វគ្គផ្តាច់ព្រ័ត្រ។

ចំណែកម្ចាស់ផ្ទះអ៉ីរ៉ង់ធ្វើបានយ៉ាងល្អឥតខ្ចោះដោយបានលត់ក្រុមជម្រើសជាតិចិនដោយលទ្ធផល ៣-០ គឺ ២៥-២០, ២៥-២៣ និង ២៥-២៣ ដើម្បីបោះជំហានទៅកាន់វគ្គផ្តាច់ព្រ័ត្រ។

ការប្រកួតវគ្គផ្តាច់ព្រ័ត្រ រវាង អ៉ីរ៉ង់ និង ជប៉ុន ត្រូវធ្វើនៅយប់ថ្ងៃសៅរ៍ ទី២៦ ខែសីហានេះ។

កំណត់ត្រាក្នុងការប្រកួតបាល់ទះជើងឯកអាស៊ីនេះ ជប៉ុន ធ្លាប់ឈ្នះជើងឯក៩សម័យកាលគឺច្រើនជាងគេបំផុតក្នុងប្រវត្តិសាស្ត្រ ខណៈអ៉ីរ៉ង់ ធ្លាប់ឈ្នះជើងឯកបាន៤ដង ស្មើគ្នានឹងកូរ៉េខាងត្បូងដែរ ប៉ុន្តែកូរ៉េខាងត្បូងនៅឆ្នាំ២០២៣នេះទទួលបានត្រឹមចំណាត់ថ្នាក់លេខ៥ប៉ុណ្ណោះដោយមិនបានដល់វគ្គពាក់កណ្តាលផ្តាច់ព្រ័ត្រទេ៕