កីឡា

កម្ពុជាឈុតធំមាន សៀង ចន្ធា, ចន្ទាកា តែអត់ មុន្នីឧត្តម, សារ៉េត គ្រីយ៉ា..

បានផុស

១ year មុន

នៅ

ថ្ងៃអង្គារ ២៩ សីហា ២០២៣

ដោយ

សហព័ន្ធកីឡាបាល់ទាត់កម្ពុជាបានចេញបញ្ជីឈ្មោះត្រៀមប្រកួតមិត្តភាពអន្តរជាតិចំនួន២គូនាដើមខែកញ្ញាខាងមុខនេះហើយដោយមានកីឡាករថ្មីមួយចំនួនត្រូវបានកោះហៅចូលជម្រើសជាតិ ប៉ុន្តែកីឡាកររៀមច្បងខ្លះដែលកំពុងបង្ហាញខ្លួនក្នុងលីគកំពូលកម្ពុជាញឹកញាប់មិនបានជាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែប្រយុទ្ធវ័យក្មេងលេខ៩របស់ក្លិបលីគទី២កាតារ សៀង ចន្ធា ខ្សែបម្រើប្រយុទ្ធកំពុងឡើងជើងរបស់បឹងកេត ចន្ធា ចន្ទាការ ខ្សែប្រយុទ្ធរបស់បឹងកេត ឃាន់ សុប៉ិន ខ្សែបម្រើភ្នំពេញក្រោន ផាច់ សុជាវីឡា និងខ្សែប្រយុទ្ធវិសាខា រ៉ឹង ប៊ុនហៀង ត្រូវបានកោះហៅចូលក្នុងបញ្ជី។ យ៉ាងណា ខ្សែប្រយុទ្ធ រ៉ឹង ប៊ុនហៀង មិនសូវបានបង្ហាញខ្លួនញឹកញាប់ទេក្នុងការប្រកួតលីគកំពូលកម្ពុជា៤សប្តាហ៍កន្លងទៅ។

អ្វីដែលគួរឲ្យចាប់អារម្មណ៍នោះ ខ្សែប្រយុទ្ធលេខ៧ ប្រាក់ មុន្នីឧត្តម និងខ្សែការពារ សារ៉េត គ្រីយ៉ា មិនត្រូវបានកោះហៅចូលជម្រើសជាតិទេលើកនេះ។ នៅដើមរដូវកាល៤សប្តាហ៍កន្លងទៅ កីឡាករទាំងពីរតែងតែបង្ហាញខ្លួនឲ្យព្រះខ័នរាជស្វាយរៀងនៅជម្រើស១១នាក់ដំបូងរហូត។

កីឡាកររបស់ព្រះខ័នរាជស្វាយរៀងដែលត្រូវបានកោះហៅគឺ គួច ដានី, សឿយ វិសាល និង Nick Taylor។ ខណៈសមាជិកបឹងកេតត្រូវបានកោះហៅច្រើនដូចជា វ៉ាន់ តៃឡាម៉ី, ជា វេសលី, ចាន់ វឌ្ឍនាកា, ចន្ធា ចន្ទាកា, ឃាន់ សុប៉ិន និងកាន់ ពិសាល។ កីឡាកររបស់ណាហ្គាវើលដ៍មាន២រូបគឺ គួច សុកុម្ភៈ និង ឈង់ ប៊ុនណាត ខណៈភ្នំពេញក្រោនមាន អ៊ន ចាន់ប៉ូលីន, លឹម ពិសុទ្ធ, យ៉ើ មូស្លីម, ផាច សុជាវីឡា, ជូន ចាន់ចាវ។

ចំពោះក្លិបបាល់ទាត់វិសាខាក៏មានកីឡាករច្រើនត្រូវបានកោះហៅដែរគឺ ហ៊ុល គឹមហ៊ុយ, អ៉ិន សុដាវីត, អ៊ុក សុវណ្ណ, ស៊ិន សុផាណាត និង កែវ សុខសិលា, រ៉ឹង ប៊ុនហៀង និង ស៊ិន កក្កដា។