កីឡា

កំណត់ត្រាល្អបំផុតរបស់ លោក Koji មុនពេលដឹកនាំU23កម្ពុជាក្នុងពាន AFC U23

បានផុស

២ years មុន

នៅ

ថ្ងៃពុធ ៣០ សីហា ២០២៣

ដោយ

ក្រុមបាល់ទាត់ជម្រើសជាតិកម្ពុជាអាយុក្រោម១៩ឆ្នាំ (U19) បានបង្កើតកំណត់ត្រាជាប្រវត្តិសាស្ត្រលើកដំបូងរបស់ខ្លួនក្នុងការឡើងទៅកាន់ជុំផ្តាច់ព្រ័ត្រជើងឯកយុវជនអាស៊ី AFC U-20 Asian Cup កាលពីឆ្នាំ២០១៩ ក្រោមការដឹកនាំរបស់គ្រូបង្វឹកជនជាតិជប៉ុន លោក Koji Gyotoku។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម U19 កម្ពុជាស្ថិតក្នុងពូល G សម្រាប់ការប្រកួតវគ្គជម្រុះក្នុងពូលពីថ្ងៃទី២ ដល់ទី១០ ខែវិច្ឆិកា ឆ្នាំ២០១៩ នៅលើទីលានពហុកីឡដ្ឋានជាតិ អូឡាំពិក ព្រះរាជាណាចក្រកម្ពុជាដើម្បីយកក្រុមលេខ១ និងលេខ២ក្នុងពូលធ្វើដំណើរទៅជុំផ្តាច់ព្រ័ត្រ AFC U-20 Asian Cup ឆ្នាំ២០២០ ដែលប្រទេសអ៊ូបេគីស្ថានធ្វើជាម្ចាស់ផ្ទះ។

ក្រោមការដឹកនាំរបស់លោក Koji Gyotoku ក្រុម U19 កម្ពុជាធ្វើបានយ៉ាងល្អដោយឆ្លងកាត់ការប្រកួត៤លើកក្នុងពូលគឺឈ្នះ៣ និងចាញ់១។ ចាប់ផ្តើមការប្រកួតទី១ចាញ់ U19 ម៉ាឡេស៊ី ដោយលទ្ធផល ៤-៥។ គ្រាប់បាល់ទាំង៤របស់កម្ពុជារកបានដោយកីឡាករ មិត្ត សាម៉ើយ, ជា សុខម៉េង, រី លាភផេង និង សឿត ណាវ៉ា។

ប្រកួតទី២ ក្រុមកម្ពុជាបានឈ្នះកោះ Norther Mariana ដោយលទ្ធផល ៩-០។ គ្រាប់បាល់រកបានដោយកីឡាករ ធី លៀង ២គ្រាប់, មិត្ត សាម៉ើត ១គ្រាប់, លឹម ពិសុទ្ធ ២គ្រាប់, វុត តុលា ១គ្រាប់ និង សៀង ចន្ធា ៣គ្រាប់។

ប្រកួតទី៣ ក្រុមកម្ពុជាឈ្នះថៃ ដោយលទ្ធផល ២-១។ ២គ្រាប់របស់កម្ពុជារកបានដោយកីឡាករ មិត្ត សាម៉ើយ និង សៀង ចន្ធា ហើយការប្រកួតចុងក្រោយឈ្នះ ព្រុយណេ ៣-០ ដែលគ្រាប់បាល់រកបានដោយ លឹម ពិសុទ្ធ, កែវ ឧត្តម និង មិន រតនៈ។

ចប់វគ្គសន្សំពិន្ទុក្នុងពូល ក្រុមយុវជនកម្ពុជារកបាន៩ពិន្ទុ ឈរនៅចំណាត់ថ្នាក់លេខ២បានកៅអីឡើងទៅជុំផ្តាច់ព្រ័ត្រ ខណៈលេខ១បានទៅក្រុម U19 ម៉ាឡេស៊ី ដែលឈ្នះទាំង៤ប្រកួត ប៉ុន្តែដោយសារវិបត្តិកូវីដ-១៩ ម្ចាស់ផ្ទះអ៊ូបេគីស្ថានបានលុបចោលការប្រកួតព្រឹត្តិការណ៍ លើកទី៤១ ឆ្នាំ២០២០។

តារាងពិន្ទុក្នុងពូល G កាលពីឆ្នាំ២០១៩

លេខ១៖ ម៉ាឡេស៊ី ឈ្នះទាំង៤ មាន១២ពិន្ទុ
លេខ២៖ កម្ពុជា ៤ប្រកួត ឈ្នះ៣ និងចាញ់១ មាន៩ពិន្ទុ
លេខ៣៖ ថៃ ៤ប្រកួត ឈ្នះ២ ចាញ់២ មាន៦ពិន្ទុ
លេខ៤៖ ព្រុយណេ ៤ប្រកួត ឈ្នះ១ ចាញ់៣ មាន៣ពិន្ទុ
លេខ៥៖ កោះ Norther Mariana ៤ប្រកួត ចាញ់ទាំង៤ មានសូន្យពិន្ទុ

ពេលនេះ Koji Gyotoku ត្រូវបានប្រគល់ភារកិច្ចដឹកនាំក្រុម U23 កម្ពុជាសម្រាប់ការប្រកួតវគ្គជម្រុះក្នុងពូល AFC U23 Asian Cup ឆ្នាំ២០២៤។ ក្រុមយុវជនកម្ពុជាស្ថិតនៅពូល J ដែលមានម្ចាស់ផ្ទញអារ៉ាប៊ីសាអ៊ូឌីត លីបង់ និងម៉ុងហ្គោលី។

កម្មវិធីប្រកួត