កីឡា

ផល សោភ័ណ្ឌ ក្លាយជាប៉ូលិសតាមក្តីស្រមៃរបស់ខ្លួន

បានផុស

២ years មុន

នៅ

ថ្ងៃចន្ទ ៤ កញ្ញា ២០២៣

ដោយ

កីឡាករប្រដាល់គុនខ្មែរ ផល សោភ័ណ្ឌ បានចូលក្របខណ្ឌរដ្ឋជាប៉ូលិសនៅក្រសួងមហាផ្ទៃតាមបំណងប្រាថ្នាច្រើនឆ្នាំមកហើយ បន្ទាប់ពីរូបគេបានខិតខំប្រឹងប្រែងក្នុងអាជីពប្រដាល់អស់រយៈពេលប្រមាណ១០ឆ្នាំកន្លងមក។

ផល សោភ័ណ្ឌ បានចាត់ទុកការទទួលបានក្របខណ្ឌរដ្ឋជាប៉ូលិសនៅក្រសួងមហាផ្ទៃនេះគឺជាក្តីស្រមៃក្លាយជាការពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាកររបស់ក្លិបតាឡីដំរីមានរិទ្ធបាននិយាយថា ៖«ក្តីស្រមៃខ្ញុំច្រើនឆ្នាំបានក្លាយជាការពិត។ អរគុណកីឡាប្រដាល់ អរគុណដល់ ក្លិបប្រដាល់តាឡីដំរីមានរឹទ្ធធ្វើឲ្យខ្ញុំមានថ្ងៃនេះ.! ជាពិសេសអរគុណអ្នកគាំទ្ររបស់ខ្ញុំ»។

ផល សោភ័ណ្ឌ ដែលជាអតីតកីឡាករប្រដាល់សកលជម្រើសជាតិកម្ពុជាជាអ្នកលេងគុនខ្មែរមួយរូបដែលរក្សាសមត្ថភាពបានល្អយូរអង្វែង។ រហូតដល់ ឆ្នាំ២០២៣នេះរូបគេកំពុងគ្រប់គ្រងខ្សែក្រវាត់៥គ្រឿងគឺខ្សែក្រវាត់គុនខ្មែរអន្តរជាតិ IPCC, ខ្សែក្រវាត់អន្តរជាតិខារ៉ាបាវ២គ្រឿង, ខ្សែក្រវាត់ស្រាបៀរកម្ពុជា និងថ្មីបំផុតខ្សែក្រវាត់គ្រុឌអន្តរជាតិ។

បច្ចុប្បន្ននេះ មានកីឡាករ កីឡាការិនីប្រដាល់គុនខ្មែរ និងឃីកបុកស៊ីងជាច្រើនរូបទទួលបានក្របខណ្ឌរដ្ឋក្លាយជាប៉ូលិស និងទាហានតាមរយៈអាជីពប្រដាល់។ នេះជាផ្នែកមួយដ៏សំខាន់ដែលជួយឲ្យពួកគេទទួលបានចំណូលសម្រាប់ចិញ្ចឹមគ្រួសារនៅពេលឡើងប្រកួតលែងកើត៕