កីឡា

ក្រុម Al Shahaniya របស់ សៀង ចន្ធា កំពុងឈរលេខ១ពូល A ពាន Qatar FA Cup

បានផុស

១ year មុន

នៅ

ថ្ងៃចន្ទ ៤ កញ្ញា ២០២៣

ដោយ

ក្រុមបាល់ទាត់ Al Shahaniya ដែលជាទ្រនំថ្មីរបស់កីឡាករបាល់ទាត់កម្ពុជា សៀង ចន្ធា កំពុងឈរលេខ១ក្នុងពូលនៃពានរង្វាន់ Qatar FA Cup បន្ទាប់ពីការប្រកួតបើកឆាកសន្សំពិន្ទុ កាលពីថ្ងៃអាទិត្យ ទី៣ ខែកញ្ញា ឆ្នាំ២០២៣ ទទួលបានជ័យជម្នះលើក្រុម Muaither ដោយលទ្ធផល ៧-០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតសន្សំពិន្ទុលើកទី១កាលពីថ្ងៃទី៣ ខែកញ្ញា ឆ្នាំ២០២៣ ក្រុម Al Shahaniya ដែលមកពីលីគកាតារលំដាប់ទី២បានយកឈ្នះលើក្រុមមកពីលីគកំពូលកាតារ Mesaimeer ដោយលទ្ធផល ៧-០។ ក្នុងចំណោមគ្រាប់ទាំង៧គ្រាប់នេះកីឡាករកម្ពុជា សៀង ចន្ធា រកបាន១គ្រាប់ បន្ទាប់ពីដូរចូលក្នុងវគ្គទី២។

សៀង ចន្ធា ជាកីឡាករកម្ពុជាទី១ទៅលេងនៅលីគទី២របស់ប្រទេសកាតារ និងក្លាយជាកីឡាករកម្ពុជាដំបូងគេបង្អស់រកបានគ្រាប់បាល់នៅប្រទេសកាតារ។

នៅពូលជាមួយគ្នានេះ ក្រុម Mesaimeer បានយកឈ្នះលើក្រុម Al Wakra ដោយលទ្ធផល ៤-១ ដូច្នេះក្រុម Al Shahaniya មាន៣ពិន្ទុ កំពុងឈរលើកំពូលតារាងពូល A។

ជាមួយគ្នានេះនៅពូល B ក្រុម Al Kharaityat ស្ថិតនៅលេខ១ និង Qatar SC ស្ថិតនៅលេខ២ដោយមាន៣ពិន្ទុស្មើគ្នា ខណៈក្រុម Al Waab លេខ៣ និងក្រុម Al Arabi ស្ថិតនៅលេខ៤។

ពានរង្ចាន់ Qatar FA Cup ឆ្នាំ២០២៣-២៤នេះមានក្រុមចំនួន២០ដែលមកពីលីគបាល់ទាត់កំពូល និងលីគលំដាប់ទី២របស់ប្រទេសកត្តារចូលរួមប្រកួត។ ការប្រកួតត្រូវបានបែងចែកជា៥ពូល ហើយក្នុងមួយពូលមាន៤ក្រុមដូចគ្នា។

ពូល A៖ Al Shahaniya, Mesaimeer, Al Wakra និង Muaither
ពូល B៖ Al Waab, Al Kharaitiyat, Al Arabi និង Qatar SC
ពូល C៖ Al Sailiya, Lusail, Al Gharrafa និង Al Sadd
ពូល D៖ Al Khor, Al Shamal, Umm Salal និង Al Rayyan
ពូល E៖ Al Bidda, Al Duhail, Al Markhiya និង Al Ahli.

ជាទូទៅ ពានរង្វាន់នេះកំណត់ឲ្យក្រុមលំដាប់ទាបទាំង៨នៅលីគកំពូលកាតារ Qatar Stars League បូករួមជាមួយក្រុមទាំង៨នៅលីគលំដាប់ទី២ Qatari Second Division សរុបចំនួន១៦ក្រុមត្រូវប្រជែងគ្នាជារៀងរាល់ឆ្នាំ ប៉ុន្តែសម្រាប់ឆ្នាំ២០២៣-២៤មានក្រុមចំនួន២០ចូលរួមប្រកួត។

ពានរង្វាន់នេះបានរៀបចំជាលើកដំបូងកាលពីឆ្នាំ២០២១ ដោយ ដោយក្រុម Al Sailiya បានក្លាយជាជើងឯក និងលើកទី២ឆ្នាំ២០២២ ដោយក្រុម Al-Arabi បានក្លាយជាជើងឯក ហើយឆ្នាំ២០២៣នេះគឺជាព្រឹត្តិការណ៍ប្រកួតលើកទី៣៕

អត្ថបទ៖ វីរបុត្រ

Related Topics:សៀង ចន្ធា