កីឡា

គួរឲ្យស្តាយក្តីសង្ឃឹមកម្ពុជា ខាន់ ចេសា មិនបានចូលរួមប្រកួតកីឡាអាស៊ីនៅចិន

បានផុស

១ year មុន

នៅ

ថ្ងៃចន្ទ ១៨ កញ្ញា ២០២៣

ដោយ

វីរកីឡាការិនីជឺជីតស៊ូជម្រើសជាតិកម្ពុជា ខាន់ ចេសា ដែលជាក្តីសង្ឃឹមសម្រាប់កម្ពុជា មិនបានចូលរួមប្រកួតកីឡាទ្វីបអាស៊ី លើកទី១៩ ឆ្នាំ២០២២ (លើកមកឆ្នាំ២០២៣) នៅប្រទេសចិនទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីលោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា ខាន់ ចេសា មិនបានចូលរួមជាមួយក្រុមជម្រើសជាតិកម្ពុជាទៅប្រកួតកីឡាទ្វីបអាស៊ី លើកទី១៩ ឆ្នាំ២០២៣ នៅប្រទេសចិនទេ។ កត្តាដែលបណ្តាលឲ្យអវត្តមាននេះ គឺអាចបណ្តាលមកពីបញ្ហាផ្ទាល់ខ្លួន និងជាប់ភារកិច្ចប្រកួតដណ្តើមខ្សែក្រវាត់ពិភពលោកនៅ ONE Championship នៅថ្ងៃទី២៩ ខែកញ្ញា នៅប្រទេសសិង្ហបុរី។

លោក Peter Khan ធ្លាប់បានប្រាប់កម្ពុជាថ្មីថា កូនស្រីរបស់លោកបានត្រៀមយ៉ាងល្អសម្រាប់ការប្រកួតដណ្តើមខ្សែក្រវាត់នៅ ONE និងចូលរួមប្រកួតក្នុងកីឡាទ្វីបអាស៊ី នៅប្រទេសចិន។ សូម្បី ខាន់ ចេសា ផ្ទាល់ក៏បាននិយាយតាំងពីកីឡាស៊ីហ្គេមនៅកម្ពុជាហើយថា រូបនាងដាក់គោលដៅមេដាយមាសកីឡាអាស៊ី នៅចិន បន្ទាប់ពីឈ្នះមេដាយមាសស៊ីហ្គេម នៅកម្ពុជា។