កីឡា

ក្រោយចាញ់ឥណ្ឌាដូចគ្នា កម្ពុជាប៉ះកូរ៉េខាងត្បូងថ្ងៃនេះរឹតតែកក្រើក

បានផុស

១ year មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

ក្រុមបាល់ទះជម្រើសជាតិឥណ្ឌា បានបង្កការភ្ញាក់ផ្អើលខ្លាំងមែនទែនក្នុងព្រឹត្តិការណ៍កីឡាអាស៊ី លើកទី១៩ នៅប្រទេសចិន ដោយបានយកឈ្នះក្រុមខ្លាំងប្រចាំអាស៊ី កូរ៉េខាងត្បូង និងឈ្នះកម្ពុជា។

នៅថ្ងៃបើកឆាក ឥណ្ឌា បានយកឈ្នះ កម្ពុជាបានយ៉ាងងាយស្រួលក្នុងលទ្ធផល ០-៣ (ពិន្ទុ ១៤-២៥, ១៣-២៥ និង ១៩-២៥) កាលពីថ្ងៃទី១៩ ខែកញ្ញា ឆ្នាំ២០២៣ ខណៈកាលពីម្សិលមិញនេះ ឥណ្ឌា បានបន្តឈ្នះ កូរ៉េខាងត្បូង ដោយលទ្ធផល ២-៣ ដើម្បីឈរលើកំពូលតារាងពូល C ឡើងទៅកាន់វគ្គបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រភាគច្រើនយល់ឃើញថា កូរ៉េខាងត្បូង ដែលជាម្ចាស់មេដាយកីឡាអាស៊ី៣សម័យ នឹងយកឈ្នះឥណ្ឌា ប៉ុន្តែការពិតនៅលើទីលានមិនដូចការគិតនោះទេ។ នៅសិតទី១ កូរ៉េខាងត្បូងបានយកឈ្នះដោយពិន្ទុ ២៧-២៥ ប៉ុន្តែសិតទី២ និងទី៣ ឥណ្ឌាបានយកឈ្នះវិញដោយពិន្ទុ ២៧-២៩ និង ២២-២៥ ប៉ុន្តែសិតទី៤ កូរ៉េខាងត្បូងបានយកឈ្នះ ២៥-២០ និងសិតកាត់សេចក្តី ឥណ្ឌា ឈ្នះ១៥-១៧។

តាមរយៈលទ្ធផលខាងលើនេះ កម្ពុជា និងកូរ៉េខាងត្បូងត្រូវប្រជែងគ្នាដើម្បីយកចំណាត់ថ្នាក់លេខ២ក្នុងពូលទើបឡើងទៅវិញវគ្គបន្ត។ និយាយឲ្យចំទៅ ក្រុមដែលឈ្នះវេលាម៉ោង១:៣០នាទីរសៀលនេះ នឹងឡើងទៅកាន់វគ្គបន្ត។

មែនទែនទៅ កូរ៉េខាងត្បូងជាក្រុមខ្លាំងលំដាប់អាស៊ី និងធ្លាប់ឈ្នះមេដាយមាស ប្រាក់ និងសំរិទ្ធ ពីកីឡាអាស៊ីជាច្រើនលើកហើយ ខណៈក្រុមបាល់ទះកម្ពុជាទើបតែចូលរួមប្រកួតកីឡាអាស៊ីនេះ៣លើកប៉ុណ្ណោះគិតទាំងឆ្នាំ២០២៣នេះ។

លើកទី១ ឆ្នាំ១៩៦៧ ក្រុមបាល់ទះកម្ពុជាបញ្ចប់ដោយចំណាត់ថ្នាក់លេខ៧ និងឆ្នាំ១៩៧០ ទទួលបានលេខ៤ ប៉ុន្តែរយៈពេលជាង៥០ឆ្នាំទើបកម្ពុជាបានចូលរួមប្រកួតម្តងទៀត។

ក្រុមបាល់ទះកម្ពុជាធ្លាប់ចាញ់កូរ៉េខាងត្បូងដោយលទ្ធផល ០-៣ កាលពីឆ្នាំ១៩៧០ ក្នុងព្រឹត្តិការណ៍កីឡាអាស៊ី ដូច្នេះជំនួបថ្ងៃនេះ កម្ពុជាមានសង្ឃឹមតិច ប៉ុន្តែក៏មិនធ្វើឲ្យក្រុមបាល់ទះកូរ៉េខាងត្បូងឈ្នះដោយស្រួលៗនោះដែរ។

កុំភ្លេចវេលាម៉ោង១:៣០នាទីរសៀលនេះ កម្ពុជា ប៉ះ កូរ៉េខាងត្បូង ដើម្បីកៅអី ឡើងទៅវគ្គបន្ត៕

អត្ថបទ៖ វីរបុត្រ