កីឡា

ផាច សុជាវីឡា ឱកាសលេងក្រៅប្រទេសជាកត្តាអភិវឌ្ឍខ្លួនបន្ថែមទៀត

បានផុស

១ year មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

ក្រោយការដាក់ចិត្តខិតខំប្រឹងប្រែងហ្វឹកហាត់យ៉ាងខ្លាំង ខ្សែការពារស្លាបឆ្វេង ផាច សុជាវីឡា ទទួលបានឱកាសថ្មីលើសពីការរំពឹងទុកជាមួយភ្នំពេញក្រោន។ ជាពិសេសរូបគេបានបង្ហាញខ្លួនក្នុងការប្រកួតលើឆាកអន្តរជាតិក្នុងពានរង្វាន់ AFC Cup និងជម្រើសជាតិកម្ពុជាសម្រាប់ការប្រកួតមិត្តភាពអន្តរជាតិជាមួយ ហុងកុង និងម៉ាកាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផាច សុជាវីឡា បានប្រាប់«កម្ពុជាថ្មី»ថា ៖«ខ្ញុំមានអារម្មណ៍រីករាយសម្រាប់ការមកប្រកួតនៅក្រៅប្រទេស ពីព្រោះខ្ញុំអាចមានឱកាសបានប្រកួតជាមួយដៃគូថ្មីៗ កម្រិតខ្លាំង ក៏ដូចជាទទួលបានបទពិសោធថ្មីៗ ដែលធ្វើឲ្យខ្ញុំរីកចម្រើនជាលំដាប់»។

គិតត្រឹមសប្ដាហ៍ទី៥ក្នុងខេមបូឌានព្រីមៀរលីគ ផាច សុជាវីឡា រកគ្រាប់បាល់បាន១គ្រាប់ក្នុងនាមជាខ្សែការពារស្លាបឆ្វេងរបស់ភ្នំពេញក្រោន។ ពេលនេះ រូបគេកំពុងនៅជាមួយមិត្តរួមក្រុមសម្រាប់ការប្រកួតជាមួយ Cebu F.C. វេលាម៉ោង៧យប់ថ្ងៃទី២១ ខែកញ្ញា ឆ្នាំ២០២៣ នៅកីឡដ្ឋាន Rizal Memoria ក្នុងការប្រកួតសន្សំពិន្ទុក្នុងពូល F ពានរង្វាន់ AFC Cup ។

កីឡាករបន្តថា៖«ខ្ញុំគិតថាមិនសូវជាមានសម្ពាធទេចំពោះការប្រកួតនៅថ្ងៃនេះ តែពិបាកតិចតូចដោយសារទីលានរបស់ក្រុមភ្ញៀវស្មៅសិប្បនិម្មិត។ យើងមិនសូវសាំ ហើយកីឡាករអាចមានរបួស ប៉ះពាល់ដល់ការប្រកួតក្រោយៗ»។

ការប្រកួតវេលាម៉ោង៧យប់នេះទាំងកីឡាករ និងក្រុមគ្រូបង្វឹកបានដាក់គោលដៅរក៣ពិន្ទុដើម្បីដំណើរឲ្យផុតវគ្គសន្សំពិន្ទុក្នុងពូល AFC Cup៕

អត្ថបទ៖ ផា រតនា