កីឡា

លែងប្រើកាំជ្រួច ពិធីបើកកីឡាអាស៊ីឆ្នាំនេះនៅចិននឹងប្រើពន្លឺភ្លើងឌីជីថល

បានផុស

២ years មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

ក្នុងនាមជាអ្នកបង្កើតកាំជ្រួច ប្រទេសចិនតែងតែប្រើប្រាស់ឧបករណ៍បំផ្ទុះ ប៉ុន្តែព្រឹត្តិការណ៍កីឡាអាស៊ី លើកទី១៩ ឆ្នាំ២០២២ (លើកមកឆ្នាំ២០២៣) នៅទីក្រុង Hangzhou បើកជាផ្លូវការ នាថ្ងៃសៅរ៍ ខែ២៣ ខែកញ្ញា ម្ចាស់ផ្ទះចិនគ្រោងប្រើពន្លឺភ្លើងឌីជីថលជំនួសវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍កីឡាដែលលេងនៅទីក្រុង Hangzhou ឆ្នាំ២០២៣ កំពុងដាក់ចេញនូវវិធានការណ៍ជាបន្តបន្ទាប់ដើម្បីធ្វើហ្គេម Asian Games ជាព្រឹត្តិការណ៍កីឡាលើកដំបូងដែលគ្មានការបំភាយកាបូន។

គោលបំណងនៃផែនការស្នូលរបស់ Hangzhou ដើម្បីកាត់បន្ថយការបំភាយកាបូនគឺការប្រើប្រាស់អគ្គិសនីបៃតង និងបច្ចេកវិទ្យាទំនើប។ កាំជ្រួចដំបូងបំផុតបានមកពីប្រទេសចិនក្នុងសម័យរាជវង្សសុង ចន្លោះឆ្នាំ ៩៦០-១២៧៩។

ការដុតកាំជ្រួចត្រូវបានគេជឿថា ដើម្បីបញ្ចៀសសំណាងអាក្រក់ដោយការផ្ទុះខ្លាំង ដូច្នេះការដុតកាំជ្រួចជាផ្នែកសំខាន់នៃការប្រារព្ធពិធីធំដូចជា ពិធីមង្គលការ និងពិធីបុណ្យចូលឆ្នាំថ្មីជាដើម។

កាំជ្រួចត្រូវបានប្រើប្រាស់ជាប្រពៃណីដើម្បីអមអរពិធីបុណ្យជាច្រើន រួមទាំងនៅកីឡាអូឡាំពិករដូវក្តៅឆ្នាំ២០០៨ និងកីឡាអូឡាំពិករដូវរងាឆ្នាំ២០២២ ដែលទាំងពីរបានប្រព្រឹត្តទៅនៅទីក្រុងប៉េកាំង។

ទោះជាយ៉ាងណាក៏ដោយ កីឡាអាស៊ី នៅទីក្រុង Hangzhou លើកទី១៩នេះ កំពុងជ្រើសរើសវិធីសាស្រ្តផ្សេង៕

ប្រែសម្រួល៖ មន្នីរ័ត្ន