កីឡា

កុមារីជិះស្គីអាយុ៩ឆ្នាំឡើងដល់វគ្គផ្តាច់ព្រ័ត្រកីឡាអាស៊ីនៅចិន

បានផុស

២ years មុន

នៅ

ថ្ងៃចន្ទ ២៥ កញ្ញា ២០២៣

ដោយ

កីឡាការិនីអាយុទើប៩ឆ្នាំជម្រើសជាតិហ្វីលីពីន Mazel Paris Alegado ត្រូវបានអ្នកគាំទ្រនៅតំបន់អាស៊ីចាប់អារម្មណ៍ខ្លាំងក្នុងព្រឹត្តិការណ៍កីឡាអាស៊ី លើកទី១៩ ឆ្នាំ២០២៣ នៅប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារី Mazel Paris Alegado ជាកីឡាការិនីជិះក្តារស្គីជម្រើសជាតិហ្វីលីពីនបានឡើងទៅដល់វគ្គផ្តាច់ព្រ័ត្រវិញ្ញាសានារី women’s park កាលពីថ្ងៃអាទិត្យ ទី២៤ ខែកញ្ញា។ កីឡាការិនីវ័យក្មេងបំផុតនេះបានបញ្ចប់ចំណាត់ថ្នាក់លេខ៧ក្នុងការប្រកួតជម្រុះដោយទទួលបានពិន្ទុ ៥៦.៩៥ដើម្បីបានកៅអីមួយនៅវគ្គផ្តាច់ព្រ័ត្រដែលមានបេក្ខនារីចំនួន៨នាក់ត្រូវប្រជែងមេដាយមាស ប្រាក់ និងសំរិទ្ធ។

សម្រាប់ការប្រកួតវគ្គជម្រុះនេះ កីឡាការិនីជប៉ុន Hinano Kusaki ស្ថិតនៅលេខ១ដោយទទួលបាន៧៨.០៦ពិន្ទុ ខណៈកីឡាការិនីម្ចាស់ផ្ទះចិន Mao Jiasi ស្ថិតនៅលេខ២ដោយទទួលបាន៧៧.០៦ពិន្ទុ និងកីឡាការិនីជប៉ុន Mei Sugawara លេខ៣ទទួលបាន៧៥.៣៣ពិន្ទុ។

កុមារីអាយុ៩ឆ្នាំរូបនេះបាននិយាយថា ៖«ខ្ញុំរីករាយខ្លាំងដែលអាចចូលរួមប្រកួតកីឡាស្គីនៅកីឡាអាស៊ី»។

កីឡាការិនីហ្វីលីពីន Alegado ដែលរស់នៅសហរដ្ឋអាមេរិក នឹងប្រកួតវគ្គផ្តាច់ព្រ័ត្រ នៅថ្ងៃអង្គារ៍ ទី២៦ ខែកញ្ញាស្អែកនេះដើម្បីស្វែងរកកំណត់ត្រាល្អបំផុតសម្រាប់ខ្លួននាងផ្ទាល់៕