កីឡា

មុនប៉ះគ្នាថ្ងៃសៅរ៍នេះ ខាន់ ចេសា រម្លឹកពី Danielle ពូកែខាងការពារ

បានផុស

២ years មុន

នៅ

ថ្ងៃព្រហស្បតិ៍ ២៨ កញ្ញា ២០២៣

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា បានរម្លឹកពីដៃគូ Danielle Kelly ពូកែខាងការពារនៅពេលអ្នកទាំងពីរបានប្រកួតគ្នាលើកដំបូងកាលពីឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនីខ្មែរ-អាមេរិក ខាន់ ចេសា និងកីឡាការិនីអាមេរិក Danielle Kelly នឹងប្រកួតដណ្តើមខ្សែក្រវាត់ពិភពលោកទម្ងន់ Atomweight ជំនាញឃ្លេ នៅព្រឹកសៅរ៍ ថ្ងៃទី៣០ ខែកញ្ញា ឆ្នាំ២០២៣ នៅប្រទេសសិង្ហបុរី។

កីឡាការិនីទាំងពីរធ្លាប់បានជួបគ្នាម្តងហើយកាលពីខែកុម្ភៈ ឆ្នាំ២០២១ ដែលពេលនោះ ខាន់ ចេសា ទទួលបានជ័យជម្នះដោយពិន្ទុ។ ការប្រកួតនោះកីឡាការិនីកម្ពុជាបានគ្រប់ដណ្តប់លើកីឡាការិនីអាមេរិក ប៉ុន្តែ ចេសា បានយល់ច្បាស់ពីក្បាច់របស់ Danielle ពូកែខាងការពារ។

ខាន់ ចេសា បាននិយាយថា ៖«ខ្ញុំមិនអាចឃ្លេនាងចុះចាញ់បានទេ តែខ្ញុំបានគ្រប់ដណ្តប់ការប្រកួតយ៉ាងខ្លាំង។ ខ្ញុំមានឱកាសឃ្លេឲ្យចុះចាញ់ច្រើនដង តែគាត់ការពារបានល្អ។ និយាយទៅពេលនោះ គាត់គិតតែរឿងការពារច្រើនជាង»។

ចាប់តាំងពីឆ្នាំ២០២១មក កីឡាការិនីទាំងពីរបានអភិវឌ្ឍខ្លួនគួរឲ្យកត់សំគាល់ និងទទួលបានសមិទ្ធផលល្អរៀងៗខ្លួន។ ខាន់ ចេសា បានឈ្នះជើងឯកជឺជីតស៊ូអាមេរិក IBJFF Pan នៅឆ្នាំ២០២២ និងឈ្នះជើងឯកពិភពលោក IBJFF នៅឆ្នាំ២០២៣ ព្រមទាំងឈ្នះមេដាយមាសស៊ីហ្គេម ឆ្នាំ២០២៣។

ចំណែក Kelly បានចុះកុងត្រាចូល ONE Championship និងបានឆ្លងកាត់៣ប្រកួតហើយដោយមិនទាន់ចាញ់ឡើយ។ ក្នុងនោះនាងបានឈ្នះកីឡាការិនី Mariia Molchanova និង Ayaka Miura ព្រមទាំងស្មើពិន្ទុ Mei Yamaguchi៕