កីឡា

Neymar ចូលក្លិប Al-Hilal រស់នៅដូចមហាសេដ្ឋីក្នុងប្រទេសអារ៉ាប៊ីសាអ៊ូឌីត

បានផុស

២ years មុន

នៅ

ថ្ងៃពុធ ២៧ កញ្ញា ២០២៣

ដោយ

កីឡាករ Neymar បានផ្ទេរទៅក្លិប Al-Hilal នៅប្រទេសអារ៉ាប៊ីសាអ៊ូឌីតដោយទទួលបានអត្ថប្រយោជន៍ច្រើនដូចជារថយន្តទំនើប កន្លែងស្នាក់នៅដ៏ប្រណីត រួមទាំងតម្លៃពលកម្មរហូតដល់ ២.៥លានផោនក្នុងមួយសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិប Al-Hilal ត្រូវបានគេអះអាងថា ត្រូវចំណាយលុយយ៉ាងច្រើន ក្នុងការទាក់ទាញចិត្តខ្សែប្រយុទ្ធប្រេស៊ីលកីឡាករ Neymar មកកាន់លីគអារ៉ាប៊ីសាអ៊ូឌីត។ នេះហើយក៏ជាកត្តាជំរុញឲ្យរូបគេសុខចិត្តចាកចេញពីតំបន់អឺរ៉ុបក្នុងវ័យទើប៣១ឆ្នាំ។

Neymar ទទួលបានរថយន្តទំនើបចំនួន៨គឿងក្នុងនោះមានរថយន្តលក្ខណៈគ្រួសារនិងរថយន្តស្ព័រ។ រថយន្តស្ព័រមាន៣គ្រឿងគឺ Bentley Continental GP, Aston Martin DBX, Lamborghini Huracan។ ចំណែករថយន្ត៥គ្រឿងទៀត រួមមាន Mercedes G Wagon ៤គ្រឿង និងរថយន្ត Mercedes van ១គ្រឿង ព្រមទាំងមានអ្នកបើកបរផ្ទាល់ខ្លួនទៀតផង។

ក្លិប Al-Hilal ក៏បានផ្តល់ឲ្យ Neymar នូវវីឡាដ៏អស្ចារ្យមួយកន្លែងដែលមាន២៥បន្ទប់។ រឿងដែលអស្ចារ្យមួយទៀតគឺរូបគេអាចនឹងទទួលបានយន្តហោះឯកជន ១គ្រឿងទៀតផងដែរ។

សម្រាប់ភេសជ្ជៈក្នុងទូទឹកកកគឺតែងតែស្តុកទុកដោយទឹក Acai និងភេសជ្ជៈ Guarana ដែល Neymar ចូលចិត្តដើម្បីធ្វើឲ្យរូបគេស្នាក់នៅដោយក្តីរីករាយ។ នៅក្នុងវីឡានោះមានបន្ទប់សូណា៣ និងមានអាងហាងហែលទឹកដោយមានបុគ្គលិកធ្វើការពេញម៉ោង៥នាក់ មានចុងភៅ និងអ្នកបោសសម្អាត៕