កីឡា

មកដឹងពីជីវិតរស់នៅដ៏សម្បូរបែបរបស់ Messi នៅអាមេរិក

បានផុស

១ year មុន

នៅ

ថ្ងៃសុក្រ ២៩ កញ្ញា ២០២៣

ដោយ

កីឡាករ Lionel Messi បានសម្រេចចិត្តផ្ទេរមកក្លិប Inter Miami ព្រោះចង់ផ្លាស់ប្តូរបរិយាកាសរស់នៅ បន្ទាប់ពីរូបគេចំណាយពេលវេលាយ៉ាងច្រើននៅតំបន់អឺរ៉ុប។ ការផ្ទេរមកកាន់ទឹកដីសហរដ្ឋអាមេរិក អាចជាការចំណាយពេលចុងក្រោយក្នុងអាជីពកីឡាបាល់ទាត់របស់ខ្លួន ព្រោះរូបគេមានវ័យ ៣៦ឆ្នាំហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Messi និងក្រុមគ្រួសារបច្ចុប្បន្នកំពុងស្នាក់នៅក្នុងអគារតម្លៃ ៩លានដុល្លារក្នុងទីក្រុងម៉ៃអាមី។ លក្ខណៈពិសេសចម្បងរបស់អគារនេះគឺវាមានកន្លែងលើករថយន្តឡើង ដើម្បីឲ្យអ្នកស្នាក់នៅអគារនោះអាចចតយានយន្តកាន់តែមានសុវត្ថិភាព និងមានរោងកុនផ្ទាល់ខ្លួន ព្រមទាំងកន្លែងវាយកូនហ្គោលផងដែរ។

កីឡាករ Messi ត្រូវគេប្រទះឃើញបានពាក់នាឡិកា Patek Philippe 18k Rose Gold Nautilus ដែលមានតម្លៃ ២៤ម៉ឺនដុល្លារអាមេរិក។ រូបគេទទួលបានលក្ខខណ្ឌពិសេសមួយគឺទទួលបានភាគហ៊ុនកម្មសិទ្ធិនៅក្លិបនៅពេលគាត់ចូលនិវត្តន៍។ រូបគេបានក្លាយជាកីឡាករដែលមានប្រាក់ខែខ្ពស់បំផុតក្នុងប្រវត្តិសាស្ត្រលីគកំពូលអាមេរិក។ កិច្ចព្រមព្រៀងដ៏មហិមាបូករួមទាំងអត្ថប្រយោជន៍ផ្សេងៗទៀតនោះ ធ្វើឲ្យរូបគេទទួលបានប្រាក់ចំណូលប្រចាំឆ្នាំលើសពី៦០លានដុល្លារ។

Messi ត្រូវបានគេឃើញឃើញដើរកម្សាន្តញឹកញាប់ជាមួយមិត្តរួមក្រុម និងប្រធានក្លិបលោក David Beckham។ សម្រាប់ជីវិតនៅទឹកដីសហរដ្ខអាមេរិករបស់ Messi មានភាពសប្បាយរីករាយ និងល្អប្រសើរច្រើនជាងកាលពីរូបគេលេងនៅក្លិប Paris ប្រទេសបារាំង៕