កុមារីវ័យ ១១ឆ្នាំ បង្កការភ្ញាក់ផ្អើលដល់ពិភពលោក ក្រោយបង្កើតប្រវត្តិសាស្ត្រនៅ Asian Games

អត្តពលិកជនជាតិកូរ៉េខាងត្បូង​ម្នាក់​ បានបង្កើតប្រវត្តិសាស្ត្រក្នុង​ព្រឹត្តិការណ៍ Asian Games ដំបូងគេ ក្លាយជាអ្នកលេងអុកវ័យក្មេងបំផុត ត្រឹមអាយុ ១១ឆ្នាំ។

កុមារី Kim Sarang វ័យ ១១ឆ្នាំ ជាអត្តពលិក​ម្នាក់​កំពុង​ទទួល​បាន​ការ​ចាប់​អារម្មណ៍យ៉ាងខ្លាំងទូទាំងសកលលោក ក្រោមពេលនាងបង្ហាញខ្លួនចូលរួមប្រកួតលេងអុកក្នុង​ព្រឹត្តិការណ៍ Asian Games លើក​ទី​១៩ នៅឯប្រទេសចិន។ ​ត្បិតថាជ័យជម្នះមិនទាន់រកឃើញពិតមែន ប៉ុន្តែអត្តពលិកវ័យក្មេងរូបនេះ ពិតជាបង្កការភ្ញាក់ផ្អើលដល់សាធារណជនជុំវិញពិភពលោក ដោយសារសមត្ថភាពលេងអុករបស់នាង។

ចំពោះប្រវត្តិខ្លះៗរបស់ Kim Sarang ប្រភពពី Koreaboo បានឱ្យដឹងថា នាងធំធាត់នៅខេត្ត Gyeonggi ប្រទេសកូរ៉េខាងត្បូង។ នាងចាប់ផ្តើមលេងអុកតាំងពីអាយុ ៧ឆ្នាំមកម្ល៉េះ ព្រោះនាងស្រឡាញ់ល្បែងល្បងបញ្ញា។

Kim Sarang មានសមត្ថភាពចងចាំពិសេសតាំងពីថ្នាក់ទី ២ ហើយនៅក្នុងថ្នាក់បឋមសិក្សាដំបូង នាងបានអាចទន្ទេញចាំតួអក្សរចំនួន ៧០០តួនៃអត្ថបទចម្រៀង ក្នុងប្រវត្តិសាស្ត្រកូរ៉េ។

ដើម្បីគាំទ្រកូនឱ្យមានឱកាសលេងអុកបានច្រើន ឪពុកម្តាយរបស់ Kim Sarang បានផ្លាស់ទៅទីក្រុង Seoul ក្នុងឆ្នាំ២០២០។ នៅអាយុត្រឹមតែ ១០ឆ្នាំ នាងទទួលបានងារជាផ្លូវការថា “គ្រូអុកស្រ្តីវ័យក្មេង” ។ នៅឆ្នាំ២០២១ នាងឈ្នះមេដាយមាសក្នុងការប្រកួតថ្នាក់ជាតិ។  នៅឆ្នាំ ២០២២ នាងបានចូលរួមនៅក្នុងការប្រកួតកីឡាអុកយុវជនអាស៊ីបូព៌ាដែលធ្វើឡើងនៅប្រទេសថៃ។ Kim Sarang ឈ្នះមេដាយប្រាក់លើវិញ្ញាសាឯកត្តជន។

ទោះយ៉ាងណា នៅថ្ងៃងនាគត Kim Sarang ពុំមានមានបំណងចង់ក្លាយជាអត្តពលិកឆ្នើមអ្វីនោះទេ នាងមានក្ដីស្រមៃធ្វើជារដ្ឋមន្ត្រីក្រសួងការពារជាតិ។

សូមបញ្ជាក់ថា ​ព្រឹត្តិការណ៍ Asian Games ​លើក​ទី​១៩ ​ប្រាររព្ធ​ឡើង​ពី​ថ្ងៃ​ទី​២៣ ខែ​កញ្ញា​ ដល់​ថ្ងៃ​ទី​៨​ ខែតុលា ឆ្នាំ២០២៣ ៕

ប្រែសម្រួល៖ សន្យា

ចុចអាន៖ មុន​ប៉ះគ្នាថ្ងៃសៅរ៍នេះ ខាន់ ចេសា​ រម្លឹកពី Danielle ពូកែខាងការពារ