កីឡា

ព្រឹកស្អែក Danielle រំពឹងសងសឹក ខាន់ ចេសា បានសម្រេចដើម្បីខ្សែក្រវាត់ ONE

បានផុស

១ year មុន

នៅ

ថ្ងៃសុក្រ ២៩ កញ្ញា ២០២៣

ដោយ

ព្រឹត្តិការណ៍ ONE Fight Night 14 នឹងធ្វើនៅថ្ងៃសៅរ៍ស្អែកនេះ ចាប់ពីម៉ោង៧ព្រឹកក្នុងប្រទេសសិង្ហបុរីដែលមានការប្រកួតកីឡាការិនី៤គូដើម្បីដណ្តើមខ្សែក្រវាត់ពិភពលោក។ ក្នុងនោះកីឡាការិនីអាមេរិក Danielle Kelly ប្រកួតជាមួយកីឡាការិនីកម្ពុជា ខាន់ ចេសា លើជំនាញឃ្លេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Danielle Kelly បាននិយាថា៖«ខ្ញុំមិនគិតថា ខ្ញុំអន់ទេ។ ទោះខ្ញុំធ្លាប់ចាញ់ ចេសា តែនោះជារឿងអតីតកាល។ វាមានរយៈពេលជិត២ឆ្នាំហើយ។ អ្វីៗមានការប្រែប្រួល។ ខ្ញុំពិតជាទន្ទឹងរង់ចាំការប្រកួតគួរឱ្យអស្ចារ្យមួយនេះ ហើយបង្ហាញពីអ្វីដែលខ្ញុំបានអភិវឌ្ឍកន្លងមក»។

ជួបគ្នាលើកទី១កាលពីឆ្នាំ២០២១ នៅទឹកដីអាមេរិក Kelly បានចាញ់ ចាន់ ចេសា ដោយពិន្ទុ ប៉ុន្តែក្នុងរយៈពេល២ឆ្នាំចុងក្រោយនេះ អ្នកទាំងពីរបានរីកចម្រើនគួរឲ្យកត់សំគាល់។

កីឡាការិនី Danielle Kelly បានចុះកុងត្រាចូល ONE Championship កាលពីឆ្នាំ ២០២២ ជាទីកន្លែងដែលនាងបានប្រកួត៣លើកដោយមិនទាន់ស្គាល់បរាជ័យឡើយ។ លើកទី១ស្មើពិន្ទុកីឡាការិនីជប៉ុន Mei Yamaguchi, លើកទី២ឈ្នះពិន្ទុកីឡាការិនីរុស្ស៊ី Mariia Molchanova និងលើកទី៣ឈ្នះពិន្ទុកីឡាការិនីជប៉ុន Ayaka Miura។

ការប្រកួតថ្ងៃស្អែក កីឡាការិនីទាំង២សុទ្ធតែមានទំនុកចិត្តដូចគ្នា។ សម្រាប់លក្ខខណ្ឌនៃការប្រកួតគឺជាការប្រកួតបែបឃ្លេមួយទឹកមានរយៈពេល១២នាទី៕