កីឡា

Dave Leduc ចាប់ផ្តើមឆ្ងល់ហេតុអ្វី ព្រំ សំណាង រឹងមាំមិនសន្លប់

បានផុស

១ year មុន

នៅ

ថ្ងៃចន្ទ ២ តុលា ២០២៣

ដោយ

កីឡាករប្រដាល់មីយ៉ាន់ម៉ា Dave Leduc បានចាប់អារម្មណ៍នឹង ព្រំ សំណាង ដែលមិនសន្លប់ បន្ទាប់ពីត្រូវបានកីឡាករអាមេរិក Pawell Bansak វាយត្រូវមួយកែងបក ក្នុងជំនួប៣ទឹក កាលពីយប់ថ្ងៃសៅរ៍ ទី៣០ ខែកញ្ញា ឆ្នាំ២០២៣។

កីឡាករដែលត្រូវបានអ្នកគាំទ្រហៅថា ស្តេចប្រដាល់មីយ៉ាន់ម៉ា Leduc បានរៀបរាប់ថា ៖«ការប្រកួតរវាងកីឡាករអាមេរិក និង ព្រំ សំណាង ពិតជាគួរឱ្យធុញទ្រាន់។ ខ្ញុំគិតថា សំណាង មិនខ្វល់ពីការប្រកួតនេះទាល់តែសោះ ហើយគ្រាន់តែធ្វើតិចតួចបង្គ្រប់កិច្ច។ គេបានត្រឹមតែអោប ហើយមិនបានធ្វើអ្វីសោះទាំង៣ទឹក លើកលែងតែការវាយចេញដ៏គ្រោះថ្នាក់មួយរបស់កីឡាករអាមេរិកគឺកែងបក»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ប៉ុន្តែ ព្រំ សំណាង មិនទាំងដួលផង! គ្រូបង្វឹករបស់ខ្ញុំបានទូរសព្ទមកខ្ញុំ បន្ទាប់ពីការប្រកួត និងបាននិយាយថា គាត់ចាប់អារម្មណ៍ជាខ្លាំងចំពោះភាពរឹងមាំរបស់សំណាង។ គាត់មិនយល់ថា ហេតុអ្វី សំណាង មិនដួល បន្ទាប់ពីត្រូវកែងបក។ គាត់គឺជាអ្នកប្រយុទ្ធម្នាក់ដ៏រឹងមាំដែលគ្រូបង្វឹករបស់ខ្ញុំធ្លាប់បានជួប។ សូមទទួលការគោរពពីខ្ញុំ។ ខ្ញុំទន្ទឹងរង់ចាំជួបអ្នកនៅប្រទេសកម្ពុជា។ មិត្តភាពរវាងមីយ៉ាន់ម៉ា និងកម្ពុជា»។

ពិតណាស់ ការប្រកួត៣ទឹកនៅលើសង្វៀន ព្រំ សំណាង ធ្វើអ្វីមិនកើតលើកីឡាករអាមេរិក Pawell Bansak ដែលមានកម្ពស់ខ្ពស់ជាង។ កីឡាករអាមេរិកបានប្រើជង្គង់ល្អជាង ព្រំ សំណាង និងបានប្រើក្បាច់កែងបកធ្វើឲ្យអ្នកលេងគុនខ្មែររេទៅបុកនឹងខ្សែរេញ។

ការប្រកួតនេះ កីឡាករ Pawell Bansak បានក្លាយជាកីឡាករអាមេរិកទី១ឈ្នះខ្សែក្រវាត់គុនខ្មែរអន្តរទ្វីប បន្ទាប់ពីបានយកឈ្នះដោយពិន្ទុលើកីឡាករកម្ពុជា ព្រំ សំណាង។

តាមការគ្រោងទុក ព្រំ សំណាង នឹងប្រកួតជាមួយ Dave Leduc នាចុងខែវិច្ឆិកា ខាងមុខក្នុងជំនួបមិត្តភាពអន្តរជាតិដែលប្រើក្បាច់គុនខ្មែរ ប៉ុន្តែមានតែ១ទឹក៩នាទី៕