កីឡា
មកដឹងពីប្រភពចំណូលធំៗរបស់តារាឆ្នើម Cristiano Ronaldo
តារាបាល់ទាត់ឆ្នើមលើលោក Cristiano Ronaldo កំពុងរកចំណូលយ៉ាងច្រើនសន្ធឹកសន្ធាប់ ទោះបីជារូបគេវ័យកាន់តែច្រើនក៏ដោយ។ ខាងក្រោមជាប្រភពចំណូល៤ធំៗដែលកីឡាករព័រទុយហ្គាល់រូបនេះទទួលបាន៖

១. ចំណូលពីអាជីពបាល់ទាត់
ទឹកប្រាក់ប្រមាណ ៤៥០ លានដុល្លារគឺជាប្រាក់ដែល Ronaldo រកបានក្នុងនាមជាកីឡាករបាល់ទាត់។ កិច្ចព្រមព្រៀងដំបូងរបស់រូបគេជាមួយ Manchester United ត្រូវបានប្រកាសតម្លៃ ១៥.៦ លានដុល្លារ។ រូបគេបានចុះកុងត្រារយៈពេល ៥ ឆ្នាំក្នុងតម្លៃ ៣១ លានដុល្លារ។
ឆ្នាំ ២០០៩ ប្រធានក្រុមព័រទុយហ្គាល់បានចុះកុងត្រាជាមួយ Real Madrid ក្នុងតម្លៃ ១៥០ លានដុល្លារ។ កាលពីខែកក្កដា ឆ្នាំ២០១៨ Ronaldo បានផ្លាស់ទៅក្លិបអ៉ីតាលី Juventus ក្នុងតម្លៃ ១៣៨ លានដុល្លារក្នុងកិច្ចសន្យារយៈពេល ៤ឆ្នាំ។ តាមតម្លៃប៉ាន់ស្មានក្នុងការផ្ទេរទៅក្លិប Al-Nassr កីឡាកររូបនេះទទួលបានថ្លៃពលកម្មប្រមាណ ២០០លានដុល្លារក្នុងមួយឆ្នាំ។

២. ចំណូលពីក្រុមហ៊ុន Nike
កិច្ចព្រមព្រៀងឧបត្ថម្ភដំបូងរបស់ Ronaldo ជាមួយក្រុមហ៊ុន Nike ពីឆ្នាំ ២០០៣ ដល់ ២០០៧ មានទឹកប្រាក់ប្រមាណ ៥.០៩ លានដុល្លារជារៀងរាល់ឆ្នាំ។ កិច្ចសន្យាត្រូវបានបន្តនៅឆ្នាំ ២០១០ ហើយ Ronaldo រកបានប្រចាំឆ្នាំ ៨.០៥ លានដុល្លារ។ ក្រោយមកក្នុងឆ្នាំ ២០១៤ ប្រាក់ចំណូលពីកិច្ចព្រមព្រៀង Nike បានកើនឡើងដល់២៣.៧ លានដុល្លារ។
ភាពជាដៃគូរបស់ Ronaldo ជាមួយ Nike បានបន្តដោយមានទឹកប្រាក់ ៣០ លានដុល្លារក្នុងមួយឆ្នាំក្នុងឆ្នាំ២០១៦។ ឆ្នាំដដែលនោះ រូបគេត្រូវបានផ្តល់កិច្ចសន្យាពេញមួយជីវិតជាមួយក្រុមហ៊ុន Nike ដោយមានតម្លៃមិនក្រោម១ពាន់លានដុល្លារ។ Nike មានកិច្ចសន្យាពេញមួយជីវិតជាមួយអត្តពលិកពីរនាក់ផ្សេងទៀតគឺ Michael Jordan និង LeBron James ។ នេះមានន័យថា Ronaldo គឺជាអត្តពលិកទីបីដែលទទួលបានកិច្ចព្រមព្រៀងផ្តាច់មុខនេះ។

៣. ចំណូលពីការផ្សាយពាណិជ្មកម្ម
ចាប់តាំងពីការផ្លាស់ទៅក្លិប Real Madrid កីឡាករ Ronaldo កាន់តែមានប្រជាប្រិយភាពទ្វេរឡើងដោយមានក្រុមហ៊ុនជាច្រើនផ្សេងៗគ្នា រួមមានសម្លៀកបំពាក់កីឡា ទូរគមនាគមន៍ ប្រេង ក្រុមហ៊ុនអាកាសចរណ៍ ដែកថែប ឱសថ និងសូម្បីតែហ្គេម និងគេហទំព័រមួយចំនួនក៏បានទាក់ទងឲ្យរូបគេផ្សព្វផ្សាយ។ គិតត្រឹមខែមិថុនា ឆ្នាំ ២០១៩ Ronaldo បានរកប្រាក់បានសរុបចំនួន ៤៤ លានដុល្លារ។

៤. ចំណូលពីប្រព័ន្ធផ្សព្វផ្សាយសង្គម
យោងតាមគេហទំព័រ Hopper HQ តារាបាល់ទាត់ Cristiano Ronaldo ឈរលេខ១ ដែលមានអ្នកតាមដាន ៦០៧ លាននាក់លើប្រព័ន្ធផ្សព្វផ្សាយសង្គម Instagram។ រូបគេអាចរកបាន ៣.២ លានដុល្លារសម្រាប់ការផុស១លើកក្នុងគណនីរបស់ខ្លួន។

សូមបញ្ជាក់ថា នៅមានប្រភពចំណូលជាច្រើនទៀតដែលតារាឆ្នើមកីឡាករ Cristiano Ronaldo រកបាន ប៉ុន្តែថ្ងៃនេះសុំលើកយកតែប្រាក់ចំណូល៤ធំៗខាងលើ៕
ប្រែសម្រួល៖ ផា រតនា
ប្រភព៖ financesonline.com

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?