កីឡា

លីគអារ៉ាប៊ីសាអ៊ូឌីត ចាប់ផ្តើមទាក់ទងអាជ្ញាកណ្តាលនៅអង់គ្លេស

បានផុស

១២ ខែ មុន

នៅ

ថ្ងៃអង្គារ ៣ តុលា ២០២៣

ដោយ

ក្រៅពីទាក់ទាញកីឡាករឆ្នើមនៅអឺរ៉ុបជាច្រើនឲ្យចូលរួមក្នុងលីគរបស់ខ្លួន ឥឡូវនេះសហព័ន្ធកីឡាបាល់ទាត់អារ៉ាប៊ីសាអ៊ូឌីតកំពុងដាក់គោលដៅលើអាជ្ញាកណ្តាលនៅក្រៅប្រទេសថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធបាល់ទាត់អារ៉ាប៊ីសាអ៊ូឌីត បានទាក់ទងអាជ្ញាកណ្តាលអង់គ្លេស Premier League រួមទាំងលោក Michael Oliver លោក Szymon Marciniak ដែលទទួលបន្ទុកការប្រកួតវគ្គផ្តាច់ព្រ័ត្រ World Cup កាលពីខែធ្នូឆ្នាំមុន អំពីលទ្ធភាពដើម្បីផ្ទេរទៅធ្វើការនៅលីគអារ៉ាប៊ីសាអ៊ូឌីត (Saudi Pro League)។

វិធីសាស្រ្តមកទល់ពេលនេះត្រូវបានគេយល់ថា មិនទាន់ផ្លូវការ ទោះបីជាមានមហិច្ឆតានៅខាងប្រទេសអារ៉ាប៊ីសាអ៊ូឌីត ក្នុងការបន្ថែមអាជ្ញាកណ្ដាលល្អបំផុតតាមរបៀបដូចដែលពួកគេបានធ្វើក្នុងការនាំយកកីឡាករល្អៗបំផុតឆ្នាំនេះ។

លោក Manuel Navarro អតីតមន្ត្រី FIFA សញ្ជាតិស្វីស ដែលបានធ្វើការនៅនាយកដ្ឋានអាជ្ញាកណ្តាលនៃស្ថាប័នគ្រប់គ្រងពិភពលោកអស់រយៈពេល៨ឆ្នាំ មុនពេលលោកបានផ្លាស់ទៅសហព័ន្ធកីឡាបាល់ទាត់អារ៉ាប៊ីសាអ៊ូឌីត កាលពីខែកក្កដា ឆ្នាំ២០២០ ឥឡូវនេះបានក្លាយជាប្រធានសមាគមអាជ្ញាកណ្តាលអារ៉ាប៊ូីសាអ៊ូឌីត (SAFF)។

ពាក់ព័ន្ធពីកិច្ចសន្យា និងប្រាក់ខែមិនទាន់ត្រូវបានពិភាក្សានៅឡើយទេ ប៉ុន្តែ Premier League ដឹងយ៉ាងច្បាស់ថា ឥឡូវនេះពួកគេកំពុងប្រឈមនឹងលទ្ធភាពនៃសំណើរដ៏គួរឱ្យទាក់ទាញដល់មន្ត្រីអាជ្ញាកណ្ដាលឈានមុខមួយចំនួនរបស់ខ្លួន។

ស្ថាប័នអាជ្ញាកណ្តាលរបស់អង់គ្លេស PGMOL ដែលជាសហកម្មសិទ្ធិរបស់ Premier League, Football League និងសមាគមបាល់ទាត់ (FA) បានអនុញ្ញាតឱ្យមន្ត្រីរបស់ខ្លួនធ្វើឯករាជ្យក្នុងការប្រកួតធំៗនៅមជ្ឈិមបូព៌ាប្រសិនបើមានការស្នើសុំ។

លោក Oliver បានចូលដឹកនាំការប្រកួត Saudi Pro League រវាង Al-Nassr និង Al-Hilal ក្នុងខែមេសា ហើយបានត្រឡប់មកអារ៉ាប់រួម ក្នុងសប្តាហ៍នេះ ដោយទទួលបន្ទុកការប្រកួតលីគរវាង Sharjah និង Al-Ain។

លោកត្រូវបានអមដោយក្រុមមន្ត្រីអាជ្ញាកណ្ដាលអង់គ្លេសផងដែរ។ ការធ្វើដំណើរនោះត្រូវបានចុះហត្ថលេខាដោយលោក Howard Webb ប្រធានអាជ្ញាកណ្តាល PGMOL ដែលខ្លួនលោកជាប្រធានអាជ្ញាកណ្តាលសម្រាប់ SAFF៕