កីឡា
ដើម្បីជាតិ ក្រុមបាល់ទាត់កម្ពុជាមិនបានចូលរួមពិធីបុណ្យភ្ជុំបិណ្ឌដោយផ្ទាល់
ក្រុមបាល់ទាត់ជម្រើសជាតិកម្ពុជាមិនបានចូលរួមពិធីកាន់បិណ្ឌ និងភ្ជុំបិណ្ឌដោយផ្ទាល់ជាមួយក្រុមគ្រួសារទេ បន្ទាប់ពីត្រូវបានកោះហៅប្រមូលផ្តុំដើម្បីហ្វឹកហាត់ត្រៀមការប្រកួតជម្រុះជើងឯកពិភពលោក FIFA World Cup 2026។

បញ្ជីឈ្មោះ២៧នាក់ត្រូវបានចេញជាផ្លូវការកាលពីរសៀល ថ្ងៃចន្ទ ទី២ ខែតុលា ឆ្នាំ២០២៣ បន្ទាប់ពីការប្រកួតសប្តាហ៍ទី៧ នៃលីគបាល់ទាត់កំពូលកម្ពុជាបានបញ្ចប់កាលពីថ្ងៃទី១ ខែតុលា។ ក្រុមជម្រើសជាតិកម្ពុជាត្រូវប្រមូលផ្ដុំហ្វឹកហាត់រយៈពេលជិត២០ថ្ងៃគិតចាប់តាំងពីថ្ងៃទី២ ខែតុលា រហូតដល់ថ្ងៃបើកទ្វារពហុកីឡដ្ឋានជាតិអូឡាំពិកទទួលក្រុមជម្រើសជាតិប៉ាគីស្ថាន ជើងទី១ នាថ្ងៃទី១២ ខែតុលា និងបន្តហោះហើរទៅប្រទេសប៉ាគីស្ថាន សម្រាប់ការប្រកួតជើងទី២ នាថ្ងៃទី១៧ ខែតុលា ក្នុងវគ្គជម្រុះជុំទី១ ជើងឯកពិភពលោកឆ្នាំ២០២៦ FIFA World Cup 2026។
គិតចាប់ពីថ្ងៃទី២ ខែតុលា ដែលជាពេលវេលាប្រមូលផ្តុំហ្វឹកហាត់ រហូតដល់ថ្ងៃទី១៧ ខែតុលា គឺជាឱកាសពិធីបុណ្យកាន់បិណ្ឌ និងភ្ជុំបិណ្ឌ ដែលគ្រប់ក្រុមគ្រួសារក្នុងប្រទេសកម្ពុជានាំគ្នាទៅវត្តដើម្បីឧទ្ទិសកុសលផលបុណ្យជូនបុព្វការីជន។

ពេលវេលាប្រមូលផ្តុំហ្វឹកហាត់បែបនេះជាទូទៅគឺស្នាក់នៅរួមគ្នា ធ្វើដំណើរទៅកន្លែងហ្វឹកហាត់ និងទទួលទានអាហារជុំគ្នាដែលកម្រមានកីឡាករណាម្នាក់ត្រូវបានអនុញ្ញាតឲ្យចេញពីក្រុមទៅជួបជុំក្រុមគ្រួសារ ឬដើរទៅណាមកណាណាស់។ ដូច្នេះពួកគេមិនបានចូលរួមពិធីបុណ្យជាមួយក្រុមគ្រួសារដោយផ្ទាល់នោះទេ។
ទាំងនេះជាការលះបង់របស់ក្រុមបាល់ទាត់ជម្រើសជាតិកម្ពុជា ស្របពេលកីឡាករមិនបានជាប់ជម្រើសជាតិ និងប្រជាពលរដ្ឋទូទាំងប្រទេសបានជួបជុំក្រុមគ្រួសារ នាំគ្នាទៅវត្តក្នុងឱកាសនៃពិធីបុណ្យប្រពៃណីជាតិ។

ចំពោះក្រុមភ្នំពេញក្រោនមិនទាន់បានទៅជួបជុំក្រុមគ្រួសារ ឬចូលរួមបោះជំរំហ្វឹកហាត់ជាមួយក្រុមជម្រើសជាតិកម្ពុជាទេ ដោយសារពួកគេត្រូវប្រកួតក្នុងពានរង្វាន់ AFC Cup វគ្គសន្សំពិន្ទុក្នុងពូលជាមួយក្រុមជើងឯកមីយ៉ាន់ម៉ា Shan United វេលាម៉ោង៧យប់ ថ្ងៃទី៥ ខែតុលា នៅពហុកីឡដ្ឋានជាតិអូឡាំពិក។
បន្ទាប់ពីប្រកួតចប់ កីឡាករ៤នាក់គឺ អ៊ន ចាន់ប៉ូលីន, យ៉ើ ម៉ូស្លីម, ជួន ចាន់ចាវ និង លឹម ពិសុទ្ធ ត្រូវចូលរួមជាមួយក្រុមជម្រើសជាតិ ខណៈកីឡាករផ្សេងទៀតរបស់ភ្នំពេញក្រោនបានសម្រាកជួបជុំក្រុមគ្រួសារបាន៕

អត្ថបទ៖ វីរបុត្រ

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?